قصة : ( النص الحلو ) ل سهيلة سعيد المنجي

الحلقة ١٧ و ١٨

قصة : { #النص_الحلو } 🥂💔

الحلقة السابعة عشر { ١٧ } 🌘

خلود بعياط : منه لله ، حسبي الله ونعم الوكيل ف دة اب ، باعني ي شيرين 😣
شيرين : معلش هنعمل ايه بس ، والله ممكن يكون راجل كويس ويريحك 🤷
خلود : كفايه إنه كبير وعايز بنت قد عياله ، دة ميدلش ع إنه كويس ابداً !
شيرين بحيرة : هقولك ايه بس ، ربنا يعينك ع الي انتي فيه ي بنتي !
الام : بصراحة نار جوزك ولا جنة ابوكي ، والله هترتاحي منه صدقيني 🙄
( يوصل امير ومؤمن وبباه قدام البيت )
امير ب استغراب : دة بيت العروسة ؟!
الاب : اة ، كنت عايز اقولك حاجه قبل م ننزل
امير : ايه ؟
الاب : انا عمري م هتجوز بعد امك الله يرحمها ، بصراحة العروسه دي ليك انت مش ليا انا 😐
( يتصدم امير ويبان ع مؤمن إنه عارف لإنه هو م الأول عارف )
امير بخضة : لمين ، ليا ازاي !!
الاب : انا مش هسيبك تضيع مني ، انت زي الي بيختفي ، كان لازم حد يرجعك للحياه تاني 😕
امير بعصبية : انا مطلبتش مساعدة منك ولا من اي حد انا عاحبني نفسي ، ي ناس ارحموني بقااا 😧
مؤمن : ي امير بلي انت فيه دة بتنهي حياتك وبتبعد عن كل الناس ، عيش حياتك بقا 😕
امير : تقوموا ترموني الرامية دي !!
الاب : انا مرميتكش ، هي بني ادمة محترمه وكويسه
امير : بس انا معرفهاش ، ادخل اكتب كتابي ع واحدة عمري م شوفتها ولا مرة قبل كدة ازاااي 🤷🏻‍♂
الاب : م انت الي مش راضي تتعرف ولا تقرب ل اي حد ، ده الأنسب ليك وهتعرفها مع الوقت
( يتنهد امير )
امير : مش هعمل كدة ، ﻷ 😐
الاب : والناس اللي مستنية فوق دي !
امير : حضرتك الي دبستنا ف الحوار دة ، اكيد تقدر تتصرف فيه 😒
الاب :  ي بني افهم انا عايزلك الخير ومش هضرك
امير : مافيش خير ف إنك تحطني قدام امر واقع والمفروض عليا إني اوافق ، دي حياة ، عارف يعني ايه حياة ، ازاي بعد كل دة اقبل حياتي تكون كدة ، انا اسف مش هقدر ✋
الاب : ي سيدي انا غلطان وطريقتي غلط ، بس انت لو مكاني هتعمل ايه 🤷🏻‍♂️
( ميردش )
الاب : لاحظ إن دي هتبقا تاني مرة تصغرنا وتقلل من كرامتنا قدام الناس ، تاني مرة ي امير ، الي لو من اول مرة كنت سمعت كلامي كان زمانك عايش زي الفل مع بنت ناس بتحبك وصيناك وعندك عيال كمان ، هتقل بينا تاني ؟!
( يسكت امير مش عارف يعمل ايه )
امير : يعني انتوا مفكرين الي انتوا بتعملوه دة ف مصلحتي وانكوا بكدة بتصلحه حالي ، ماشي ، بس لو حياتي باظت هيبقا المرة دي بسببكوا ومش هسامح حد ، والله م هسامح حد ⁦☝️⁩
( ينزل امير م العربية ، يرتاح بباه وينزل هو واخوه ، يطلعه العمارة ، يدخله البيت )
الاب : سلامو عليكم
رضا بترحيب : وعليكم السلام ، اهلاً ي بشوات اهلاً
الاب : اهلاً ي رضا
رضا : نورتونا اتفضلوا اتفضلواة😃
امير ب استغراب : ايه اللي جايب رضا هنا ؟!
الاب بصوت واطي : مهي العروسة بنت رضا
امير : الي كانت متجوزة مرتين ؟!
الاب : اة 😐
امير ب ابتسامة احباط : اقول ايه بس 😊💔
رضا : اتفضلوا ف الصالون المأذون جه
( يدخله يقعده )
المأذون : البطاقه ي عريس 👋
( يطلع امير بطاقته )
رضا : لا العريس ي امير باشا !
الاب : امير العريس ي رضا
( يستغرب رضا ويتخض عشان شكله )
رضا ب ارتباك : ثواني ي باشا بس ، هو مش حضرتك الي هتتجوز ، يعني انت كنت بتكلمني ع عروسة ل امير باشا مش ليك ؟!
الاب : ايوة ل امير ، خلينا نخلص يلا ، ولا عندك مانع ؟
راضا ب ارتباك : ااا لا لأ لأ ✋
المأذون : امضي ي عريس ، واندهوا العروسة تمضي
( يمضي امير وبعدها يدخله الورق ل خلود عشان تمضي ، تمضي خلود ودموعها عمالة تنزل ، يتكتب الكتاب واول م المأذون يخلص والناس تزغرط يقوم امير يقف )
الاب : رايح فين ؟!
امير بضيق : انت مش عملت الي انت عايزه سيبني بقا 😑
( يمشي امير )
رضا ب استغراب : هو لامؤخذة ماله الباشا ؟!
الاب : مخنوق شويه بس عشان الموضوع جه بسرعة ، انده العروسة عشان نمشي
رضا : يعني هو مش قادر يستنى ياخد عروسته معاه ، ليكون مش عاوزها اة احنا منرميش بناتنا برضو 🤷🏻‍♂
الاب وهو بيقوم : معلش ي رضا م انا هاخدها وهوديها البيت متقلقش
رضا وهو بيقوم : اة وماله ي باشا بتك برضو
الاب : صحيح الشيك اهو
رضا وهو بياخده منه بلهفة : مستعجل ليه بس 😍
الاب : هنزل انا وخليها تنزل مع مؤمن ع مهلها
رضا : وراك ي باشا
( ينزل الأب ويستنى مؤمن ، يدخل رضا ل خلود )
رضا : قومي ي بنت المحظوظة قوميييي
خلود : انت المحظوظ ع الفلوس الي اخدتها 😒
رضا : م هتبقي غرقانة فيها ي روح امك بصلنا بقا ف الكام مليم ، يلا قومي 🙄
خلود ف سرها : حسبي الله ونعمة الوكيل 💔
( تطلع خلود م الأوضة )
رضا : دة قريبه هتنزلي معاه
( متردش خلود وتنزل مع مؤمن من سكات ، يركبها العربيه ويمشوا ، يوصله البيت ، ابو امير يوصل خلود ل اوضتها الي هي اوضة امير ، تشوفهم رؤية ، تقرب عليهم )
الاب : اتفضلي ي عروسه دي اوضتك 💁🏻‍♂
خلود : شكراً 😒
( تدخل خلود الأوضة ، تلاقي ابو امير مدخلش ، تستغرب وتفرح ف نفس الوقت ، تقفل الباب وتلف تتفرج ع الأوضة )
رؤية ب استغراب : عمي انت مدخلها اوضة امير ليه ؟!
الاب : عشان مراته
احمد بخضة : نهار اسود مرات مين 😳
الاب : خلود مرات امير
رؤية بتشويش : احنا مش فاهمين حاجه !!
الاب : تعالوا طيب وانا هفهمكم
( يروحوا يقعده ويحكيلهم )
رؤية بفرحة : الله يعني امير اتجوز خلاص 😍
الاب بتنهيدة : ياريته حتى فرح ، إلا زي م قولتلكم مشي واتعصب ومعرفش عنه اي حاجه لحد دلوقتي 😑
رؤية : إن شاء الله تكون كويسه وتعوضه عن الي فات
الاب : امين يارب 👐🏻
( عند خلود ، قاعد ع السرير )
خلود ب استغراب : راح فين دة !!
( تقوم خلود تغير هدومها وتلبس بيچامة وتستغطى وتنام ، ف بيت وجدان ، قاعد امير ف الأرض جنب السرير ووجدان فوق السرير وحضناه من رقبته من ورا )
وجدان : وانت ليه متضايق ؟!
امير بضيق : مكنتش حابب الطريقة دي 😒
وجدان : الطريقة ولا الجواز عمتاً ؟
امير : انتي لو مكاني هتقدري تتجوزي ، هتعرفي تبصي ف وش حد ؟
وجدان بفهم : بصراحة لأ ، بس انت الي يعرفك من جواك يحبك ي امير ، مش كل حاجة الشكل 🤷
امير وهو بيبعد ايدها عنه وبيقوم : لا كل حاجة الشكل ، انا لسة مشفتهاش ولا هي شافتني ، رضا دة وحش ، راجل عجوز وملامحه مكرمشة وهي بنته ، بس مهما كانت هي وحشة بالنسبالي ملكة جمال ، اي حد هيقدر يبص ف وشها كل يوم ، وهيقدر يقرب ل قلبها ويحبها من جوة قبل برة ، بس اي حد غيري ، لإن انا كل م هقرب منها هشوف ف عيونها خوفها من شكلي مش اكتر ، يعني بعد م كنت موجوع مرة واتأقلمت ، ابويا من غير م يحس هيوجع فيا كل يوم بيها ، مش هينوبني غير وجع القلب وبس 💔
وجدان بفهم : عندك حق 😕
( يعدي الوقت ، يأذن الفجر ، يوصل امير البيت ، يدخل اوضته من غير م يولع النور ويدخل التويليت ياخد دش ويطلع ، يولع النور ، يتخض ، خلود نايمة ع السرير ومستغطية ، يقرب عليها )
امير وهو بيزقها : ولا احماااا ، انت ايه الي منيمك هنا !!
( ترفع خلود الغطا من ع وشها )
خلود بصريخ وفزع : عااااااااااااا الحقونيييييي عاااااااااا 😨
( يتخض امير هو كمان )
امير : بس اهدي اهدي ✋
( يذيد صريخ خلود منظره سرعها ، يتلم البيت كله عليهم )
الاب بخضة : في ايه ؟!