التثقـيـف آلَمــهّدٍوٌي

الشهادة وشهيد؟

سلامٌ عليكم جميعاً
اليوم موضوع نقاشنا عن الشهادة والشهيد
لكن أريد منكم مُقابل 😊💙
بعد إكمال القراءة

١_قراءة الفاتحة +١٠ صلوات إلى من أحببتم من الشهداء خصوصاً أحمد مهنا.

٢_تتدبرون بالكلام وتحاولون تطبيقه وإذا ممكن إعادة توجيه لقنواتكم أو مجموعاتكم للفائدة
انتظرونا..
اللهم صلِ على محمّد وآل محمّد

الحمد لله احنه بالعراق عدنا ثقافة الجهاد والمقاومة من قبل هواي مرينا بحروب وكذلك مواجهة النظام البائد الطاغي وكان عدنا مجاهدين أبطال ومخلصين لوجه الله بس احنه شباب هذا الجيل للأسف منعرفهم ومنعرف حجم بطولاتهم وتضحياتهم
لكن مع انطلاق الفتوى وتأسيس الحشد ، الحمد لله انتشرت ثقافة الشهادة والمقاومة بشكل واسع كُلش.

لكن دائماً نسمع :
ليش تحبون الشهداء؟
شنو هالحب والنشر والكلام ليش كله ع الشهداء ؟
اشمعنى فلان وفلان؟

تعالوا أول شي نتعرّف على الشهادة ومميزات الشهداء💙

طبعا الشهيد إله علامات من خلالها نعرف هذا الشخص شهيد ومذكورة بأحاديث النبي وآل بيته (ص وآله).
وأكيد اكو فرق بين الشهيد اللي يعرف مقام الشهادة ويسعى الها ويهيئ نفسه ويدخل بالمعارك والأخطار ويدافع عن الدين وتكون نيته في سبيل الله
وبين اللي استشهد بالصدفة ، مثلا فجأة صار انفجار أو كذا هم صح الاثنين شهداء بس اعتقد أكو د كونرجات بالشهادة وهذي تبقى بعد يم ربّ العالمين وحسب نيّة الشخص.
وبعد استشهاد الإنسان راح تبيّن افعاله وتصرفاته بحياته شلون كانت ويستحق يكون قدوة أو لا وراح يبين الشهيد الحقيقي
وأحمد مهنا مثال ع ذلك

أما المميزات اللي تكون للشهيد :

•_الشهيد مغفور له كل ذنوبه ويرجع باستشهاده كيوم ولدته أمه طاهرا من الذنوب (عدا الدَين الشخص المديون لازم يسامحه صاحب الدَين حتى لو هو شهيد تبقى بذمته).
ولايعذب في قبره ، قيل لرسول الله (ص وآله) مابالُ الشهيد لايُفتَن في قبره؟ قال : كفى بالبارقة فوق رأسه فتنة.
اذا نرجع للفتنة والعذاب في القبر مثل ضغطة القبر وغيرها فهي رحمة من الله تعالى حتى يتنقى الانسان المؤمن من ذنوبه ويجي يوم القيامة ولاذنب عليه فيدخل الجنة.
أما الشهيد اللي تأذى باستشهاده وأصابته شضيه أو طلقة أو حرق وغيره بالمعارك فهاي هي فتنته اللي تطهره من الذنوب وهي كافية فماكو  داعي للفتنة في القبر!
الله شلون كلام 💚
يعني احنه بالدنيا متعرضين للآلام والحوادث ونعرف شلون شعورها اما عذاب القبر منعرف شلون ولايخطر ع بالنه
وهاي اول ميزة للشهيد لان الاصابه والجرح بالدنيا مهما كان قوي وموجع لكنه ألم يعرفه مو مثل الناس العاديين امثالي اللي مااعرف شينتظرني من عذاب القبر ع ذنوبنا وشلون راح يكون شعورها  !!
اللهم ارزقنا الشهادة بحق محمد💔