العشگك القاتل

البارت الحادي عشر

مرحباااا
🚋🚋🚋🚋🚋🚋🚋🚋🚋🚋🚋🚋🚋🚄 يللة
اصعدوو خل نكمل رحلتنا مع
     ((العشگك القاتل)) وو((((البارت الحادي عشر))))

عماد //ماكوشي يگول الدكتور اكو تحسن وغير الصب الي وانطاني علاج ورجعنة

ندى //يعني اكو تحسن برجليك العضم ملتم احجيلي

عماد //عجبتني لهفتها الي وحسيت انوو الله سبحانه
وتعالى عوضني عن كل الشفتة من غدر

ومرت الايام وبيوم جنة گاعدين بلغرفة الصبح واريد اگوم وعماد ميخليني وسمعنا هوسة برة صوت عمتي تتعارك

طلع عماد واني وراه شفت  عمتة واگفة وبيدها طفل يصرخ
وعماد گام يصيح عليها

عماد //عمة شلون قبلتي تجيبين الطفل وتجين انتي ماعندج گلب وشلون ام هي الي تذب بزرها
اني مالي علاقة بي اخذي وروحي ذبي بالشارع وين ماتردين تودي ودي طفل وامة حقيرة ماريدة

ام رواد//يااااا يمة شنوو هلحجي هاذ ابنك شنوو تاخذة تذبة بالشارع واحنة وين رحنة

عماد //يمممممة منووو يربي انتي تعبانة ومريضة وو-----

قاطعة صوت
ندى //اني اربي اذا ماعندك مانع واخلي بعيوني

عماد //صفن شوية     والتفت على عمتة وگال

اسمعي اذا عفتي وطلعتي احسبي حسابج بعد ماتشوفونة ومالها اي حق بي بعد وحتة اسم الام مااخلي باسمها

العمة //ايي عادي احنة مانريد نربي وهو الك بس انطيها الحاضر والغايب وابنك الك

عماد //هاذ هو تعالو شيلو الغرفة والغايب يوصلكم وخليها تتنازل عن الطفل

ندى //اخذت الطفل ورحت لغرفتي واني فرحانة جان كلش زغير وحلوو بس ما لابس ملابس لافاتة بوصلة عتيگة
وجايباتة

گمت اسكتة بس الواضح جوعان خليتة ورحت على عمتي

يمة منوو يروح يجيبلي ممة وحليب الطفل جوعان وملابس ماعندة
عماد //راح ادز صبار ابن عمي يجيبلة ملابس وحليب

ندى //رجعت حظنتة وابوس بي وهو يدير وجهة وياي وفاتح حلگة يريد يرضع واني مندمجة سمعت عماد يگول

عماد//وانتي شنوو ذنبج تبتلين بطفل مو الج وتسهرين وتعبين تدرين الطفل يشيب الراس يالة يربة

ندى //انت تدري شگد فرحانة بي هسة؟؟ ولا تنسة انت زوجي وابنك ابني فلا تشيل هم لترباتة لو يطيح بيدي

حتى اسجلة باسمي حتى اظمن يبقى الي

عماد //اني خابرت صبار وگتلة يجيب ملابس وحليب ومميات وكل لوازم الطفل وبعد ما سمعت كلام ندى
فرحت حيل وقررت اطلگ امة خلعي بسرعة

ندى //جابولي حليب وملابس الة غسلتلة ورضعتة وقمطتة
ونام الطفل وعماد يباوع علينة ومبتسم