روايه #حياه#بقلمى امل عاطف

البارت الثالث والثلاثون من روايه حياه

البارت الثالث والثلاثون من روايه حياه
الجزءالثاني #حب ام انتقام #
بقلمى/امل عاطف
Nasem  El  Roh
💖💖💖💖💖💖

دابوا الاثنين فى قبله عميقه كلها شوق ولهفه وحب عبر ادم فيها عن مدى حبه لـ حياه..وحياه مستسلمه ومفيش اى مقاومه منها وكأنها مستنيه اللحظه دى من زمان
وفجأه الباب اتفتح عليهم........ 🙈
اللى فتح  الباب  كان مروان اللى اتفاجأ بالمنظر اللى شافه ومبقاش عارف يعمل ايه يدخل ولا يقفل الباب ويخرج
حياه بعدت عن ادم بسرعه وطلعت من المكتب بسرعه البرق ووجهها فى الارض من كسوفها من مروان
بعد مروان عن الباب عشان حياه تخرج وفعلا طلعت حياه ولسه هيتكلم بس ادم كمان طلع من المكتب وهو بيبص ليه بنظرات حاده
مروان... ادم استنى رايح فين  ااااادم
ادم مردش على مروان ومشى وخرج بره المجموعه كلها ولسه هيركب عربيته بس مروان قفل الباب ووقف فى وجه
مروان.... هفضل اجرى وراك كده كتير
ادم بغضب.... عاوز ايه يامروان 
مروان... ايه اللهجه دى ياادم اسف والله انى دخلت بالطريقه دى بس انا ايش عرفنى انكم..... مكملش مروان الجمله وده عصب ادم اكتر
ادم... سكت ليه يامروان متكمل كلامك اننا ايه كنا بنبوس  بعض روح ياشيخ منك لله بقالى شهرين عاوز اعترف ليها بحبى وكل مره تحصل حاجه تمنعنى واسكت ومتكلمش والمره دى كنت خلاص هعترف واقولها انى بعشقها تيجى انت زى الحمار تدخل علينا وتبوظ كل حاجه منك لله انت  طلعت ليه من انهى مصيبه هااااااا
مروان مقدرش يمسك نفسه من الضحك وغصب عنه ضحك بصوت عالى وادم كمان ضحك والاثنين حضنوا بعض ومروان قال... اخيرا يااادم حبيت من تانى اخيرا فتحت قلبك احمدك يااارب اصلا انا كنت شاكك فيك من يوم الحادثه واللى عملته لما اتخطفت ولا لما شوفتها مغمى عليها على الارض
وقتها انا شكيت فيك بس المصايب جات وراء بعضها ومعرفتش اسألك بس صراحه البنت تستاهل انها تتحب
طب ايه هتعمل ايه انت دلوقت اتصل بيها وشوفها فين وخدها على مكان هادى وصرحها بحبك
ادم... مينفعش هى راحت تتغدى مع كريم
مروان... طب والعمل
ادم...الاسبوع الجاى هنسافر انا وهى البحيره عشان تسليم المجمع السكنى وبعدها هنطلع على الغردقه عشان
الحفله اللى هتتعمل فى الاوتال هناك هيكون الوقت المناسب بس اخلص الاول من موضوع شهد
مروان...هى مشكله شهد ليها حل اصلا البنت خلاص راحت فى خبر كان
ادم...والله معاك حق انا مش عارف هطلعها من المصيبه دى ازى اناالسبب فى اللى هى فيه
مروان...انت هتفضل تحمل نفسك فوق طاقتها كده كتير انت مش السبب هى طلبت حمايتك وانت حماتها على قد ماتقدر هى اللى دخلت عش الدبابير برجليها
ادم...معاك حق والله بس هنعمل ايه للقدر بقا قدرى انها تطلب منى انا الحمايه
ــــــــــــــــــــــــــــــــــــــــــ

اما عند حياه اللى طلعت من الشركه جرى مكسوفه من اللى حصل ازاى هتقابل مروان تانى وتتكلم معاه عادى كده بعد الوضع اللى شافها فيه هى وادم
ولا ادم اللى اخيرا الثلج ذاب ولااول مره يخد خطوه ويعبر عن مشاعره اتجاه حياه
حياه اخير وقفت والتقطت انفاسها وابتسمت وهى حاطه ايديها على بؤقها واسترجعت الموقف من الاول وغمضت عنيها لثوانى واتخيلت ان لو ادم بيبوسها تانى وتاهت فى بحور احلمها وفجأه الفون الخاص بيها رن وكان كريم هو اللى على الخط
حياه...ياااخبر دانا نسيت كريم خالص الووو ايوه ياكريم اسفه انى اتأخرت
كريم...ايوه ياحياه انت فين يابنتى بقالى ساعه مستنى
حياه...عشر دقائق وهكون عندك سلام
وفعلا وصلت حياه على المكان اللى منتظرها فيه كريم
حياه فضلت تدور على كريم لحد ما شافته وراحت عليه بس مكنتش مركزه خالص
كريم....هاااى ايه يابنتى روحتى لحد فين انتى مش معايه خالص
حياه...اسفه ياكريم
كريم...مالك ياحياه انتى تعبانه
حياه...مش عارفه والله ياكريم مالى انت ممكن تزعل لو طلبت منك اننا نرجع البيت
كريم...لا طبعا اهم حاجه عندى هى راحتك...وركزوا معايا بقا فى الجمله دى اوى ونقول ربنا يستر😂😂😂
جرسون لو سمحت الحساب
ركبت حياه العربيه مع كريم وطول الطريق سرحانه فى اللى حصل مابنها وبين ادم وقلبها بيرقص من الفرحه ونفسها انها ترجع البيت بسرعه عشان تشوف ادم لانه وحشها اوى
كريم لاحظ ان حياه سرحانه ومش معاه خالص
كريم...يابخته اللة شاغل بالك
حياه...نعم بتقول حاجه ياكريم
كريم...لا دانتى مش معايا خالص بقول يابخته اللى مخليكى تبتسمى وانتى بتفكرى فيه
حياه....انا ببتسم لا طبعا ده بس اصلى افتكرت حاجه ضحكتنى
كريم...ماشى ياستى هنعديها المره دى مع انى مش مقتنع خلينا بقا فى المهم.... انا مسافر اسوان كمان اسبوع
حياه...مسافر اسوان ليه
كريم...عندى انتداب لمستشفى الدكتور مجدى يعقوب
حياه...لازم السفريه دى ياكريم
كريم...ايه هوحشك ولا ايه
حياه خجلت من طريقه كلام كريم وقالت....احنا اخوات واكيد لازم هتوحشنى
كريم...عجبنى اوى الرد الدبلوماسى ده
حياه...انت رزل على فكره
كريم...بهزر والله متزعليش انت مبتهزرش يارمضان
حياه ضحكت وقالت....لا بهزر يااخويا وربنا يكفيك شر هزارى تحب تجرب
كريم...لا وعلى ايه الطيب احسن...ضحكوا الاثنين وكريم كمل كلامه وقال...الانتداب هيكون لمده شهر وبعد ماارجع عندى ليكى مفاجأه يااارب تعجبك
حياه بزعل...هتغيب شهر بحاله ياكريم
كريم فرح اوى من رد فعل حياه وترجم الزعل ده على انه حب وان حياه بتبدله نفس الشعور ودى هتبقا نصيبه سوده ربنا يستر
كريم...هيفرق معاكى الشهر ده ياحياه
حياه...طبعا هيفرق انا اتعودت على وجودك معانا الحمد الله انى هسافر مع ادم البحيره عشان مكنش لوحدى
كريم...هتسفروا البحيره ليه تانى
حياه....المجمع السكنى خلاص خلص ولازم ادم يكون موجود عند الافتتاح
كريم....امممممم وهتغيبوا كتير
حياه...لسه معرفش....وقتها وصل كريم على الفيلا وحياه لمحت عربيه ادم وفرحت اوى بس طبعا من غير ماتبين لكريم ده
كريم...ايه ده ادم وصل
حياه... اخدت بالى من العربيه
نزلت حياه من العربيه وعنيها بدور على ادم فى كل مكان 
ومش لقياه لحد ماطلعت داده كريمه من المطبخ وفى ايديها صنيه عليها فنجان قهوه وكيك
كريم...داده وحشانى ياقمر الله القهوه دى اكيد ليه
داده كريمه....القهوه لاادم انت لو عاوز اعملك غيرها حالا ياقلبى
كريم...هطلع اخد شاور وانزل بسرعه امال الكوتش فين مش شايفه
كريمه...فوق فى الاوضه بتاعته وشكله ميطمنش خالص عفريت الدنيا بتتنطط قدامه
حياه بالهفه...ليه ياداده هو حصل حاجه انا سيباه كويس فى المجموعه
كريمه...والله يابنتى معرف بس كان بيتكلم فى التليفون وهو داخل وكأنه بيتخانق مع حد
حياه...هطلع اشوف ماله
كريم...نصيحه منى بلاش تكلميه وهو متعصب عشان متزعليش
حياه افتكرت اللى عمله فيها وقت ماكان كريم واقع فى  مشكله علا وخافت
بس فى الاخر قررت تطلع تشوفه ماله
كريم...برضه هتطلعى انتى حره على العموم لو احتاجتي مساعده انا فى الخدمه قال الجمله دى وطلع على فوق وهو بيضحك..
اما حياه طلعت وراه بالصنيه اللى كانت مع داده كريمه بعد مااخدتها منها
خبطت حياه على باب الاوضه ودخلت بعدماادم سمح ليها تدخل وكان وقتها مفكرها داده كريمه
ادم...ادخلى ياداده
حياه...بس انا مش داده كريمه
ادم...حياه رجعتى امته انتى وكريم
حياه...من شويه بس داده قالت انك متعصب وبتخانك حد فى الفون ممكن اعرف مالك
ادم كان قاعد على الكرسى الهزار وفى ايده اللاب الخاص بيه بص ادم فى اللاب تانى واتجاهل حياه تمام وكأنها مش موجوده
حياه اتغاظت من التصرف ده فقربت من ادم وقفلت اللاب وقالت....انا بكلمك على فكره فـ متحولش تهرب
ادم...لو سمحتى ياحياه مش فاضى ممكن نأجل الكلام لوقت تانى
حياه....كل مااتكلم معاك تهرب من الحوار بنفس الكلمه شكلى بتطفل عليك ياادم انا اسفه واوعدك انها مش هتتكرر تانى
لسه هتخرج قام وقف ادم بسرعه ومسكها من ايديها وقربها منه وبص فى عنيها وقال...انا اسف ياحياه مكنتش اقصد انى ازعلك بس بجد فى موضوع شغلنى وشاغل كل تفكيرى
حياه...موضوع ايه ياادم اتكلم مش يمكن يكون عندى الحل
ادم...ياااه ياااريت ياحياه كل الموضيع تكون سهله زى ماانتى متخيلها بس للاسف مينفعش
حياه...لدرجه دى الموضوع خطير ومينفعش انك تتكلم فيه
ادم...لو كان سر عن الدنيا كلها مش هيكون سر عنك انتى ياحياه
حياه....لدرجه دى انا مهمه عندك ياادم
ادم...فوق ماتتخيلى حياه انا بحــ................................
ملحقش ادم ينطق الكلمه اللى مش ناويه تطلع وتتقال
ودخل كريم عليهم وانهى اللحظه الرومانسيه اللى كانت ياعينى لسه هتبتدى
ادم بصوت واطى بس طبعا حياه سمعته وابتسمت...مش وقتك خالص ياكريم والله اوف😂😂😂😂😂😂
كريم....كوتش وحشنى اخبارك
ادم...زى الزفت عن اذنكم
كريم...رايح فين دانا جاى عشان نسهر مع بعض
ادم وهو ماشى....عندى شغل ولازم اخلصه قبل مااسافر وساب الاوضه كلها وخرج وهو مخنوق من القدر اللى دائما معاكسه
حياه ابتسمت لانها فهمت ليه ادم خرج من الاوضه وقالت....انا تعبانه ولازم ارتاح عن اذنك ياكريم
كريم.....ايه ده هو كلكم هتسبونى وتمشوا ولا ايه
اما اتصل بالواد جاسر اشوفه فين ونسهر مع بعض وفعلا اتصل بـ جاسر اللى كان اصلا بره البيت سهران هو وساره مع بعض
كريم...الووو جاسر اخبارك
جاسر...تمام ياكريم انت اخبارك ايه سمعت انك هنتدب لمستشفى  د/مجدى يعقوب
كريم...ايوه صحيح اللى سمعته انا اصلا مش مصدق انى هقابل دكتور مجدى يعقوب انا بعشقه اصلا
انا مش عارف انت ليه اتخصصت تخدير مش كان زمانه مع بعض وهنسافر مع بعض
جاسر...القلب ومايريد بقا ياعم
كريم...طب ياخويا المهم انت فين انا مليت من جو البيت وعاوز اخرج تيجى نطلع سوء
جاسر....انا اصلا بره مع ساره
كريم....قولتلى ساره يابختك مش بضيع وقت يعينى عليه انا
جاسر...وله فكك منى انا مش فاضيلك سلام وكلمنى بكره
كريم...بقا كده بتبعنى ياجاسر
جاسر....وابيع ابويا كمان سلاااااام
كريم...وله اوعى تقفل واد ياجاسر ماشى ياجاسر بقا بتقفل الخط فى وجهى  اعمل ايه انا عاوز اخرج ومش للاقى حد يطلع معايا يووووه احسن حل اروح انام واريح دماغى
ــــــــــــــــــــــــــــــــــــــــــــــــــــ