روايه #حياه#بقلمى امل عاطف

البارت الثانى والاربعون من روايه حياه

البارت الثانى والاربعون من روايه حياه
الجزء الثالث /حب ام انتقام
بقلمى /امل عاطف
Nasem El Roh
💖💖💖💖💖💖

كريم...تمام وشكرا مره تانيه ممكن بقا العنوان بالظبط
احمد ادى العنوان لـ كريم بالظبط وكريم قفل الخط وبص لااياد ومروان وقال...احنا لازم نتحرك بأسرع وقت عشان نلحق ادم قبل ماجابر يوصل ليهم
اياد....يلابينا
وفعلا طلعوا كريم ومروان مع بعض فى عربيه مروان واياد طلع بـ عربيته وفى الطريق بلغ اياد مركز الشرطه اللى فى الفيوم
عند حياه اللى اطمنت اكتر ان كريم ومروان عرفوا مكانهم وفى الطريق ليهم
احمد استأذن من حياه عشان يطلع مشوار صغير
حياه... هو حضرتك هتتأخر يادكتور انا خايفه ادم يفوق ومعرفش اتعامل معاه
احمد... اطمنى كلها نص ساعه واكون عندك اما ادم  فـ لسه قدامه ساعه عبال مايفوق اكون انا رجعت وان احتاجتى حاجه اطلبى من امى عن اذنك
طلع احمد راح مشواره وفضلت حياه جنب ادم وهو نايم
قربت حياه من ادم وحطت ايديها على شعره وفضلت تمسح عليه بأيديها وتقول... الحمد الله انك بخير ياادم
انا كنت هتجنن ومش  عارفه اعمل ايه
كنت خايفه عليك اوى من جابر الحمد الله اننا هربنا منه
قوم بقا ياادم فتح عنيك انا من غيرك ضايعه
انت وعدتنى انك هتفضل جنبى وهتحمينى قوم ياادم عشان توفى بوعدك ليه انت اقوى من كده ليه مستسلم للالم بالشكل ده
قربت حياه من وجه ادم اكتر وباسته من وجه وبعدين بوسه وراء التانيه لحد مااستقرت حياه على شفايف ادم وسمحت لنفسها انها تبوسه من شايفه
ادم ابتدا يفوق وبيحاول يفتح عنيه بس مش قادر
حياه حاسه بادم وهو بيحرك راسه يمين وشمال
حياه... ادم انت فوقت اانت كويس حاسس بأيه اتكلم يااادم طمنى عليك
ادم بيحاول يتكلم بس الصداع والالم اللى فى راسه مخليه مش قادر يتكلم
حياه... ارتاح ياادم احنا هنا فى امان اطمن
ادم بصوت ضعيف....خلينا نمشى من هنا بسرعه ياحياه
حياه... نمشى نروح فين يااادم احنا هنا فى امان اطمن
ادم... اسمعى الكلام مفيش وقت
حياه.... كلامك ده بيخوفنى ليه عاوزنا نمشى انا اتصلت بـ مروان وكريم وهماعلى الطريق 
ادم حاول يقوم  من على السرير بس مقدرش ولكنه حاول مره تانيه وفعلا قام وشال الكانولاه من دراعه وسند على حياه اللى جريت عليه اصلا لما ابتدا يمشى وكان هيوقع
حياه... هنروح فين ياادم انا خايفه وطريقتك دى بتخوفنى اكتر
ادم.... متخافيش... طول ماانا جنبك متخافيش بس نطلع من هنا قبل ماالشخص ده يوصل!!!!
حياه بتعجب... تقصد مين ياادم
ادم... اقصد احمد رمزى عبد الكريم
حياه... دكتور احمد ليه خايف منه ده هو اللى ساعدك
ادم... هفهمك كل حاجه بعدين المهم نطلع من هنا
فعلا ادم وحياه طلعوا من البيت وكان البيت وسط المزارع
ادم... تعالى هنمشى من هنا
حياه... هنمشى وسط الزرع
ادم... ايوه تعالى
حياه... ادم انت مش قادر تمشى وشكلك تعبان ليه بتحمل نفسك فوق طاقتها انا خايفه عليك
ادم وقف واخد حياه فى حضنه وباسها من شعرها وقال... زى مابتخدى قوتك منى انا كمان باخد قوتى منك
انا كويس اطمنى صحيح لسه فى اثر للصداع بس اكيد مش زى الاول
المهم دلوقتي اننا نبعد من هنا على قد مانقدر
حياه... ليه ياادم فهمنى
ادم... احمد شغال مع جماعات متطرفه وانا سمعته وهو بيتكلم فى الفون مع رئيس الجماعه وقاله على اسمى واسمك وهو دلوقتى راح عشان يأخد الاوامر منهم بخصونا فهمتى
حياه... هو ايه الغلب ده ياارب نطلع من جابر نقع فى جماعات اسلاميه هى المشرحه ناقصه قتله رحمتك يااارب
ادم ابتسم وقال... يلا مفيش وقت
مشى ادم وسط المزارع وكانت حياه خايفه اوى من الطريق بس ادم وقفها وقال.... طول ماانا جنبك متخافيش
حياه.... انا خوفى الاكبر انى اخسرك ياادم
ادم... طول ماانا عايش وفيه نفس مش هبعد عنك وده وعد منى ليكى
حياه حضنت ادم وقالت.... اوعى تسبنى ياادم انا مقدرش اعيش من غيرك
ادم.... اوعى انتى تسبينى ياحياه انا اللى خلاص مبقتش اقدر على بعدك
ادم شاف عربيتين رايحين باتجاه بيت احمد
ادم... وطى دماغك لحسن يشوفونا
حياه... بتبوص عليهم واتصدمت من اللى شافته
حياه... ده جابر ياادم  عرف مكانا منين هو اصلا مكنش موجود لما هربنا وحتى رفاعى ميعرفش انا روحت فين لانه كان مغمى عليه محدش يعرف مكانا غير مروان وكريم
ادم... انتى لما كلمتى مروان وكريم كانوا فين
حياه... معرفش ياادم
ادم... فى حد تالت كان معاهم وهو اللى بلغ جابر بالمكان