البارت الخامس والعشرين من روايه حــــــــــــــــــياه
الجزء الثانى /حب ام انتقام
بقلمى /امل عاطف
Nasem El Roh
💖💖💖💖💖💖
وبمجرد ماهشام شافها انبهر بيها ووقف متنح وبيبص عليها
شهد....هشام هاااى سرحان فى ايه
هشام...هااااالاابدا اتفضلى ياهانم
خرج هشام وشهد وركبوا العربيه ومشيوا وكان فى وراهم شخص مراقبهم
وصلوا المقابر وبمجرد شهد ما قربت على قبر امها دموعها نزلت فقرر هشام انه يسبها لوحدها بس يفضل متابع من بعيد
شهد....امى حبيبتى وحشتينى اوى يااامى انا السبب فى موتك انا مش قدره اسامح نفسى لحد دلوقت يااارتنى كنت سمعت كلامك مكنش زمان ده حالى ولا كنتى انتى بقيتى هنا انا خسرت اكتر شخص بيحبنى عشان واحد زى جابر
اوعدك يااامى انى اخد حقك وحقى منه اوعدك انى ادفعه ثمن كل لحظه بعت فيها عنك اسفه يااامى سامحينى ياااريت كنتى موجوده دلوقت كنت اترميت فى حضنك وعيط انتى متعرفيش انا محتجالك قد ايه بس متخافيش على بنتك وحقى مش هسيبه يااامى وجابر لازم يدفع الثمن
فضلت شهد تتكلم مع امهافتره طويله لحد ماهشام قرر انه يدخل لان الوقت اتأخر ولازم يرجعوا البيت
هشام...شهد هانم انا اسف بس لازم نمشى دلوقت عشان احنا اتأخرنا واوعدك انى هجيبك تانى
مسحت شهد دموعها واستسلمت ومشيت مع هشام وهى بتكلم نفسها وبتقول...لازم تسمعى الكلام ياشهد عشان تعرفى تطلعى تانى انا لازم اروح الاادم مره كمان ادم الوحيد اللى يقدر يساعدنى بس المره دى هروح اطلب حمايته هو اللى يقدر يقف فى وجه جابر انا عارفه ادم كويس ليمكن يرد حد طلب حمايته................
فضل هشام ماشى بالعربيه لحد مالاحظ ان فى عربيه ماشيه وراه فقرر يتأكد إذا كانت فعلا مرقباه ولا هو فاكر كده
دخل هشام اول شارع قبله بس بسرعه وفعلا دخلت العربيه وراه وفضل يمشى يمين وشمال وبرضه العربيه متابعاه
عرف هشام انه متراقب واكيد اللى بيرقبه جابر ولا مين يعنى ممكن يعمل كده غيره
هشام....اكيد جابر اللى بيرقبنى بس ليه هل ياترى لسه بيشك فيه ولا بيشوفنى هودى شهد فين انا لازم اتاكد بنفسى من الموضوع ده
وصل هشام شهد على الفيلا وهى نازله بصتله وقالت...ممكن تودينى النادى بكره ياهشام
لسه هشام هيرد عليها لمح جابر واقف وراء شباك مكتبه
فرد عليها وقال...اكيد طبعا ياهانم اتفضلى انزلى وبكره ان شاء الله هشوف جابر بيه وابلغ حضرتك
نزلت شهد وهى فرحانه وطلعت على غرفتها تفكر ازاى تهرب بكره من هشام وتروح لاادم...........
ياترى هتعرف تعمل ده؟؟؟؟؟هنشوف
ــــــــــــــــــــــــــــــــــــــــــــــــــــــــــــــــــــــــــــــــــــ
اما عند كريم وحياه ومن داخل غرفت كريم كانت موجوده حياه
كريم....يااااه ياحياه انتى شوفتى كتير قوى فى حياتك
ازى قدرتى تستحملى ده
حياه...عاوزنى اعمل ايه يعنى مكنش قدامى حل غير كده
كريم....كنتى على الاقل قولتى لولدك كل عمايل الست دى اهو كان طلقها وريحك منها
YOU ARE READING
روايه #حياه#بقلمى امل عاطف
Mystery / Thrillerاحبها حب صادق حب من اول نظره ولم يكن يعلم ان هذا الحب سوف يحطمه ويكسره ليغلق بعدها قلبه ويقسم على ان لا يفتحه مره اخرى لااحد فهل سوف ينجح فى ذلك........ هى فتاه ماتت امها وهى صغيره وتركتها وحيده فيتزوج الاب من الزوجه الثانيه ومن هنا تبدا معاناه حياه...
