عشق احفاد هاشم (مكتمله)

الـبارت الـسادس

♥️

يَــلا نبدي بالبارت الـ 6 💬

قراءه ممتعه ♥️ و اعتذر عن الاخطاء الاملائيه ان وردت 🌸♥️

***********************************************

فهد هـو دا يمشي بالطريق للبيت دك تلفونه طلعه شاف رقم سحر
فهد بداخله : اووو سحر مـــو وكتج هسه ... وفصل الاتصال
لينا وهي عرفت مـنو دك عليه و حاولت أنــو تسأله طول الطريق بـس مكدرت
فهد وهو يسوق ونظره ليكدام : شبيج تحوصين احجيها و فضيني رح تموتين
لينا وهي تصنع عدم الفهم : انـي !
فهد : لـعد اميي .. ‏Ⴢ̤Ι انـتِ طول الطريق تحوصين تردين تحجين شي شتردين ؟
لينا  : اممم فهدد
فهد بداخله (انعلبوا التنعوص مالـتج الي رح يكلب بينا السياره ) : هـا ؟
لينا : مـنو سحر ؟
و فجأه يوكف فهد السياره ؏ جهه وهو يندار بعصبيه ؏ لينا الي نخطف وجهه بسبب شكله الي تغير فجأه : شمعرفج بيهااا ؟؟
لينا بارتباك : شبـيـك هبطتني !!
فهد وهو يحاول يهدأ بنفسه : ماشي ... منين تعرفيها ؟
لينا : مـا اعرفها اصلا بـس مرا سمعتك تِحجـي وياها بالغرفه
تهند فهد تنهيده قويه و بعـدين حرك سيارته : و لـيش تصنطين ؏ العالم !
لينا وهي تندار اله : انـي ؟؟؟ لا طبعا بـس جنت دا اروح لغرفتي و سمعتك تصيح
فهد وهو مركز بنظره ؏ الطريق : هسه المهم مـا صـار شي و سحر معميله عددنا
لينا بعدم اقتناع : أوكـي
فهد بداخله : معميله ؟؟؟ هذا الي طلعت بي معميله دكوللها ؟؟ زين لـيش تجذب اخخخ منـك فهددد اخخخ بـس اريد ﭑ؏ـــرُف لوين اريد اوصل بهذه التصرفات الي مـا ادري منين دا تطلعلي
: يَــلا وصلنا
لينا وهي تفتح الباب : شُكـرا ؏ التوصيله
فهد وهو ينزل : ديلا طبي رح اموت جوع مـن وراج
لينا وهي تمشي ؏ السريع حتى تلحكه وتمشي بجانبه : انـي هـم يَــلا تعال نتعشى سووا
وكف فهد فجأه
لينا باستغراب : شَكـو وكفت ؟
فهد : هـا ! لا ماكو شي يَــلا امشينا
دخلوا فهد و لينا للبيت
فهد : يممممه
ام فهد : هـلا يمه .. هـلا بنيتي شونـج
لينا وهي تشبك ام فهد : هلاو عمتو شونـج حــيآتي
فهد وهو يقلدها : عمتو  .... يمه بروح الحسين صبيلنا ميت جوع
لينا وهي تكعد ؏ الميز : ‏Ⴢ̤Ι ولله عمتو انـي هـم ميته جوع .. لـعد ويـن بابا و حسون
ام فهد : بنيتي ابوج كاعد يم الشيخ بالمضيف و حسوني طلع ويا مصطفى
لينا بزعل : يااا الهيلك لـيش مـا نتظرني حتى ياخذني ويا
فهد وهو يلعب بتلفونه : ويـن تردين تروحين عَـيني شعندج منبصه بنصهم
لينا : و انـت شعليك
فهد بخزره : رح اكصصصه
لينا : شنـو هـو ؟؟
فهد : الـ .... استغفر الله ربيي .. يممه استعجلي مـا اكدر اظب لساني انـي
لينا بهمس : شكد هيلك
فهد : مـــو رح اكوملج
ام فهد وهي تحط الاكل كدامهم : كافي يمه شبيكم تتعاركون يَــلا تعشوا انـي رح اروح
لينا وهي تباوع لفهد بطارف عينها : معليج حــيآتي عمتو روحي ارتاحي