قصة : ( النص الحلو ) ل سهيلة سعيد المنجي

الحلقة ١٩ و ٢٠

قصة : { #النص_الحلو } 🥂💔

الحلقة التاسعة عشر { ١٩ } 🌘

ريم : ظبطي حالك بقا انتي ، وزي م عرفتك كدة لو عوزتي اي حاجة قوليلي اوك ؟
خلود : تسلميلي ي ريم
ريم : تؤمري 😊
( تمشي ريم ، تقعد خلود ع السرير وتتنهد تنهيدة طويلة وتبص ع البلكونة ، بعد يومين ، امير ف مكتبه ، يخبط الباب )
امير : ادخل
( تدخل وجدان )
وجدان ب ابتسامة : مبروك ي عريس 😏
امير بتنهيدة : الله يبارك فيكي 😑
وجدان : ي ستار ، ايه الحزن دة !
امير : عادي
( ف البيت ، خلود ف اوضتها ، يخبط باب الأوضة )
خلود : ايوة ثانية
( تلبس طرحتها وتقوم تفتح ، تلاقي مؤمن )
مؤمن بجدية : عاوزك ف موضوع
خلود ب استغراب : ايوة حاضر 😕
( تطلع م الأوضة وتقفل الباب ، يستغرب مؤمن كان مفكر هتدخله بس ميدققش )
خلود : اتفضل
مؤمن : هو مش موضوع ، هو تحذير 💁🏻‍♂
خلود بقلق : تحذير من ايه ؟!
مؤمن : امير اخويا ، لو فكرتي بس إنك تهينيه او تأذيه هتشوفي مني وش مشفتهوش من مخلوق اتخلق ع الأرض دي ⁦👋
( يطبطب ع خدها ب عنف )
خلود بفهم وهي بتبعد ايده : اة ، متقلقش ، انا بني ادمة شاربة م الأهانة والأذية لما اكتفيت ، وجيالكوا متكسرة مليون حتة ، والي داء الأهانة والكسر عمره ابداً ميدوقهم ل غيره ، لإنه عارف وجعهم كويس جداً ، ياريت انتوا بس الي متكسروش فيا ذيادة لإني استكفيت وجع ، ف متقلقش حضرتك 💔
( تدخل اوضتها وتقفل )
مؤمن بتريقة : كلكوا بتقوله كدة ف الأول !

*( فلاش بااااااااااك )*

( ف كافيه ، قاعد مؤمن مع نغم )
مؤمن : انتي عايزة ايه ؟
نغم : والله انت الي جايبني هنا يبقا انت الي عاوز مش انا 🤷
مؤمن : عاوزك تبعدي عنه
نغم ب انفعال : لييييه ، ليه عاوزني ابعد عنه وليه بتكرهني كدة 😧
مؤمن : انتي عارفة ليه ، ف ممكن تتكلمي دغري شوية وبلاش دور السهوكة والجو دة عشان دة ياكل مع امير مش معايا انا 💁🏻‍♂
( تسكت نغم ثانيتين )
نغم : تمام ، انت عاوز الدغري وانا هكلمك دغري
مؤمن : ياريت
نغم ب تحدي : امير ومش هبعد عنه دة بقا خطيبي وهنتجوز قريب ، وبعدين بحبه ، والأهم إن هو بيعشق التراب الي انا بمشي عليه 🙂
( يتغاظ مؤمن )
نغم : والله بقا انتوا عاوزني ابعد عنه عشان تجوزوه بنت خالته ولا بنت صاحب ابوه ك عادة اي بيت مصري ف دي حاجة ترجعلكم ، عمالين تحقنوه من ناحيتي وتقووه وهو ولا ف دماغه حرف من كلامكم لإنه بيعشقني وهيفضل يعشقني ومش هيسيبني ابداً ، ولا يمكن انت الي مستكترني عليه ، بس الي اعرفه إنك زوج وفي ل مراتك 💁🏻
( تغيظه اكتر )
نغم وهي بتقوم : عن اذنك 🙂
( تمشي نغم وسايبة مؤمن عبارة عن جمرة نار 🔥 )

*( بااااااااااااك )*

( ف شركة امير )
امير : انتي بقالك ساعتين قاعدة ، موراكيش شغل ؟!
وجدان : لا مواريش حاجة ، م انت مبتجيش وواحشني 🙄
امير : مشغول شوية انتي عارفة 😒
وجدان : ولا عشان اتجوزت بقا ؟
امير : انا لسة متجوز من يومين لو ملاحظة 💁🏻‍♂
وجدان : امممم ، اومال بقالك كتير مبتجيش ليه ؟!
امير بضيق : قلتلك مشغول ي وجدان ، روحي شوفي شغلك انا مروح
( يقف امير )
وجدان : عريس جديد بقا 😏
( يبصلها بتنهيدة ، يعدي الوقت ، ف اوضة خلود ، خلود مشغلة اغنية *حبيبي ي ليل* وبترقص ع نغمتها مجرد مشي بهدوء ومغمضة عيونها كأن حد بيرقص معاها slow ، يوصل امير ، يطلع فوق ، يعدي ع اوضتها ، يسمع ، يقف )