Chapter 21
Quick-witted
“Ahhh!” biglang napabaligwas si Rhanna ng pagkakasandal sa kanyang ulo sa headborad ng van na sinasakyan. Napahinto naman sa pagdadrive si Waxx, itinabi muna ito sa gilid at napatingin sa kanya. Nasa shotgun seat ang dalaga. Nakaidlip ito kanina habang nagbabyahe sila. Iba na din ang sasakyan na ginagamit, isang ordinaryong puting van.
“Rhanna?” sabay tapik ng binata sa braso niya. “Bakit ka sumisigaw?” Napatingin naman sa kanya ang dalaga na halatang gulat, pagkatapos ay kinusot nito ang sariling mga mata bago nagsalita at umayos ng upo.
“Did I just took a nap?” tanong niya kay Waxx kaya’t tumango ito. “Oh, shit na manipis! Nakakatakot namang panaginip ‘yun!” aniya.
Kumunot ang noo ng binata. “Anong napaginipan mo? Bigla ka nalang sumigaw diyan, siguro nirarape ka ni Vinch sa panaginip mo no!”
Nanlaki ang mata ni Rhanna at mabilis na dumapo ang kamay niya sa braso ni Waxx, hinampas niya ito ng buong lakas. “Yuck lang Waxx, mangilabot ka nga diyan sa pinagsasabi mo. Like, eww!” Natawa nalang ang binata sa sagot sa kanya ni Rhanna. Pagkatapos ay itinuloy nalang ang pagdadrive.
“But what the packing tape, nakakamatay pala ang halik ng lalaking ‘to. Kahit gumunaw man ang mundo, hinding hindi. As in, hinding hindi ko talaga siya hahalikan. Gusto ko pang mabuhay ng mahaba, kailangan ko pang hanapin ang kapatid ko!” bulong ni Rhanna sa sarili habang inisip pa din ang napaginipan kanina. Hindi an din siya nagtaka kung nakaidlip man siya, napuyat kasi siya kagabi sa kaka-isip ng mga personal niyang problema.
Napasulyap naman si Waxx sa kanya. “May sinasabi ka?” tanong niya sabay balik sa daan ng mga mata.
Mabilis na sumagot ang dalaga. “None of your biz, just drive!” sabay tanggal niya ng kanyang seat belt at nagpunta sa likuran. Pagka-upo niya, inayos niya ang kulay itim na boots merong gun pocket ang mga ito, dito niya itinatago ang mga baril na dala.
Pagkatapos ay kinuha ang bag sa gilid, inilabas ang kanyang make up kit. Inayos ang light make-up na inilagay niya kanina sa mukha. Matapos lagyan ng lipgloss ang labi, itinali naman niya ng pataas ang buhok na kulot sa dulo. Inayos na din ang suot na polo shirt na kulay itim habang nakatuck-in sa kanyang itim na short.
Sinulyapan naman siya ni Waxx sa rearvier mirror. “Rhanna, paalala lang hindi pageant ang pupuntahan natin.”
Sinumangutan niya ito pagkatapos ay ibinalik na ang mga ginamit na gamit sa loob ng bag. “Wag ka ngang panira Waxx! First time kong mangingidnap no, kailangan pretty pa din ako with poise para bongga!”
Napa-iling nalang ang binata habang ipinagpatuloy ang pagdadrive.
*****
Pagka-alis nila Rhanna at Waxx tumambay muna sina Michigan at Vinch sa apartment ni Lei. Maaga pa naman para pumasok sa eskwelahan kaya’t heto sila ngayon nang-gugulo sa assistant ng Doktora.
“Pwede ba umuwi na kayo sa sarili niyong bahay?” giit ni Lei habang nakatayo sa may sala, nakalagay ang magkabila niyang kamay sa kanyang bewang.
