ALL I EVER NEED (Completed)

Ep-23

A/N: ဒါလေးကိုကျော်မသွားပါနဲ့နော် Characterရှင်းတမ်းပါ
ရာဇာကျော်ရဲ့စိတ်နေစိတ်ထားအကြောင်းပြောကြရအောင် တကယ်တော့ရာဇာကျော်ကPsychopathတစ်ယောက်လို့ပြောရင်မမှားပါဘူး သူကသူပိုင်ဆိုင်တဲ့အရာတွေကိုတခြားလူဆီရောက်နေတာမြင်ရင်မခံမရပ်နိုင်အောင်ဖြစ်တယ် သူပိုင်ဆိုင်ဖူးတဲ့လူ သူပိုင်ဆိုင်နေတဲ့လူ သူပိုင်ဆိုင်သင့်တဲ့လူ အဲ့လိုမျိုးပေါ့ ရွှေရောင်လင်းနဲ့သူ တွဲတုန်းကရွှေရောင်လင်းကသူ့ကိုတကယ်မကြိုက်ဘဲဘုန်းသျှန်ထက်ကြောင့်တွဲတယ်ဆိုတာသိတယ် အဲ့ဒါကြောင့်ဘုန်းသျှန်ထက်ကိုအဲ့မှာတစ်ခါစိတ်ခုတယ် နောက်တော့ရွှေရောင်လင်းကိုသူခိုးပြေးတော့သူ့ကိုတကယ်ပိုင်ဆိုင်ရပြီလို့ထင်ခဲ့တယ် ဒါပေမယ့်နောက်တော့ရွှေရောင်လင်းကတခြားတစ်ယောက်ကိုလက်ထပ်သွားရတယ် အဲ့မှာပဲသူပိုင်ဆိုင်တဲ့လူကိုတခြားလူကရသွားတော့မကျေမနပ်ဖြစ်ပြီး နေရောင်လွှမ်းရဲ့အဖေကိုလုပ်ကြံရော သူကရွှေရောင်လင်းကိုသေအောင်မရည်ရွယ်ခဲ့ပေမယ့် နောက်ဆုံးတော့အဲ့လိုဖြစ်သွားခဲ့တယ် ဘုန်းသျှန်ထက်ကအဲ့ကိစ္စနဲ့သူ့ကိုထောင်ချခဲ့တော့ ဘုန်းသျှန်ထက်ကိုသူပိုမုန်းတီးလာခဲ့တယ်

ပြီးတော့ သူ့ရဲ့သွေးသားဖြစ်တဲ့နေရောင်လွှမ်း။ အဲ့ဒါလည်းသူပိုင်ဆိုင်ရမယ့်လူတစ်ယောက်လို့သူမှတ်ယူထားတယ် ဒါကိုပဲသူအမုန်းဆုံးလူက အရယူထားတာကိုသူလုံးဝမကြိုက်ဘူး အဲ့ဒါကြောင့်ဘုန်းသျှန်ထက်ကိုအမျိုးမျိုးစိတ်ဒုပ္ခပေးပြီး နေရောင်လွှမ်းကိုပါသူပြန်ရအောင်ကြိုးစားနေတယ်

အင်ကြင်းမွှေးကလည်းသူ့ရဲ့ရည်းစားဟောင်း သူပိုင်ဆိုင်ဖူးတဲ့တစ်ယောက်ပဲ သူကလည်းတခြားလူနဲ့အိမ်ထောင်ရက်သားကျနေတာကိုသူသိတော့မကျေမနပ်ဖြစ်ပြန်ရော အဲ့ဒါကြောင့်ပဲအင်ကြင်းမွှေးကိုလည်းသူ့ရဲ့ထိန်းချုပ်မှုအောက်မှာပဲထားတယ် အဲ့ဒါကိုဘုန်းသျှန်ထက်ကသူတို့သားအမိကိုထပ်ခေါ်သွားပြန်တော့သူ့ရဲ့အမုန်းတရားက ပိုကြီးလာပြီးသွေးရူးသွေးတန်းဖြစ်လာတော့တာပဲ ဒါကိုဖတ်ထားရင်နောက်ပိုင်းမှာလာမယ့်ကိစ္စတွေကိုဘာလို့ဒီလိုလုပ်ရတာလဲလို့ ဇဝေဇဝါဖြစ်နေမှာမဟုတ်တော့ပါဘူး