Taming the Waves (College Series #2)

Chapter 19

"Happy Valentine's Day!" malakas na sigaw ni Vina pagkapasok na pagkapasok pa lang ng room. Dumiretso siya sa white board at nag-lettering doon. Ni hindi muna ibinaba ang bag at inuna talaga ang kalokohan.

Sumandal ako sa upuan at pinanood siya. She's swaying her hips na parang may pinakikinggan siyang kanta. Nang matapos sa ginagawa ay humarap siya sa amin.

"I-suggest niyo na dapat ay walang klase!"

Nagtawanan ang iba kong kaklase dahil alam naman naming lahat na imposible 'yon sa mga professors namin ngayon.

"Wala ka namang ka-date, Vina," pang-aasar ni Daniel sa kanya.

"Di ka sure! Ang daming nagyayaya sa akin, 'no!?" Sinimangutan niya ito bago naglakad patungo sa akin. Pasalampak siyang umupo sa tabi ko at nagpakawala ng malalim na buntong-hininga.

"Nangyari sayo?" natatawang tanong ko.

She made a face. "May lakad ba kayo ni Troy? Tayo na lang ang mag-date."

Napaisip ako. Wala namang sinasabi sa akin ang lalaki kung may plano ba siya o wala. Hindi rin naman ako para mag-plano para sa amin lalo at alam kong busy siya sa pagre-review. Kaunting linggo na lang kasi ang bibilangin at battery exam na nila kaya medyo dumalang din ang pagkikita namin. Still, we text and call each other often.

"Saan naman tayo? May trabaho pa ako sa guidance office."

She grunted. "Gago, oo nga pala."

Hindi na siya nakaimik ulit nang pumasok na ang instructor namin at walang pasubaling nagturo. Bwisit na bwisit pa si Vina dahil ang tanging makukuha niya raw na surpirse ngayong araw ay ang surprise quiz namin sa theories of personality.

It was actually a fun and engaging subject. You'll learn from different school of thoughts down to the most renowned psychologists.

The discussion and activities went on for almost three hours kaya lambot na lambot si Vina nang matapos kami. Maganda naman ang topic ngayon pero dahil diretso ang klase, talagang nakakapuno ng utak.

Kalalabas pa lang namin ng room para kumain ay lumapit sa akin ang isang lalaki mula sa BS Biology. May dala siyang isang long stem red rose kaya naging tumpok ako ng asaran.

"Uh... gusto ko lang ibigay, Chin. S-sana ay tanggapin mo..." aniya habang iniaabot sa akin ang bulaklak.

Nakarinig ako ng tilian sa paligid kaya hiyang-hiya ako sa nangyayari.

"Tanggapin mo, Valentine's naman!" anas ni Vina sa akin.

I looked at the guy and I noticed how red his cheeks were. Hindi ko siya kilala pero pamilyar ang mukha niya sa akin. I gulped. He pulled all his courage together to give it to me. I should accept it. Wala namang masama.

Dahan-dahan ang ginawa kong pag-abot sa bulaklak at kitang-kita ko sa mukha niya na nakahinga siya nang maluwag. Nginitian niya ako habang ang balikat ay halata ang pagtaas-baba.

"Salamat," I said.

Nang makatalikod kami sa kanya ay inulan ulit ako ng tukso ng mga kaklase kong nakakita sa nangyari. Hindi ko tuloy maiwasang mahiya dahil kung saan-saan kami dumadaan at napapatingin ang iba sa akin.

"Wala, aantayin ko pa rin ang pakulo ni Troy!" natatawang saad ni Vina.

Sinang-ayunan siya ng mga kaklase ko kaya lalo akong namula. I can't imagine him doing that! Ni hindi nga ako umaasa na espesyal ang araw na 'to dahil parehas naman kaming busy.

Naglalakad pa lang kami papunta sa canteen nang harangin kami ni Joaquin. This time, he's holding a bouquet of chocolates! Yes! A freaking bouquet! Diretso ang lakad niya patungo sa akin at bawat hakbang nito ay kinakabahan ako. Please, tell me it's not for me! Ni hindi ko na nga halos kayanin ang pagtanggap sa isang rose, iyan pa kaya?!