تاني يوم حسن مشي الشغل وهناك لقي المدير استداعو و وراهو انو استغنو عن خدماتو وشالوهو من الشغل فايض عماله نسبه لظروف الشركه الماره بيها من ازمه ماليه حاده فاتطرو انو يستغنو عن اغلب الموظفين في الشركه
الخبر كان بالنسبه لي حسن زي الصاقعه و شال حاجاتو وطلع رغم تأثر المدير و اغلب الموظفين لانو كان زول امين وشغال معاهم من زمن طويل
وفيهم ناس كتار دموعم نزلت و حسن من كتر الصدمه بقي ماشي ويترتح لمن واحد من الموظفين جرا عليو وسندو لحدي ما ركب العربيه و مشي البيت .....
نون قاعده مع سديم في الغرفه و بقت طوااالي شاردة و باله ما معاها
سديم: انتي مالك اليومين دي طوالي شارده كده الواخد عقلك
نون: آآآآآآآآ هههههه لا لأ ياخ ما كده بس شايله هم الجامعه سنه تانيه دي قالو صعبه
سديم: ههههه بقيتي سنير خلاص
نون: هههه اي كفايه برلمه اتبرلمنا امن ربنا غفر لينا هههههه
سديم: بس اخدي بالك من نفسك الجامعه دي بحره غريييييق وعالم كده براو
نون: ما تخافي ان شاء الله ما بحصل الا كل خير
............
ناصر وصل ماليزيا و لقي صاحبو في استقبالو في المطار و سلم عليهم وساقم شقتو
.............
سيله: بسم الله الرحمن الرحيم مالك يا حسن جاي بدري كده؟؟!!
حسن ماشي و هو سرحان و ما رده عليها اقرب كرسي قعد فيو
سهيله: سجمي يا حسن مالك
بي صوته طلعو سديم و نون من الغرفه
سديم: بابا مالك في شنو
نون: في شنو يا خالو ماما ولا نوف حصل ليهم حاجه؟!
حسن: لا ماف شي امك ونوف كويسين وصلتهم المستشفي هناك وقاعدين كويسين
سهيله: طيب مالك
حسن: انا سبت الشغل
كلهم اتخلعو
سهيله: الحصل شنو بالضبط يا حسن؟؟!
حسن: ههههه ما حصل شي كل ما في الموضوع انو استغنو عن خدماتي ما انا سبت الشغل يعني ما بي ارادتي الشركه بتمر بي ظروف ماليه ثعبه شديد و استغنو عن اغلب الموظفين و اول واحد كنت انا ههههه انا يا سهيله الخدمتهم 25سنه وابدا ما قصرت في شغلي حتي وانا عيان كنت بداوم عشان الشغل ما يتعطل لمن راتبي بقي عالي اول واحد شالوهو انا
تتخيلي بس اول واحد مكتوب اسمو في القائمه هو انا
سهيله و سديم و نون بقو يبكو علي منظر حسن الكان مصدوم و ما مصدق الحصل ليو ده
