البارت ٦
ام رواد //اسمع ابو رواد تعقد ندى لعماد حتي تداري بدل مرتة الولت بلا رجعة سمعت
ابو رواد //صار تدللين وتامرين امر بس بروح ابنج خفي شوية
عنها خطية مالها ذنب
بلصار لا يعاقبج ربج
بوحدة من بناتج الظلم مو حلوو
آخرة يجر خراب وراه
وباس راسها وطلع
رواد //اجة العم ابو سلام وجان كل ظني يعقدون ندى الي لاكن اتفاجأت بابوية يگلة اعقدها لعماد
مع انووو هو رافض
ندى //عقدولي لابنهم عماد المقعد على كرسي متحرك والعصبية تنط من عيونة وكل كلامة زمخ وفشار وغلط
بقيت يمة بلغرفة گاعدة بزوية من زوايا الغرفة
والخوف كاتلني واني اشوفة يحوم بلكرسي مالتة ويكسر بلغراض ويصيح ويسب شوية وهدأ
عماد //عقدولي على الفصلية جبر بحجة تداريني اني مالي ثقة بلنسوان بعد الصار وياي راح احجيلكم شنو صار وياي
اني اكبر من سجاد بسنة امي زوجتني بنت عمتي زواج تقليدي
خوش بنية وزينة تقريبا
بس ورة زواجي بشهر بدت تتقربلي بنت عمتي الثانية يعني بنت خالة زوجتي وصار بينة حب مدة سنتين وكل ما اريد اخطبها متقبل تگول بعدنة ممتعرفين على بعضنا
بس اني غرگتها بلهداية والفلوس وهملت زوجتي هواي بسببها وصارت مشاكل بينه
باخر شهور تمرضت زوجتي وسوت فحوصات وطلعت حامل
واني مستمر بعلاقتي وية سمر
اني اشتغل لباخ واسوي واجهيات للبيوت صار على حمل زوجتي ٦شهور واحنة ابد مامتفقين واني ماطايقها بسبب سمر
وبيوم جنت طالع للشغل عندي عمارة ٣ طوابق البخ الخارج مالتها
وناصبين سكلة عالية
اتصلت علي العامل الوياي كال ما اجي مريض اتصلت على ابن عمي
عماد 📞الوو وليد صباح الخير
وليد📞هلا عماد
عماد📞گاعد لو عندك شغل
وليد📞لا والله گاعد ليش؟؟
عماد📞بيك تجي وياي اليوم العامل مريض انت تجي بمكانة
وليد 📞ايي جايك انت وين
عماد📞بمنطقة ال--------بعد اخوك لا تتاخر
وليد📞جايك ربع ساعة واني يمك
سد المبايل شوية وصل وليد سلم وبدينة نشتغل هو صعد يمي على السكلة
صار وكت الغدة نزلنة تغدينة وليد طلع مبايلة وگام يراسل شوية اجا اتصال ابتعد عنة وبدة يحجي اسمعة يكول
وليد //ولج والله اجيبلج ليش تلحين اني اخلي بنفس حبيبتي شي يلة بوسة بساع لان راح نرجع نشتغل ههههههههه
عماد //هااااا يخوي هاذ الحب باين عليك واگع من زمان
وليد //اي والله يبعد اخوك دمرتني بغيرتها وطلباتها هواي بس اني احبها وصار سنة ونص وياهة
عماد //اخطبها واخلص
وليد //ماتقبل تگول بعدنة خل نتعرف اكثر
عماد //حسيت الكلمات مألوفة لسمعي بس ماركزت ابد
صعدنة للسكلة نكمل شغل وجالبخ ووليد يناوشني المواد اجتة رسالة
شوية واجت الثانية والثالثة اني ضجت لان راح يتأخر شغلنة وهو كل شوية فاتح الجهاز ويرد على الرسايل
همشت الجهاز منة وهو يضحك كتلة اليوم انعل عشيرتها خل نكمل شغل واريد ارد عليها حتى متراسلة بعد
شفت الرقم والاسم واني بعد توقف كلشي عندي
الزمن والتنفس وكل جوارحي احسها توقفت
وليد//هههههههه اكيد عرفتها بس والله بينا حب واريد ازوجها
عماد //واني صاك على سنوني لزمتة من ياختة بثنين ادية من شوكت بينكم علاقة
وليد //وليش ضجت انت متزوج وسمر حجتلي شلون تتقرب منهاا وهي رافضتك هسة عرفت كلامها صحيح
عماد //جن جنوني وطار عقلي بلسمعتة ونسيت احنة فوك واي حركة زايدة نموت ولك انت شتحجي ولك علاقتي بيها صار سنتين ومشاكلي من وراهة ولك هاي ضاحكة عليك وعليه
وليد //بلة لا تألف عليها حجي سمعت ومااسمحلك تحجي عليها
عماد //ما تمالكت نفسي ضربة بوكس وزلت رجلي وحسيت بروحي طاير بالسمة لحظات واظلمت الدنيا بعيني مااعرف شكد الوقت
اسمع بواجي يمي وادين حنينة تمسح علي راسي
فتحت عيوني وشفت امي يمي واني ما اگدر اتحرك سألت امي اني وين
ام رواد //يمة الحمد لله على السلامة ابو فاظل رجعك الي انت بلمستشفى
رجليك انكسرت ثنينهن بس گال الطبيب يرجع ماعلية شي
سجاد //الحمد لله على السلامة انت ذيب وكعة من الطابق الثالث
وراسك مابي شي 😂
أنت تقرأ
العشگك القاتل
قصص عامةشاب احب بنت ودفع حياته ثمن لهاذ الحب وتذهب الفتاة فصل لوالدة الشاب ويقع بحبها الاخ الاكبر لاكنها تتزوج - - - - -
