عبدة الشيطان

٧

اول ما طلعو شافو لانا و هي بتتكلم مع ناس كده في الشارع جمب باب بيتم

نون: عايني لانا ارح نسلم عليها

سديم: لا لا لا اوعك ما لينا دعوه بيها اعملي روحك ما شايفاها

واللحظه دي لانا شافتم و كوركت ليهم

نون: ياخ بتنادينا ما ظريفه يا سديم

سديم: كل منك يا نون ما كانت حاتشوفنا لو ما انتي وقفتي

نون: ما فيها حاجه ارح نسلم عليها

وفعلا مشو سلمو عليها

سديم: Hi Lana

لانا: Hi Sdeem and Noon How are you

سديم: Iam fine

لانا بقت تعرف الشباب الواقفين معاها ولدين و بتين بقت تعرفم بي سديم و نون بالانجليزي و طبعا نون ما فاهمه شي بس سديم فاهمه

في واحد من الشباب كان بعاين لي نون بي عين كده اصلا ما مريحه و عجبتو شديد

بعداك لانا عاينت لي نون و سديم و قالت ليهم: هؤلاء اصدقائي وهم ايضا عرب

هذا اسمه منذر سوري الجنسيه و
جاء هنا للدراسه و ايضا خوفا من الحرب التي في بلادهم

منذر بابتسامه باهته: Hi😊

نون و سديم: Hi

وهذا اسمه احمد الكندي من ام عراقيه و أب جزائري وهو قائدنا لانه يكبرنا سنآ و خبرتا و نناديه بالكندي

الكندي: مرحبا بكم سعدت جدا بلقائكم

ولسه عينو ما شاله من نون لمن سديم لاحظت ليو

لانا: وهذه صديقتي غيداء من ام سودانيه وأب تونسي لذلك هي سمراء اللون ههههه

غيداء: وانا ايضا سعيده بلقائكم

سديم: شكرا

لانا: واما هذه الفتاه المتعجرفه اسمها لمار من ام لبنانيه و اب سوري

لمار: هاي مبسوطه كتييير اني اتعرفت عليكم

سديم: و نحن كمان سعيدن بلقائكم و ان شاء الله في زمن اوسع نتونس معاكم

لانا: لماذا انتم علي عجلة من امركم

سديم: لا بس نحن رايحين نجيب حاجات من الصيدليه و راجعين

الكندي و هو ما شال عينو من نون: كنا نريد ان نتعرف اكثر عليكم

سديم و هي بتزح نون و بتوقفه وراها وحمرت ليو : مره تانيه ان شاء الله

الكندي عاين لي لانا كده

لانا: لا ارجوكم ابقو معنا فقط لبعض الوقت

نون: خلاص يا سديم شويه بس

سديم غمزت لي نون وقالت ليها: ماف زمن يا نون انتي عارفه انو ماما محتاجه للادويه بتاعته