♥️
يَــلا نبدي بالبارت الـ 5 💬
قراءه ممتعه ♥️ و اعتذر عن الاخطاء الاملائيه ان وردت 🌸♥️
***********************************************
لينا
جنت بالمستشفى دا اشوف تحاليل مـال مريضه عندي و فجأه يصير صياح و اسمع واحد يكول الحكولي بنتي رح تروح مني طبعا انـي سامعه هذا الصوت و رحت اركض و فجأه نصدمت من اشوف عمو جلال مدمى و شايل جومانه بيده الي غايبه عن الوعي رحت اركض اله
لينا بقلق : عموو شبييك شبيها جومانه .... جيبوو السديه بسررررعه
و بسرعه جابو السديه و عمو خله جومانه عليها وهو ميت بجي ف بسرعه اخذناها و رحت بسرعه لبابا جان واكف حسن يمه
عادل بقلق مـن هيئه لينا : شبيج بابا
لينا : بابا روح شوف عمو جلال منهار جاب جومانه غركانه بدمها
عادل و هـو يعوفها ويركض لاخو : حسنن الحكنيييي
حسن وهو يركض ورا عادل : حاضر دكتوور
راحت لينا لجومانه و نقهرت كُلـش على حالتها جانت ايديها كُلها دم و بصعوبه حاولوا يسيطرون على حالتها لأنـو فقدت هوايه دم و خيطوا الجرح مالتها و طبعا لينا بيدها نضفت الدم مالتها و غيرت ملابسها بملابس مـن عدها لأنـو خاله الها ملابس بغرفتها للطوارئ و ظلت صافنه عليها
لينا : يـاا تُرى شنـو السبب الي خلاج تسوين هيــچ ؟؟
بعـدين طلعت مـن الغرفه بهدوء و راحت لابوها لكته كاعد بصف جلال و يهدأ بي و جلال عيونه حمر مـن البجي على بنته و لكت حسن واكف بصف احمد الي حالته متقل عن جلال و الا شويه ينهار و فهد يحاول يهدأ بي ومعرفت شنو سبب حاله احمد هيج و الشيخ هاشم واكف يمهم و حازم و ميهمن
لينا بداخله : شــوڪـت لحكوا يجون !
جلال وهو يشوف لينا تجي بأتجاهم ليحجي بخوف : بنيتي شونها لين بشريني
لينا بابستامه مطمئنه : لتخاف عمو جومانه نايمه هسه لحكناها باللحظات الاخيره
عادل : شنـو تشخيصج دكتوره ؟؟
لينا و هـي تباوع لعادل و بعـدين لحسن بتوتر : ا ا محاوله انتحار دكتور
الكل مـا عدا جلال : شنووووو ؟؟؟
هاشم بعصبيه : جلال احـجي شوصل حفديتي لهيج شيي ؟؟
حازم : بويه اهدأ خلي نفهم
احمد بعصبيه و هـو يتجهه الجلال : عممييي احجييي مره عمي شسوووت لجومانه هاا ؟؟
فهد ومصطفى وهمه يحاولون يلزمونه : احمددد شبيييك عمي الي بي مكفييي
احمد بصياح : عمييييي احـجي ڪولـي داليااا شسوووت ! باوع بعيني و احجييي
جلال بصياح اكبررر : احمد احتررم انـي عمك مـــو اخوك و تصيح عليه
احمد : انـت عميييي و جووومانه ...
هاشم بصياح : احمدددددد
الكل سكت ؏ صوت الشيخ هاشم
هاشم بصرامه : فهد اخذ الولد و اطلع ارتاحوا بره
فهد وهو يجر احمد : تأمر شيخ
احمد وهو يباوع الجلال بنظره اخيره : و حق الي خلقها اذا دريت أنــو داليا سبب الي صـار هسه بجومانه مـا ارحمها
و عافهم وطلع ؏ السريع
حسن وهو يباوع لفهد و مصطفى : ظلوا هـنا انـي الحكه
كُـل هذا تحت انظار لينا الي صافنه عليهم وحلكها مفتوح مـن الصدمه الا شويه رادت تصير هـنا مجزره بين احمد و عمو جلال شَكـو بينهم ؟ بـس تصحى على صوت ابوها وهو يصيحها بعصبيه
عادل وهو يشوف لينا مصدومه : حضررره الدكتوووره !
لينا بارتباك : نَعـم دكتور
عادل بصرامه : اعتقد أنــو متعلمه ردات الفعل هذه ويا شغلج ممنوعه
لينا بتأسف : اسف...
عادل : عوفي الاسف و روحي شوفي المريضه
لينا وهي تحاول بصعوبه تكبت دموعها بصعوبه : تـمـام دكتور ... وعافتهم راحت بسرعه
بـس دموعها مـا غابت عن فهد الي اول مـا اجهه للمستشفى وهو يراقب كُـل حركاتها و حتى انتبه عليها مـن شون صافنه عليهم و اخر شي مـن صيح عليها عمه عادل و تفاجى لـيش هيــچ عاملها وهو بالبيت يدللها دلال وراد يسأل عمه عادل بـس سبقه هاشم
هاشم : بويه لـيش هيــچ عاملت البنيه خطيه
عادل : لا شيخ احسن احنا هـنا هـي دكتوره و انـي استاذها
مصطفى لفهد بصوت ناصي : ؏ــــآد عمك فهد يدللها بالبيت و هـنا يعاملها برسميه انـت لا بالشغل و لا بالبيت تعاملني مثل الاوادم
فهد : انجب و اسكت هسه
مصطفى : صـدوك شتتوقع لـيش جومانه سوت هـيج ؟
فهد بغموض : باعتقادك لـيش !
مصطفى وهو يضيق عيونه متصنع الغموض مثل اخو : لـيش ؟
فهد : لان داليا تريد تجبر جومانه حتى تزوجني
مصطفى بصدمه وصياح : شنوووووووو ؟؟
هاشم : وقزرققققط
مصطفى بتحمحم : ا اسف شيخ مـا سيطرت ؏ نفسي
هاشم : وغسسسل
فهد بصوت ناصي : لـك شبـيـك فضحتنا ساعه السوده الي حجيت وياك
مصطفى : لـك دسكت مـا تحملت وعليي مـــو زين مـا نهاريت هههههههه
فهد بخزره : لتضحك
مصطفى بخوف : صـار
لينا وهي تقاطعم بجيتها : دكتور المريضه صحت
جلال وهو يكمز مـن مكانه : صـدوك بنيتي !! اريد اشوفنها
لينا بابتسامه : ماشي عمو تعال وياي
راحو الكل ورا لينا لغرفه جومانه الي لكوها كاعده بـس وجهه تعبان
جلال وهو يبوس راسها : لـيش هيــچ بويه تسوين بابوج لـيش
جومانه وهي تبجي : اسفه بابا
لينا : عمو لتخليها لتبجي مـــو زين عليها
هاشم : بويه لـيش هيــچ سويتي بينا شجرالج
جومانه وهي تباوع لجلال بخوف و ارتباك و رادت تِحجـي بـس قاطعتها لينا وهي ودكول : جدو اسفه الغلط مني بـس جومانه مـا رادت تنتحر و انما جانت تسوي بالمرايه و نكسرت بيدها
عادل وهو يباوع لبنته بابتسامه لان عرف أنــو هـي مغلطانه بـس رادت تتلافى الموضوع : هذا عليه عقاب دكتوره
لينا بابتسامه : و انـي جاهزه
بعـدين باوعت لجلال و جومانه الي باووعون الها بنظره شكر و امتنان
مشت الكذبه على الكل مـا عدا فهد لسببين الاول أنــو يعرف اصلا داليا سبب حاله جومانه و ثانيا لان عرف مـن نظره لينا لابوها أنــو هـي حاولت تتلافى الموضوع
فهد بداخله : طلعتي مو هينه يالحلوه
أنت تقرأ
عشق احفاد هاشم (مكتمله)
Romanceمَن انـتَ حتى اتنازل لـك ؟ تسأليني مـن انـا ؟ انا مـن وقعت في جمال عينيكِ انا مـن عشقت قوتكِ و غروركِ انا الذي لن اخاف مـن فقدان احد و خُفت مـن فقدانكِ انا عاشقكِ المجنون ...♥️ لن يتنازل احد منكم عن عشقهِ و لن يسقط جبروته و قوته امام احد فأنت...
