သည်လိုနှင့် ရပ်ကွက်ထဲမှာသာလေကြွားရဲသောမောင်မောင်ရယ် သတင်းကြားနေပေမဲ့ အဖတ်မလုပ်သော နှင်းတို့အတွက် ကံကြမ္မာသည် လှည့်ကွက်ဆင်ပေးခဲ့လေ၏။
လမိုက်ညတစ်ညမှာ နှင်းတစ်ယောက်ထဲနေသည့်အိမ်သို့ သူခိုးဝင်သည်။ တစ်ရပ်ကွက်လုံးဆူဆူညံညံဖြစ်ကုန်၏။ သူခိုးကိုဝိုင်းဖမ်းသူတွေထဲ မောင်မောင်ကထိပ်ဆုံးတွင်ရှိပြီး ဒေါသတကြီးဖြစ်နေလေသည်။ သူခိုးကိုတော့မမိလိုက်ကြ။ နှင်း သည်လဲတစ်ယောက်တည်းမအိပ်ရဲတော့ပဲ ထိုင်ငိုနေရှာသည်။ ရပ်ရွာလူကြီးတွေကောင်းမှု့ဖြင့် မောင်မောင်တစ်ယောက်သာ ညစောင့်ကျသွားရ၏။
မောင်မောင်ကသူ့ရှေ့တွင် ကျုံ့ကျုံ့လေးထိုင် တရှုံ့ရှုံ့ငိုနေသေးသည့်ဟာလေးကို ဆောင့်ဆွဲဖက်နမ်းပစ်ချင်စိတ်ကို
အတင်းမြိုသိပ်နေရသည်။ ထိုဟာလေးကို အနီးကပ်သေချာကြည့်ခွင့်ရနေသည်မို့ ထပ်ခါတလဲကြည့်နေမိသည်။ အဝေးကခိုးကြည့်ခဲ့ရချိန်များမှာတောင် ရင်ခုန်နေခဲ့သည်မို့ ယခုအနေထားသည် မောင်မောင့်ကိုအသက်ရှုဖို့မေ့စေသည်အထိ ထိချက်ပြင်းပါ၏။
သည်မျှ ချစ်စရာကောင်းသူလေးကို အချောင်ကြံသွားသော လူ့ငနွားတွေကရှိသေးသည်။ နှမချင်းမှကိုယ်ချင်းမစာ အဲလေ
အစစ်မဟုတ်၍ မည်သို့နှိုင်းရပါ့။ ထားပါတော့။ မည်သို့ဆိုဆို ဒါလေးကိုချူစားသူများအား ခွေးဝဲစား၊သူတောင်းစားတွေဟုသတ်မှတ်လိုက်ပါမည်။
>ထွီ... လူစိတ်မရှိတဲ့ဟာတွေ သူတို့ကိုသူတို့များ ယောက်ကျားဖြစ်လာတာဆိုပြီး ဂုဏ်ယူနေကြသေးတယ်။ အကုန်ဖြတ်ပြီးကုန်းကုန်း လုပ်ခိုင်းပစ်ရမှာ ဟင်းးးဟင်းးး။<
တွေးရင်း တွေးရင်း နှမျောတသဖြစ်လာသည်။ ဒေါသတွေထွက်လာ၏။ စိတ်ပျက်စွာ သက်ပြင်းချမိလိုက်သည့်အသံက မတော်တဆကျယ်သွားရသည်။ အရှေ့တွင်ထိုင်နေသော မောင်မောင့်အသည်းအူတုံကလေးသည် မောင်မောင့်ကို ချစ်ရည်ရွှန်းလဲ့မဟုတ်သော မျက်ရည်ရွှန်းလဲ့ မျက်ဝန်းတွေဖြင့် မော့ကြည့်လာလေသည်။
"ငိုမနေတော့နဲ့ စိတ်ချလက်ချ
သွားဝင်အိပ်ချေ ကျုပ်မနက်ထိ
ထိုင်စောင့်ပေးမယ်"
आप पढ़ रहे हैं
မောင့်အချစ်သာ တကယ်စစ်လေသည်။
लघु कहानीချစ်ခြင်းဖွဲ့ ဘဝတချို့မှာ ကြည်နူးခြင်းရလဒ်တွေနဲ့ မြတ်နိုးစွာပိုင်ဆိုင်ခွင့်တွေ။
