زبيدة بقت مبسوووطه لانو بتها بقت تتكلم و تستوعب الكلام البقولو ليها و شويه شويه بقو يفهموها انها ما في السودان و انو عدت سنتين من عمرها هي ما كانت واعيه فيهم
طيب نشوف حالة نوف كانت شنو بالضبط
نوف لمن وقعت علي الحجر او العتبه و ضربت راسه ضربه قويه
أثر علي المخ عمل ليها نسبه عاليه من الكهربا الزايده في المخ بس ما وصلت لحالة الصرع لانو الناس العندهم صرع بتكون نسبة الكهربا في مخهم عاليه شديد
يلا الزياده الفي كهربة المخ دي عند نوف ما وصلت الدرجه دي بس خلته زي مغبيه كده او مزهللا شويه والحاله دي لو جات عند الاطفال بتلقيهم بلعبو براهم و بتكلمو براهم و يضحكو ويبكو من غير سبب بتخيلو انو في ناس بلعبو ويضحكو معاهم بس عند الكبار بكونو زي نوف كده برضو بتتخيل ناس بس بتونسو معاها و يتكلمو معاها
عند الأطفال بتروح الحاله دي كل ما الطفل يكبر في دكاتره بشخصوها طيف توحد بس هو ما ليو علاقه بي طيف التوحد او التوحد نهااائي دي حاله بتجي نسبه لزيادة بسيطه في كهربة المخ اهم شي التشخيص يكون صاح عشان الطفل يتعالج
شكرآ د.ايه❤😍😘
يلا نوف جاته نفس الحاله دي و بي جلسات مكثفه واتعالجت منها بس اكيد ما علاج كلي وماف علاج بكون نهائي بتكونوفي شوية اضطرابات بسيطه كده
في المستشفي....
حسن: الحمدلله يا زبيدة نوف بقت عال العال شفتي ساي كنتي عايزه ترجعي السودان
زبيدة: اي والله الحمدلله يا رب انت عارف عاد قلب الام
حسن: انا جبتك هنا عند اكبر استشاري طب نفسي وكنت عارف انك بتتعاملي بي عاطفتك ما بي عقلك عشان كده ما اشتغلت بيك و اصريت علي قعاد نوف هنا
نوف: للدرجه دي انا كنت ما واعيه للبحصل حواليني
حسن: ده امتحان من ربنا يا نوف و الحمدلله اجتزناو
واللحظه دي باب الغرفه دقه و دخلو سديم و نون و سهيله وشالين بوكية ورد
سديم: هااااي
زبيدة: اهلا اتفضلو
حسن: اقيفو صف كده نشوف نوف حاتعرفكم ولا لأ
نوف: دي خالتو سهيله😍
سهيله طوالي جات حضنته و سلمت عليها و قالت ليها حمدالله علي السلامه
وعاينت كده اتجاه نون و سديم
سديم قالت ليها وانا
نوف: انتي بت خالو حسن بس نسيت اسمك ياخ
سديم: بالغتي يا نوف كيف تنسي اسمي نخن لعبنا كتييير زمان مع بعض انا سديم
نوف طوالي جرت عليها و حضنته
