العشگك القاتل

البارت الرابع

مسا الخير احبتي هاا نحن نجدد لقائنا َمعكم لنكمل رحلتنا الى دار اهل ندى وال    ((((((العشگك القاتل))))))
                                  (((البارت الرابع)))))

رواد//خلصت االگعدة واتفقوو ينطون ٥٠ مليون وفصلية

شيخنا ووجوه عشيرتنا ذبوو خمسين مليون الهم باعتبار انو كان القتل نابع عن دفاع عن شرف وابو جاسم طلب يومين يجهز بنتة ويجيبها النة   رجعنا لديارنا

سمر //يمة ندوو سوي اكل لابوج بلكي ياكل من اديج اشوو من اجة من الشيخ وهو قافل عليه الباب ومايحجي

ندى//صار ماما هسة دقايق واسوي اكل وجاي لبابا

سمر //دخلت على ابو جاسم ووظربت على صدرها
يااااا يااااا   محمد انت تبجي؟؟؟؟ ليش شبيك گلي وگعت گلبي احجي يارجال شببببببيك؟؟؟

ابو جاسم //شلوووووون ماااا ابججججي واني وگعت بخيارين واحد امر من الثاني گليلي شلووووون ((وهو لازم راسة بين ادية))

سمر //احجيلي شكووو شني الخيارين

ابو جاسم //جر حسرة)) سمر انحطيت بموقف صعب بين ابني باسم وحياتة بكفة وبين ندى بكفة ولازم اختار لو ينكتل باسم لو ندي تروح فصلية شفتي شلون امتحان وابتلاء وشلون الم وتگليلي ليش تبججججججي

سمر //گامت تدگ على رجليها     اووويلي منين اجتنة هاي المصيبة يربي سترك حلها يحلال المشاكل شلوووون بنيتي ماتتحمل الراح يصير بيها طول عمرها مدللة شسوي يربي شلوووون

ندى//جبت الاكل لابوية وسمعت كل كلامهم رجف گلبي خوف وذكرت كلام الولد من گال حظري روحج ودموعي صارن شلال شوية مسحت دموعي وقويت نفسي حتى ما احملهم هم فوگ همهم  وگلت    وشنوو يعني اذا رحت فصلية ابقى عايشة احسن من ما يكتلون باسم وبعد مانشوفة لا تشيلون هم
اني صح زغيرة عمر وجنت مدللة بس عندي
عقل يوزن بلد واعرف شلون ادبر اموري
مصير الحي يتلاگة
بس لا تنغثون انتوو ((وشبگت بابا بايد وماما بايد))
وهمة انفجروو بلبجي ثنينهم

ابو جاسم //خلصن اليومين ولازم نروح نودي بنتي الهم بعد ما جهزناها بملابس واشترينالها كل احتياجاتها اخذناها اني واخوها جاسم ورحنة للبصرة

ندى //ودعت امي واخوتي جاسم باسني واعتذر مني
لان ضربني بس باسم بعدة بلتوقيف ماطلع وصيت امي تگلة

اني مسامحتة واحبة هواي وروحي فداهم اما حازم جان يبجي وطلع ماگدر يودعني
ويشوفني اطلع من البيت گدامة  وجان ذاك اليوم اكثر يوم حزن مر علينة

رحنة للبصرة وصلنة لبيتهم جان جبير مال شيوخ وگدامة حديقة حلوة جبيرة

رواد//من يوم الرحت وشفت ندى واني ماانام الليل وطيفها ابد مافارگ خيالي ومن افكر بيها احس على
روحي واني ابتسم ما اعرف حبيتها
اني لو شنوو هذا الاحساس
الماحسيتة گبل  جنت واگف وحدي اباب المظيف وطبت سيارة علينا
گمت رحتلهم جانوو ابو جاسم وجاسم شوية
ونزلت ندى واني روحي طارت

ياربي شدايصير وياي معقولة عشگتها لالالا ما معقولة

حجة وياي ابو جاسم واني صافن بتفاصيل ندى شوية
حسيت علي روحي
گتلهم اتفضلوو      دخلوو للمظيف اني خابرت ابوي

وبلغتة بوصولهم هو جان بمشية وية جماعة
گالي اخذ منهم الفلوس والبنية وخلهم يرحون

رواد//عمي ابو جاسم اني خابرت الوالد وگال هاذ هو وصلن
تگدرون ترجعون لاهلكم

ابو جاسم //دمعة عيونة))) بوية احسك خوش زلمة
بنتي امانة الله والرسول هي مالها ذنب بكل الصار واخوك الله يرحمة وصة بيها وهو ينازع الموت حتى اسأل ابن عمك جان حاضر على الحجي
حاول تحميها ابني

رواد //لا تشيل هم عمي هي بعيوني هاي محبوبة الغالي
واني مركز عيوني عليها

سلموو على بتهم وطلعوو وهي فرفحت وراهم سكتة
رواد //شلونج ندى خوماتعبانة من الطريق؟؟

ندى //الحمد لله بخير اذا على تعب الطريق يهون بس الباقي
يم الله

رواد //تعالي امشي وياي ندخل يم امي تريد تشوفج

اخذتها وصحت يمة يمة هاي ندى جابوها ((لدالي امي تريدها على محبة سجاد وريحتة))

ام رواد //طفرت بسرعة     وينها جرتها من ايدها وظلت تباوع بوجها وحجت
رواد انت روح اطلع ولا تطب للبيت لمن يجي ابوك
وانتي تعاي وياي - - - - - - - - - - - - - - - - - - - -

ارجع واعتذر منكم البارتات قصيرة اتحملوني انشالله ما اتأخر عليكم بلباقيات تقبلوو تحياتي اختكم

ام ماهر الكربلائية  قراءة ممتعة