العشگك القاتل

البارت الاول

مسا الخير حبايب ورجعت اخذكم سفرة ثانية بس هلمرة سفرتنا َابين كربلاء والبصرة  وقصتنا

     ((((العشگك القاتل))))  البارت الاول

اسمي ندى مواليد ١٩٩٧ طالبة خامس  علمي الوحيدة لاهلي من البنات عندي اخوان ٣ جاسم وباسم وحازم والدي اسمة محمد ووالدتي اسمها سمر مواصفاتي عادية مثل كل بنت بشرتي حنطية على بياض عيوني عسلية شعري اسود ولخصري طولة طولي متوسط يعني مربوعة بدأت قصتي بسنة ٢٠١٥ وجانت زيارة الاربعينية الامام الحسين عليه السلام عدنة موكب على الشارع بيتنا شوية بعيد عن الشارع

وجنت اوگف بلموكب وية والدي اوزع الي الله قاسمة

ابو جاسم//بوية ندى كملي توزيع وشوفي النسوان البلجادر منو تروح تبات بلبيت صار المغرب

ندى//صار يابة ثواني وارجعلك - - - - - - - - رحت شفت النسوان واخذتهن للبيت واخوية حازم هم اخذ الزلم للمظيف
ابوية جان باني مظيف خارج البيت للزوار وألخطار الغريب ومناسباتنا هم وعدنة حديقة بين البيت والمظيف اني غرفتي جانت مقابل المظيف شباكها جهة المظيف بصف غرفة بابا
واخوتي غرفهم بالطابق الثاني صار اليل والكل نام اني تعبت اترخصت من ماما وبابا

ندى//ماما اني رايحة انام تعبانة واذا گعدتي الصبح گعديني وياج اساعدج بريوگ الزوار

سمر//صار حبيبتي روحي ارتاحي وتصبحين على خير

محمد //اليوم نداوي حبيبت ابوها تعبت حيل لو تشوفيها شلون توزع اكل وجاي مثل الحمامة
سمر //الله ينطيها العافية ويبعد عنها اولاد الحرام والله هي حبيبة وخدومة الحمد لله والشكر على هلبنت خلي انام اني هم وراية غبشة
باسم //اني الابن الثاني لاهلي بعد جاسم جنت نايم بليل تقريب الساعة ٣ الفجر گمت من فراشي ونزلت جوة اتفقد الزوار خاف واحد محتاج شي مثل عادتي بس من انزل دائما اشيل مسدسي وياي وصلت للحديقة سمعت واحد يسولف يم شباك اختي ندى تقربت وسمعتة يحجي وياهة  اتخبلت وماضل عقل براسي وو------------------------

ثائر //اسمي ثائر شاب بداية عمري اجي كل سنة للزيارة لكربلة وية ابن عَمي سجاد وبسنة ٢٠١٥ سجاد جان يحب بنية تشتغل وية ابوها بلموكب سجاد الله يرحمة سأل عن البنية وعرف كلشي عنها وگمنا كل سنة نجي نبقة يمهم ٣ او ٤ ايام ونرجع ويبقى سجاد بس يعاين للبنية وين متروح ومن تگوم توزع اكل او اي شي يركض ياخذ منها حتى يكون قريب منها وبلسنة المشؤمة كتلة

ثائر //سجاد شلون تالي وياك انت مو گلت لاهلك عليها ليش ماتجيبهم يخطبونها بدل هذا العذاب الانت بي؟؟

سجاد//مااگدر ياخوية لازم اتأكد منها تحبني لا جا غير توافق عليه
ثائر //عصب وعيونة نطن من الغضب)) هسة لو الطمك بوكس اهر سنونك هم واحد يلومني؟؟

سجاد //ههههههههه ليش بعد اخوك ليش حبيبي شمسويلك

ثائر//ولك صارلك اربع سنين تحبها ونص البصرة تعرف سجاد يحب وحدة من كربلة وانت ماتدري تحبك لو لا؛؛

سجاد //اليوم اخصم السالفة بليل گومنة خل نروح وياهم لا يعوفونة؛؛؛
ثائر//وصلنا لبيتهم وسوولنة عشة وفرشولنة الولد والكل نام  إلا سجاد ضل گاعد اني گلبي مامرتاح منة حاسس راح يصير شي گتلة     سجاد ليش متنام؟؟

سجاد مو گتلك اليوم اخصم السالفة وية ندى
ثائر//طفر گام على حيلة وصاح        شراح تسوي لا تذبنا بمصيبة لخاطر ربك وباجر نمشي للبصرة سمعت

سجاد //گام باس ثائر من خدة   اي اي يبعد عمري انشاء الله باجر نروح للبصرة انت وجسدي وروحي تبقى اهناااا وطلع من المظيف

ثائر //ركضت ورا واصيح وين رايح اوگف مو احجي وياك

سجاد //شوية واجي اروح لندى اسألها تحبني لو لا تقبل بيه اذا اجيب اهلي الها؟؟
ثائر انت مخبل تروح الها بهليل يكتلوك اخوتها اعقل

سجاد //انت بس راقبلي الطريق لا يجي احد وبس

ثائر//گلبي گام ينشال ويندگ من الخوف عليه وراح من گدامي ما اعرف ليش گلبي انقبض ونظري ظل يلاحگة واراقب كل حركاتة وح--------------------------**

احبابي اني گلت البارتات قصيرة واعتذر  عندي اسبابي

انتظروني غدا لنعرف بقية العشگك القاتل
مع تحيات الكاتبة ام ماهر الكربلائية