قصة : ( النص الحلو ) ل سهيلة سعيد المنجي

الحلقة ٢١ و ٢٢

قصة : { #النص_الحلو } 🥂💔

الحلقة الواحد والعشرون { ٢١ } 🌘

امير وهو بيقومه : معلش واحدة واحدة كدة معايا ، اشيلك طيب ؟
محمد : لا لأ ، هنزل خلاص ✋
( يسنده امير وينزله تحت ، يركبه العربية ويمشي ، يوصله المستشفى ويدخل الطوارئ يكشفه عليه )
الدكتور : حرارته مرتفعة جداً !
امير بقلق : طب دة من ايه ؟!
الدكتور : عنده احتقان جامد عمله مكروب ف معدته
امير : ااه 😐
الدكتور : هنعلقله محاليل تنزل الحرارة
امير : اوك
( يعدي الوقت ، ف بيت امير ، ريم ف المطبخ عمالة رايحة جاية ، تقرب خلود تشوفها )
خلود : لا دة كدة مش عادي بقا 🤷🏻‍♀️
ريم : مفيش حاجة والله 😟
خلود : لا في احكيلي ، او بمعنى اصح اعترفي ⁦☝️⁩
ريم : مفيييش 🤦🏻‍♀
خلود : ي بنتي احكيلي والله مش هقول لحد ، هو انا مش زي اختك وبحكيلك ؟
ريم : اكيد طبعاً 😔
خلود : خلاص احكي بقا
ريم : مفيش والله ، انا بس قلقانة ع محمد صاحب امير عشان بس هو انسان كويس وكدة ، وانا من فترة عرفاه ، من ساعة م جيت هنا ، ف قلقانة بس
خلود : وعشان بس انسان كويس وعرفاه !
ريم : ايوة ، اومال هيكون ليه يعني !
خلود : ي بااااااات 😉
ريم ب احراج : ههههه 😅
خلود بحماس : بجد بقا قولي ، انا بحب احكي ف حوارات الحب دي اوي 😍
ريم ب يأس : حب ، حب ايه للي زيي 💔
خلود : ليه بتقولي كدة ي امينة رزق !
ريم : عشان حتى لو حب ف انا مجرد واحدة شغالة هنا ومش من مستوى اي حد هنا عشان اتحب 🤷🏻‍♀️
ريم : وهو يعني انا الي من مستوى حد هنا ، دة انا من مكان قذر هههههه 😄
ريم : هههههه 😅
خلود : بس نصيبي جابني هنا غصب عن ظروفي وعيشتي ومستوايا ، ف متبصيش ل انتي فين مادياً ف نظره ، بصي انتي فين ف قلبه 💁🏻‍♀️
ريم : يعني تفتكري ممكن يحب واحدة زيي !
خلود : طلاما هو انسان كويس زي م بتقولي كدة يبقا ليه لأ ، انتي كمان بني ادمة طيبة وجميلة والف واحد يتمناكي زي محمد واحسن منه كمان ⁦☝️⁩
ريم : ربنا يجبر بخاطرك 😊
خلود : دي الحقيقة والله مش جبر خواطر
ريم بخوف : خايفة عليه اوي بجد 🤦🏻‍♀
خلود : انا لو اعرفه كنت كلمت امير وطمنتك بس عشان هيستغرب انا بطمن عليه ليه وانا معرفهوش
ريم : لا لا والنبي متتكلميش احسن مش ناقصين تدخلي ف سكة تانية ، ومصدقت شفتكم كويسين الصبح
خلود : ايه رأيك فيا 😌
ريم : هههههه ، انتي عشرية اوي وتتحبي بسرعة ⁦♥️⁩
خلود بضحك : قصدك حشرية 😂
ريم : ههههههه لا والله 😂
خلود : بس فعلاً امير طلع بني ادم كويس وحنين زي م قلتي ♥️
ريم : صدقيني هتحبيه مع الوقت ، ومش هيفرق معاكي شكله 🤷🏻‍♀️
( تبتسم خلود )
خلود : صحيح هو ..........
( يرن جرس الباب )
خلود وهي بتقوم : خليكي ✋
( تفتح خلود ، تدخل رؤية )
رؤية وهي بتسلم ع خلود : صباح الخير ي عروسة 😄
خلود : صباح الفل ي قلبي 😊
( تدخل رؤية يقعده )
رؤية : ايه عاملة ايه ؟
خلود : كله تمام
رؤية : امير عامل ايه معاكي ؟
خلود : كويس الحمدلله
رؤية : يارب دايماً
خلود : تسلميلي 😊
( يرن جرس الباب )
رؤية : دة اكيد مؤمن
خلود : اة
( تفتح ريم ، يدخل مؤمن )
مؤمن : صباح الخير
الكل : صباح النور
مؤمن : فين بابا ؟
ريم : لسة مصحاش
مؤمن : طب هاتيلي قهوة برة 😒
ريم : حاضر
( يطلع مؤمن برة )
رؤية : معلش اصل مؤمن مش عشري خالص 🙄
خلود : اة م لاحظت 😅
رؤية : المهم انتي مرتاحة معانا ؟
خلود : مع مين بالظبط ، هو في حد هنا غير ريم وامير 🤷🏻‍♀️
رؤية : لا كلنا هنا طبعاً ، بس انا ومؤمن بنيجي كل فترة ف اجازات الولاد
خلود : اومال فينهم صحيح ، مجبتهمش معاكي ليه ؟
رؤية : ف النادي
خلود : اهاا
( ف بيت اهل خلود ، ابو خلود قاعد بيتفرج ع ال tv ، تقرب عليه ام خلود )
الام : انت مش هتروح شغلك ؟!
الاب وهو بييصلها : شغل ايه ي ولية ، انا معايا فلوس تكفيني لحد م اموت !
الام : م انت ع الوضع دة هتخلصها ف يوم ، اعملك مشروع ولا حاجة وكبرها 🤷🏻‍♀️
الاب : هبقا اشوف
الام : انا عاوزة اشوف خلود واطمن عليها
الاب : اطمني زمانها غرقانة ف العسل 🙄
الام : برضو لازم اروحلها دي عروسة 😟
الاب : طيب اقعدي دلوقتي وهنبقا نروح
الام : امتى طيب ؟
الاب ب انفعال : يخربيت ام زنك ، غوري اعملي الي انتي عوزاه 🙄
( ف المستشفى ، امير قاعد مع محمد )
محمد : لولاك كان زماني مت ف البيت ومحدش حس بيا 💔
امير : متقولش كدة ي بني كلنا جنبك !
محمد : واهلي طيب ، هيفضله سايبني كدة كتير ، انا بس خايف اموت لوحدي 💔
امير : اهدى بس مفيش حاجة من دي هتحصل ، وهما هييجوا قريب إن شاء الله وكل حاجة هتبقا زي الفل
محمد : خايف اتعود ع بعدهم ، خايف وجودهم من عدمه ميفرقش معايا بعد كدة ، خايف قلبي يتغير عليهم 😟
امير : دول اهلك ودة مستحيل يحصل ، مفيش ابن بيكره امه وابوه !
محمد بحزن : يارب يكون كلامك صح عشان انا معدتش حاسس بكدة وبدأت اكرهم فعلاً 💔
امير : روق انت بس وخلينا ف انهاردة
( يشاورله ب اة ، يخلص المحلول وامير ياخد محمد يوصله البيت ويفضل معاه ، ييجي الليل ، ف بيت امير ، الكل قاعدين بيتعشوا )
الاب : اومال فين امير ؟!
مؤمن : اة صحيح ، هو مجاش م الشركة لحد دلوقتي ؟!
خلود : لا هو مظنش راح الشركة لإن واحد صاحبه تعب وراحله
رؤية : صاحبه مين ؟!
ريم وهي بتحط الطبق : الباشمهندس محمد
رؤية بخضة : لا والله ، محمد عيان !!
خلود : اة هو محمد دة ⁦☝️⁩
مؤمن وهو بيمسك الفون : هكلمه 🤳🏻
رؤية : اوك
( ريم واقفة ، عند امير ، محمد ع السرير نايم وامير قاعد جنبه ، يرن الفون ، ياخده ويطلع برة الأوضة )
امير : الو
مؤمن : ايه ي بني محمد ماله ؟
امير : كان تعبان اوي اخدته المستشفى الصبح ولسة راجعين من ساعة
مؤمن : تعبان عنده ايه ؟
امير : احتقان جامد عمله مكروب ف معدته وسخنه علقوله محاليل
مؤمن : طب هو عامل ايه دلوقتي ؟
امير : نايم من ساعة م جينا مش عارف !
مؤمن : انت ف بيته ؟
امير : اة مقدرش اسيبه ، هبات معاه
مؤمن : طيب ماشي ، انا جايلك ابص عليه 
امير : ماشي
( يقفل مؤمن )
رؤية : ايه ؟
مؤمن : شكله تعبان جامد ، هروح اشوفه
الاب : وانا كمان
رؤية : وانا هاجي معاكوا
خلود : وانا وريم 😐
( يبصولها وتتخض ريم )
خلود بتوتر : اااا طلاما عيان هيبقا محتاج حد يعمله اكل ولا حاجة ف ريم تعمله ، وانا هاجي عشان هخاف اقعد لوحدي هنا لنا تمشوا 😊
رؤية : ايوة صح مفيش حد معاه هناك يعمله اكل
مؤمن : طب يلا طيب اجهزوا
( يقوم الكل يلبسه ، بعد شوية ، خلود تدخل المطبخ )
خلود : جاهزة ؟
ريم : انا مش عارفة اقولك ايه متشكرة اوي 😟
خلود : ع ايه ي بنتي يلا بينا
ريم : حاضر
( يطلعه يركبه العربية ويسوق مؤمن ويمشوا ، يعدي الوقت ، عند امير ، يقرب ع محمد )
امير : حمو ، حمو !