معلوات دينيه

تغير لأجل المهدي

تغير لأجل المهدي 💙
خلي نقرر هالمره صدك ونحجي صدك ونخلي الليلة
ليلة تغيير اريد اخذ قلوبكم شوية احجي
وياها وارجعها... 💚
الله عليك ماتعبت من الدنيا؟ مامليت من البجي
قبل النوم يومية؟ والحزن والكابة وسوء الحظ
وعدم التوفيق؟؟مو كلشي تريد مايصير ودوم
تردد (هو اني بيمن كعد حظي حتى يكعد بهاي)

شنو ريك تحل كل المشاكل؟ الحل بيدك
صدكني بيدك انت بس سوي حذف للماضي
وأبدى من حياتك الجديدة بقرب ربك اي ربك
لك ربك إلخلقك وكفلك وستر عليك وانطاك العافية
ربك الماكو احن منه عليك حتلو خلصت اوراقك
ع كعد ماتبدي صفحات جديدة وأبدى
زاني؟ سارق؟ مخلصها علاقات حرام؟ تسمع اغاني؟
تكذب؟ تشوف أشياء محرمة؟ ميخالف... ميخالف
ربك ما خله شي اسمه توبه الا لأن يدري بيك تذنب
يقبلك والله انت بس تدنى أبدى تخطي خطوة
نحوه فاجأ ابلسيك وخرب عليه فرح قلب أمام
زمانك الليلة تدري شلون الله يغفرلك ويستر
عليك؟ ويمحي ذنوبك من سجل الملائكة المتوكلين
عليك بدون ميدرون ويمحي ذنوبك من بالهم
بدون ميحسون الله يقبل من يأتيه معتذرأ
فكيف يرفض من يأتيه تواقا؟
{الله يحب التوابين} ثق وأعتقد أنه شكد ما كنت
مذنب نهائيا الله مايعوفك حتى لو انت تنسى
الله عز وجل هو ابد ما ينساك شكد ما اذنبت هو
يبقى وياك يعني تخيل اليوم انت ممصلي
الفجر ومسوي ذنب وبالليل قررت تتوب وتستغفر
ثاني يوم الصبح تشوفك الملائكة عبارة عن قطعه
نور لان ربك نساهم السويته البارحه التزم بصلاتك
شويه شويه إذا عندك ذنب بجهازك امسحه
اختلط ويا صاحب الزمان وحجيله إلى بقلبك
وكله من اليوم راح اتوكل ع الله وعليك
وحياتي سلمتها بيدك انت تكفلها واني راضي بكلشي
الماعنده ابو صاحب الزمان ابوه
الماعنده صديق صاحب الزمان صديقه
الماعنده احد صاحب الزمان عنده

انت الغائب الذي لا يحضر وانا المشتاق
الذي لا ينسئ اللهم عجل لوليك الفرح 💙✨