رفيقه دربي 🌻

الحلقه السابعه عشر

جنه : شايفه الكرسي اللي هناك دا ، اول مره شوفتها كانت قاعده هنا و....

# flash back
في أحدي الايام أثناء عوده جنه من الجامعه و  سيرها علي الشاطئ وجدت فتاه تجلس بمفردها تبكي
_ يا رب أنا عارفه اني مش حلوه زي باقي البنات و أن شكلي و لبسي مختلف ، عارفه ان اتخن من كتير و معنديش عيون ملونه ولا مميزات بس .. بس انا بقول الحمد لله ، أنا عارفه اني جميله اوي عشان انت اللي خلقني، يا رب اكفيني شر الناس ، يا رب أنا تعبت مبقاش عندي طاقه اتحمل اكتر من كدا ، أنا عارفه أن مرضى دا زياده في حسناتي ، اللهم إن كانت الحياه خير لي فاحيني و إن كان الموت خير لي فامتني يا رب 🤲 ، ياااا رب ثم اجهشت في البكاء
جنه و هي تعطيها منديل : امسحي دموعك يا قمري عشان الناس بتبص عليكي 
_ ششكرا
جنه : ممكن اقعد معاكي
_ اتفضلي  و هي تلملم اشيائها
جنه : أنا اسمي جنه وانتي
_ أنا اسمي مريم
جنه : الله اسمك جميل اوي
مريم : ربنا يخليكي ، انتي اللي جميله
جنه : أنا مش حشاريه والله 😂 بس ممكن اعرف كنتي بتعيطي ليه
مريم و هي تجفف دموعها : هو انتي تعرفيني
جنه : بصراحه لا ، بس لما شوفتك بتعيطي بالشكل دا قلقت عليكي ، حسيت أن اختي هي اللي في الموقف دا
مريم : انتي شكلك طيبه اوي ، انتي ساكنه قريب
جنه : ايوه بيتي مش بعيد اوي من هنا
مريم : أنا كمان بيتي قريب ، معلش همشي لان الوقت اتاخر و تيته لوحدها
جنه : طيب استني همشي معاكي ، أنا كمان مروحه
مريم : طيب ماشي
جنه : ممكن نكون صحاب
مريم : تصحبني أنا ، انتي متاكده
جنه : ايوه ، هو أنا قولت حاجه ضيقتك
مريم : لا ابدا ، و هي تبتسم : ممكن جدا و في داخلها : شكرا يااا رب 💙 
جنه : ممكن أسألك سؤال
مريم : اسألي
جنه : هو انتي ليه لبسه واسع كدا و خمار ، هو شكلك قمر فيهم والله بس اكبر من سنك
مريم بابتسامتها : سؤالك دا بتساله كل يوم تقريبا و يمكن هو كان سبب عياطي من شويه بس عامه هجوبك  ، اللبس دا فرض علينا كمسلمات زي الصلاه و الصوم بالضبط يعني دا شرع ربنا و مفيهوش مكبرك لان أنا هتحاسب علي دا و مش هقول اني كنت صغيره
تحدثوا أثناء العوده و تبادلوا ارقام الهواتف و أصبحوا صديقات مقاربات كانوا يفترقون أثناء الجامعه فقط لأن مريم كانت في كليه الفنون الجميله اما جنه في كليه الهندسه ، مرت الايام و في يوم دق هاتف جنه باسم مريم
جنه : مريومه حبيبتي عامله ايه 
_ حضرتك تعرفي صحبه الرقم دا
جنه : ايوه ، مين حضرتك
_ صاحبه الرقم دا في المستشفي و حالتها صعبه
جنه : مستشفي ايه
_ مستشفي ***
جنه : أنا جايه حالا ثم أغلقت الخط و ذهبت مسرعه و عند وصولها دخلت غرفه مريم
جنه : مريم ، مالك يا حبيبتي ايه اللي حصلك
مريم : ججنه انتي جيتي بابتسامه : أنا حبيتك اوي و انتي كنتي عوض ربنا ليا عن كل حاجه وحشه ، جنه قربي من ربنا اكتر و اوعي تستني حاجه من البشر ، البسي اللي يرضي ربنا مش اللي يرضيهم ، أنا مش عارفه لو كنت هعيش أو لا بس ارجوكي خلي بالك من تيته ثم نزلت دموعها : هي ملهاش حد من بعدي ، ربنا ابتلاني بالقلب بس عوضني بيكي ، ابتسمت : جنه مش هوصيكي عليها سلميلي عليها اوي ثم قالت الشهاده و لفظت انفاسها الاخيره
جنه و هي مصدومه : مريم ، مريم قومي ، مريم كملي كلامك ، ممريم متسبنيش لوحدي ، انتي عارفه انك صحبتي الوحيده ، مريم قومي عشان خاطر جدتك طيب ، مريم انتي مش قولتلي هتساعديني اتغير و أقرب من ربنا طيب ليه بتخلفي بوعدك ليا ، انتي قولتلي هنفضل صحاب لآخر العمر و مفيش حاجه هتفرقنا، و اخذت تهزها قومي بالله عليكي متهزريش، مرييييم و اخذت تبكي بشده و هي تحتضن يدها في هذا الوقت دخل الطبيب
_ البقاء لله ، انتي اختها ، من اول ما جت وهي كانت بتقول اتصلوا بيها عايزه اشوفها قبل ما اموت
جنه : أنا صحبتها
_ اتصلي بأهلها عشان يجوا يستلموها
جنه : انا هعمل الإجراءات دي ثم قاموا بدفنها و ظلت جنه مع جدتها و اصبحت تذهب إليها كل ثلاثه ايام او اسبوع لزيارتها و الاطمئنان عليها و أحضرت لها خادمه تجلس معها لتلبيه طلباتها و منذ ذلك اليوم أصبحت كوثر جده جنه و تغيرت جنه كثيرا
# Back
جنه و هي تبكي : الله يرحمك ، كنتي افضل صديقه و رفيقه بس للاسف الناس مش بيقدروا بالقلوب الناس بتقدر بالمظاهر الخداعه  ، اهم حاجه اللبس و المظهر الأنيق أما الجوهر ملهوش اي قيمه ، اتوجعتي كتير و مسلمتيش من كلامهم علي حاجه انتي ملكيش يد فيها
جميله : اهدي يا جنه ، انتي بتقولي كدا ليه
جنه : لان الناس انتقدوها كتير عشان مظهرها و عشان جسمها و شكلها و دا كله كان بسبب المرض ، لأنها كانت بتعاني من القلب و دا سببلها مشاكل كتير أهمها زياده الوزن
جميله : ربنا يرحمها ويغفر لها ، جنه يلا نروح عشان تيته متقلقش علينا
جنه و هي تمسح دموعها : يلا ، بس هنعدي علي المسجد الاول نصلي المغرب
جميله : و هو كذلك ثم ذهبوا لصلاه المغرب و عادوا الي المنزل و دق هاتف جنه
جنه : السلام عليكم ورحمه الله وبركاته ، عامله ايه يا قمري بقالي كتير مسمعتش صوتك
هند : و عليكم السلام ورحمه الله وبركاته ، الحمد لله وانتي عامله ايه ، معلش والله كنت مشغوله في تجهيز الشقه عشان فرحي
جنه : بجد يا روحي 💙 مبارك يا هنود قلبي هتبقي احلي عروسه
هند : الله يبارك فيكي يا حبيبتي عقبالك يا قمر
جنه : إن شاء الله قريب بس مقولتليش الفرح إمتي
هند : الفرح كمان اسبوع في قاعه ***
جنه : هو انتي هتعملي الفرح في قاعه و اغاني و كدا
هند : ايوه يا جنه ، اومال نفرح ازاي
جنه : هو لازم الفرح يغضب ربنا عشان نفرح ، علي العموم الف مبارك يا حبيبتي 💙
هند : الله يبارك فيكي ، هستناكي
جنه : معلش بس انا مش بحضر أفراح ، بس اكيد هاجي اباركلك قبل القاعه أو في بيتك ثم تحدثوا قليلا و أغلقت جنه الخط و اخذت تدعي الي هند و بعد ذلك فتحت السوشيال ميديا ( الفيس بوك ) و كتبت علي صفحتها * -صاحبتك إلي بتسمّعك كل يوم أغنية جديدة.
-وصاحبتك إلي إنتِ وهي مش وراكم غير نَم وغيبة في فلانة.
-وصاحبتك إلي لما تحب ليكِ الخير -من وجهة نظرها طبعًا- بتخليكِ تختاري آكتر فستان ضيق وفاتن لأن دي الموضة🙅
-وصاحبتك إلي بتعرفك ع الأولاد وبتوقفك معاهم وتقول ليكِ إنتِ كبيرة وعاقلة بما فيه الكفاية ودول مجرد أصدقاء وأخوات في بلد الغربة!🙄
-وصاحبتك إلي بتكون واسطة بينك وبين فلان لحد ماترتبطوا وتفضلوا تحبوا في بعض بالحرام وتقول ليكِ شوفتي عملت فيكِ معروف!
وصاحبتك وصاحبتك وصاحبتك.. 🚶
نقلب الموضوع شوية؟💙
-صاحبتك إلي بتسمّعك تلاوات جديدة وبأصوات خاشعة ومؤثرة💙
-صاحبتك إلي لما تفلتي وتكوني عايزة تجيبي في سيرة فلانة وتقول ليكِ "إحنا محتاجين حسناتنا وإحنا مش خاليين من العيوب"!.
-صاحبتك إلي لما تحب ليكِ الخير تختار ليكِ حجاب شرعي بجد "لبس واسع وفضفاض وساتر ولا يصف ومش فتنة" وتقول ليكِ إنتِ مش رخيصة عشان تعرضي نفسك!
-صاحبتك إلي لو شافتك يوم واقفه مع ولد بتيجي تسحبك بالراحة وتنصحك وتقول ليكِ "ماخلا رجل بامرأة إلا وكان الشيطان ثالثهما" وده أجنبي عنك مش زي أخوكِ ولا ممكن يكون أخوكِ في يوم...
ولو عرفت إنك حبيتيه هتقول ليكِ سيبيه لإنه لو نصيبك هتاخديه ف مفيش داعي تعصي ربنا!.
صاحبتك إلي بتصحيكِ للقيام وتقول ليكِ ربنا بينادينا يلا نمشي ليِه💙💙
وبردو صاحبتك وصاحبتك وصاحبتك....
اعتقد إني مش محتاجة اشرح الفرق، وإلي عايزة اوصله  وصل.
وفي نفس الوقت مش هقولك اشتغلي في قطع العلاقات، لالا  خليكِ إنتِ الصاحبة التانية وساعدي صاحبتك في إنها تطلع من إلي هي غرقانة فيه ده.
حببّيها في القرآن، سمّعيها محاضرات دينية، فهميها إنه لو هي عايزة تعيش سعيدة لازم ترضي ربنا💙
كلميها عن ربنا ورحمته وإنه توّاب، غفّار، أبوابه مفتوحة ل إلي عايز يرجع ليِه مهما غلط وارتكب معاصي.💙💙
- كوني خير صديقة^^💙
┊┊✧
┊❀ ~❤❀،
#خير الناس أنفعهم للناس💜🙈 * و بعد قليل جاءتها رساله و كان مضمونها : علفكرة بقا بقا بقا كلنا بنغلط وانتووووووو يا متدينين اكيد عندكم ذنووووووب انتوووووووو مش ملايكة 
جنه : وانتى متعصبة كدة ليه طب ماكلنا عندنا ذنوب هو فى حد معصوم من الخطأ🤷‍♀
_ طب ماتقولى لنفسك مانتى عمالة تنزلى بوستات ادعية وقرآن والفيس بتاعك كله قرآن ومش معترفة انك ممكن تغلطى زينا
جنه : هااااااااا مين قالك كدة بس كلنا بنغلط وكلنا ممكن نسمع اغنية او نعمل حاجه غلط بس احنا مش بنحب نجهر بالمعصية 🤷‍♀
_ ليه بقاااا؟ طبعا عشان تثبتوا لينا انكم احسن مننا وانكم مبتغلطوش🙂🙂🙂
جنه : لا مش عشان كدة واهدى بقا وانا هفهمك
اول حاجه قال رسول الله صلَّ الله عليه وسلم: *ففي الصحيحين من حديث أبي هريرة ـ رضي الله عنه ـ أن النبي صلى الله عليه وسلم قال: كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله عليه فيقول: يا فلان عملت البارحة كذا كذا، وقد بات يستره ربه ويصبح يكشف ستر الله عنه.*
_يعنى ايه؟🤔
جنه : يعنى كل امة سيدنا محمد ربنا هيعفوا عنها فى سيئاتها ان شاء الله يوم القيامه الا اللى بيجهر بالمعصية يعنى اللى بيشير اغانى وبيعرف الناس دا 🙂🙂وان الواحد يتفاخر انه مصاحب بنات وكل الامثال دى💗💗
_ ياااه يعنى ممكن ربنا ميعفوش عنى عشان الشير اللى بعمله للاغانى
جنه : طبعااااا
تانى حاجه بقا🤷‍♀🤷‍♀ هو انا لو موت دلوقتى وصفحتى مليانه اغانى وذنوب ومحدش عرف يمسحهم مش هفضل اخد سيئات حتى بعد الموت بسبب كل واحد شافهم وسمعهم بسببى💔💔
طب ولو صفحتى مليانه قرآن وخير وادعية هيحصل ايه؟
_ هيبقوا صدقة جارية على روحك وهتاخدى حسنات حتى بعد الموت
جنه : طب شوفتى بقا اننا مش فارق معانا الناس يقولوا عننا مبنغلطش وفارق معانا ربنا وبس💛💛💛💛
_طيب يا ستى خلاص متزعليش
جنه : طب مستنية اية ادخلى امسحى اى حاجه ممكن تجبلك ذنوب من صفحتك يالا اجرى💗
_ حاضر يا قمر
جنه : حضرلك الخير يا حبيبتي ثم قامت صلت قيامها و جلست تذكر الله
* مر اسبوع و جاء يوم زفاف هند كانت القاعه مزينه و مليئه بالمعازيم من الفتيات و الشباب و تضج بالموسيقى و الاغاني الصاخبه دخلت هند القاعه و كانت ترتدي فستان ضيق من عند الصدر و واسع من أسفل و به حزام بالمنتصف و مطرز باللألأي و كانت ترتدي ما تسميه حجاب الذي يظهر أكثر مما يخفي من شعرها و تضع الميكاب الصاخب و اشتعلت الاغاني و اخذت الفتيات ترقص و تهتز يمينا و يسارا و هند اخذت ترقص و تغني مع الاغاني و الموسيقي و فجأة وقفت الاغاني و حل الصمت محل الاغاني و صعدت السيدات علي المسرح عند سقوط هند علي الأرض و حين اتي الطبيب قال ماتت هند نعم ماتت و هي بهذا الشكل ماتت و هي تسمع الموسيقي ماتت و هي ترقص و تغني ماتت يوم زفافها ماتت و هي تظن أنها تفرح بهذا الشكل ماتت و سوف تبعث علي ذلك ماتت و لن ينفعها أحد فهي من ستحاسب ( كتير بنفكر أن الموت بعيد عننا و أننا صغيرين و مش معقول هنموت دلوقتي و لكن يأتي الموت بغته فيأخذ الإنسان اما علي طاعه فيكون ربح و كسب و اما علي معصيه فيكون خاب و خسر)🥺🥺
# استغفروا 💛
# بقلمي _ دعاء_ سمير 🤍🌊