هدية في حي الرجال

بارت 56

هلاو حبيبات ءلبي❤

وبارت للسهرانين😀 تعويض يابه بعد شتردون اهم شي راضين☺️

4392 كلمه  قراءة ممتعه

#هديه_في_حي_الرجال
#بقلمي_زينب_العبيدي_(الزينبيه )
#البارت56

ومع اصراري صار وتطلكنه وصار لازم اطلع من بيتهم وما ارجع هناك
وبعد حيره عمو عبدالله بيه وميريد يعوفني ورفض ان اني استأجر بيت واستقل بعيد عنهم ومن خوفهم علي كلهم رفضو هذا الشي حتى طليقي الي هو ابوعذب  نفسه وجان اقتراحهم ان ياخذولي بيت بنفس المنطقه حتى اصير كبال عينهم ويديرون بالهم علي

صح ان جان قرار كبير عليهم لان حيهم ميرحم البنت الي تكعد وحدها وخصوصا اني مطلقه هسه بس مع ذلك كان هذا الحل باالنسبه الهم افضل من  اني اطلع اعيش بمكان ثاني بعيد عنهم

وصار عمو عبد الله وعذب والبنات يمرون بيه يشوفون شنو ناقصني وشنو محتاجه ومن هذاك اليوم ماشفته الهزاع وحاربت نفسي ع شوفته او ذكرياته محاربه قاسيه وشكد ماكابرت مرات انكسر واضل ابجي الى الان ابجي بس ما اعرف ع شنو ابجي او اني استغبي واسوي نفسي ما اعرف ع شنو دموعي تطيح واني بداخلي بسري اعرف لويش دموعي تنزل وعلمود منو بس اكابر واكابر

وجان قرار الطلاك والعيشه الوحدي كبير علي باالبداية بس تعودت عليه تدريجياً
..........................
عوده للمستقبل

ودارت الايام وحطتني كباله من جديد وشفت المحبس مالتي باايده لليوم
اااخ شنو الي ذكرني بهذيج الايام
هه اني ع منو اضحك اصلا مانسيتهن
ولا اكدر انساهن

صحيت من صفنتي واني اتلمس الدمعه الي غافلتني ونزلت من عيني وجوت خدي حطيت راسي ع الجامه واني اباوع للشارع واريد اشغل بالي بااي شي واطلع صورته من راسي واطلع منظر ايده الي نمدت ع الجبس تشيله وشلون المحبس كاعد ابصبعه وكان اتعمد يوريني نفس هذا المحبس الي كرهته وحبيته فرحت بي من شفته وحزنت منه

ضلت افكري تتضارب لحد ما غافلتني عيوني ونمت بس حتى بنومتي ماتركني كل شوي احلم بي واحلامي مامفهومه هوسه ولخبطه بس الي فهمته من الاحلام صورته وشوفته كبالي كاان ماراضي يتركني وكأن يتعمد يطلع حتى بحلمي

تندمت ع روحتي وياهم وبعدنه بنص الطريق شلون ح تكضي هل يومين
تعبت حيل من الي بداخلي
ماكو هيج شعور متناقض اريده واريد ابتعدعنه افرح من اشوفه واكره من اتذكره واضوج من يطري ع بالي وابتسم من تجيني ذكريات ايامنه الحلوه وتدمع عيني حزن بنفس الوقت

وصلنه الصبح بعد الصلاة بشوي المنطقه الكوفه كالو زورو وصلو ونطلع نكمل طريقنه للنجف

نزلنه زرنه واني اتختل وي النسوان حتى لايشوفني وبنفس الوقت اعيوني تدوره بين الزلم اليمشون وكان نسيت العالم كلهم وصار همي بس هو ها لايشوفني ها لا اشوفه