رفيقه دربي 🌻

الحلقه التاسعه عشر

قرر  آسر الذهاب لخطبه جميله
و في أحد الأيام
جاسر : جميله .. جميله
جميله: ايوه يا بابا ، حضرتك عايز حاجه
جاسر : ايوه يا حبيبتي ، اقعدي
جميله : و ادي قعده ، نعم يا حبيبي
جاسر : متقدملك عريس و اتفق معايا أنه هيجي انهارده
جميله: نعم ، عريس ايه و انهارده ازاي
جاسر : هو شاب محترم و كويس و كلمني و طلب نعمل رؤيه شرعيه
جميله : بس انا لسه صغيره و مش عايزه اتجوز دلوقتي و قولت لحضرتك قبل كدا اني مش هتجوز الا بعد ما اخلص تعليم
جاسر : يا بنتي انتي مش صغيره ولا حاجه ، و بعدين انتي فضلك سنه بس و مين قال جواز دلوقتي ، أنا بقول رؤيه شرعيه و لاما هيحصل قبول أو رفض
جميله : حاضر يا بابا اللي حضرتك تشوفه
جاسر : حضرلك الخير يا حبيبتي ، هما هيجوا بعد المغرب باذن الله
جميله : ربنا يقدم اللي فيه الخير ، عن اذنك و قبل أذان المغرب بقليل وجدت هاتفها يدق
جميله : السلام عليكم ورحمه الله وبركاته
همس : و عليكم السلام ورحمه الله وبركاته ، عامله ايه يا جيمي
جميله : الحمد لله يا هموس وانتي
همس : ادام الله حمدك ، أنا مبسوطه جدا
جميله : ربنا يفرحك دايما  ، بس ايه اللي مخليكي مبسوطه كدا
همس : اصل اخويا رايح يخطب انهارده
جميله : الف مبارك يا قمر ، بس ايه حكايه الخطوبه و الجواز اليومين دول
همس بمكر : ليه مين هيتجوز
جميله : أنا يا ستي ، جيلي عريس 😹
همس : الف مبروك يا قمري
جميله: الف مبروك علي ايه ، أنا مش عايزه اتجوز دلوقتي و بعدين انتي عارفه أنا رافضه ليه
همس : عشان باباكي برضو
جميله بتنهيده: ايوه ، بابا وجدتي مش هقدر اسيبهم لوحدهم ، و جنه طول عمرها شيلنا كفايه عليها كدا
همس : بس كدا انتي بتظلمي نفسك ، و الجواز دا شرع ربنا
جميله : أنا تعبت من كتر التفكير في الموضوع دا ، أنا هسيبها علي ربنا
همس : دا احسن حل ، في عروسه تبقي زعلانه كدا برضو ، دا الراجل يطفش من الاول 😅
جميله: هو لو يعمل خير ميجيش اصلا 😹
همس : اسيبك بقا عشان تجهزي ، السلام عليكم
جميله : و عليكم السلام ورحمه الله
ثم أغلقت الهاتف و اخذت تدعو ربها و أدت فرضها ثم ارتدت فستان ازرق بلون عيونها و خمار أبيض و ظلت في الغرفه حتي وجدت طرقا علي باب غرفتها فوجدت همس 😳
جميله : همس 😳 ايه اللي جيبك هنا ، و سبتي اخوكي ليه
همس و هي مبتسمه: و انا أقدر اسيب اختي في يوم زي دا
جميله : بس ..
همس : يلا يا بنتي العريس برا و عمو قال اندهلك
جميله: اطلعي و انا ثواني و جايه ، خرجت همس و قامت جميله بإحضار العصير و دخلت الغرفه و هي تنظر الي الأرض
حنان : بسم الله ما شاء الله ، جميله و انتي جميله فعلا ، زي مامتك الله يرحمها
جميله في ذهول و هي مازالت تنظر لاسفل : الصوت دا زي صوت ماما ، و هي عرفت منين اني شبهها ثم رفعت راسها
جميله و هي تنظر لآسر : انت .ااا
ثم اخذت تنظر لهمس بتوعد و نظرات ذات معني
همس : مالك يا جميله في حاجه 🤭
جميله بصوت منخفض و لكن سمعه آسر : دا انا هموتك استني بس لما اقوملك ،   ابتسم آسر علي شكلها و كلامها
همس : بتقولي ايه يا حبيبتي ، و بعدين خدودك مالها حمرا ليه 😅
جميله و قد أوشكت علي الانفجار منها : والله استني عليا
جاسر : طيب تعالوا نكمل كلامنا برا و سبيهم لوحدهم شويه و أثناء خروجهم
جميله لهمس : حسابك معايا بعدين عشان اخوكي
آسر : ازيك يا انسه جميله
جميله : الحمد لله
آسر : اكيد انتي عارفه أنا كنت ايه ، بس احب اقولك اني اتغيرت و دا بفضل ربنا ثم فضل شخص تاني عليا
جميله: عفا الله عما سلف ، و احنا كلنا بنغلط و التوبه تمحي ما قبلها فبلاش كلام في الماضي
انا هصلي استخاره الاول
آسر : يعني انتي موافقه مبدئيا، و عشان تفكري كويس متقلقيش من ناحيه والدك و جدتك خالص
جميله : هي همس قالت لحضرتك ..ااا ثم اخفضت رأسها
آسر : دا شئ جميل انك تكوني مهتمة لأمر والدك و جدتك و دليل علي انك ابنه باره و دي حاجه تسعدني ، طيب نقرأ الفاتحه كموافقه مبدئيه
جميله : قراءه الفاتحه بدعه ، و باذن الله هصلي استخاره و الرد النهائي مع بابا ، عن اذنك ثم خرجت و جلس جاسر مع آسر اما همس فدخلت الي جميله غرفتها
جميله و هي تجري ورائها : بقا تعملي فيا كدا و تقوليلي مسبش اختي في يوم زي دا كانت الدمعه هتفر من عيني
همس : 😂😂 كنت عملالك مفاجأة، الحق عليا
جميله و هي تمسكها : حد قالك اني بحب اتفاجئ ثم سمعوا طرقا علي الباب
جميله و هي تفتح : اهلا يا امي ، اتفضلي
دخلت حنان و جلست علي اريكه قريبه : ربنا يحفظك يا بنتي ، همس حكتلي عنك كتير و كان نفسي اشوفك و قالتلي انكوا شبه بعض بس مكنتش مصدقه بس عرفت دلوقتي السبب ، شبه مامتك الله يرحمها بس عيون جدتك
جميله : هو حضرتك تعرفي ماما
حنان و عيونها تدمع : و في حد ميعرفش أخته
جميله : أخته 😳 هو حضرتك تبقي
حنان : ايوه انا خالتك ، اتفاجئت زيك كدا بالضبط اول ما شوفت صورتك و عرفت اسمك 
جميله : بس حضرتك كنتي فين ، ماما حكتلي عليكي  كتير و كان نفسها تشوفك قبل موتها
حنان : الله يرحمها ، أنا كمان كان نفسي اشوفها بس جدي  ربنا يسمحه هو السبب في كدا
و اخذت تقص عليها ما حدث
# flash back
كان جد جميله يحب امها و خالتها حنان كثيرا و بالاخص هاجر و هذا لأنها كانت الصغري ، و لكن كان والده ( جد هاجر  ) يحب اخوه أكثر منه و أراد أن يزوج حنان و هاجر من أبناء اعمامهم و...
عبد الله : قولت ايه يا أحمد
أحمد: في ايه يا والدي
عبد الله : في جواز هاجر من محمد ، مش هتلاقي احسن من كدا راجل ليها يصونها و اهه يبقي زيتنا في دقيقنا زي ما بيقولوا
أحمد : بس يا والدي هاجر مش موافقه و انا مش هعمل زي ما عملت مع حنان
عبد الله : يعني ايه الكلام دا ، بقا مش عايز تجوزها ابن اخوك
حسين : سامع يا ابوي ، السنيوره مش عايزه تتجوز ابني ، دا الف مين تتمناه
أحمد : و انا قولت اللي عندي يا والدي و مش هتتجوز محمد
عبد الله : يبقي مش هتتجوز خالص ، و لو فكرت بس تطلع برا العيله يبقي تتقتل
خاف  احمد علي ابنته كثيرا  و ظل يدعو ربه و حين تقدم جاسر لخطبتها وافقت هاجر و لانه كان حسن الخلق وافق احمد أيضا و عزموا أن تكون خطبتهم لا يعلم بها أحد من العائله و بعد مرور شهر تحدد موعد كتب الكتاب و لكن علم كلا من عبد الله و حسين بذلك
حسين : هاجر هتتجوز يا ابوي برانا و كدا الميراث هيطلع برا عيلتنا للناس الغريبه
عبد الله : دا علي جثتي يا حسين ، بينا على مكتب المأذون لأنها هتكون جنازه انهارده ، مدام مش عايزه تتجوز محمد يبقي تموت عازبه
المأذون : بارك الله لكما وبارك عليكما وجمع بينكما في الخير
احمد : مبارك يا ابني ، الف مبروك يا بنتي
هاجر : الله يبارك فيك يا بابا و هنا دق هاتف احمد و علم بقدوم والده و اخوه
احمد : جاسر يا بني خد هاجر و اهرب من هنا ، لو وصلوا هيقتلوها ، الله يخليك يا بني خدها من هنا بسرعه
جاسر : حاضر يا عمي اما هاجر فكانت تبكي لفراق والدها ثم احتضنته
احمد و هو يرتب علي ظهرها : امسحي دموعك يا هاجر ، مش عايزك تعيطي ، انا معاكي علي طول بدعائي ليكي ، ربنا يرضي عنك يا بنتي ، امشي يا هاجر بسرعه مع جوزك قبل ما يوصلوا
ثم اخذها جاسر و ذهبوا مسرعين و اتجهوا نحو القاهرة و استطاعت هاجر بعد ذلك أن تتواصل مع اختها ولكن دون معرفه اي احد من العائله ، و بعد مرور خمس سنوات توفي احمد و انتقلت حنان للعيش في القاهره بسبب عمل زوجها الذي كان يعاملها بلطف قبل أن يظهر علي حقيقته و بعد ذلك تقابلت الأختان و عادوا مره اخري
هاجر و هي تبكي  : وحشتيني اوي يا حنان ، كان نفسي اوي اشوف بابا و اودعه
حنان و هي تحتضنها: انتي اكتر بكتير يا هاجر ، اللهم لك الحمد ، أنا مش مصدقه أننا اتقابلنا بعد دا كله
هاجر : ربنا يسامح اللي كان السبب في فرقنا ، لسه بيعملوكي بقسوه
حنان : للاسف 😢 ، بس خلاص من ساعه ما أيمن جاله شغل هنا و نزلت القاهره و بقا الكلام في التلفون بس
هاجر : ربنا ييسر امورك يا رب و يهدي ايمن عليكي
حنان : يا رب 🤲 ، شوفتي الولاد اخدوا علي بعض بسرعه ازاي
هاجر  : فعلا ، زي ما يكونوا اتربوا سوا
مرت الايام و بسبب عمل جاسر انتقلوا للاسكندريه ، اما حنان فظلت في القاهره مع زوجها الذي كان يسعي للميراث حتي كتبت له كل ما تملك من أبيها و بعد ذلك تزوج عليها و تركها وحيده مع آسر و همس ثم انتقلت  الي الاسكندريه بسبب دراسه همس و عمل آسر
# Back
حنان : و دا كل اللي حصل يا بنتي ، و يشاء ربنا اننا نتقابل بعد السنين دي كلها
جميله و هي تبكي ثم احتضنت حنان : ماما اتظلمت اوي ، حكتلنا كتير عن ذكرياتها معاكي و في اخر أيامها كان نفسها تشوفك
حنان : الله يرحمها ، فعلا اتظلمت اوي بسبب جدي و طمعه ، و بسبب شويه فلوس فرقنا عن بعض و خلي كل واحده في مكان ، حسبي الله ( * قصه حنان و هاجر دي قصه ناس كتير في الواقع ، ياما ناس بتتفرق عشان الميراث و الفلوس و دنيا فانيه ، ياما اخوات نسوا كل لحظاتهم سوا عشان مجرد أرض أو بيت و في اخر المطاف بيسيبوا و بيكون لعيالهم و هما اللي بيخسروا في الدنيا قبل الاخره ، الدنيا فانيه و محدش هياخد أرض أو بيت او ورث معاه القبر ، كل اللي هناخده ذكري طيبه و دعوه من قلوب اللي حوالينا )
همس : كفايه عياط بقا بالله عليكوا😭 المناديل اللي معايا خلصت😅
ابتسمت جميله: دا انا كنت نويالك بس اللي رحمك مني خالتو
حنان : لا اعتبريني مجتش و اعملي اللي انتي عايزاه 😅
همس : كدا يا امي ، بتبعيني ، و لمين لبنت خالتي 😐
حنان : قصدك لأختك ، انتي و جميله اخوات في الرضاعه
جميله : و الله بجد
حنان : ايوه بجد  ، انتي و همس اخوات
احتضنت جميله همس : مبارك عليا اختي التانيه 💜
ثم استأذنت حنان و همس علي امل موافقه جميله علي الزواج من آسر و مر ثلاث ايام و جميله في حيره من أمرها ، و آسر يريد معرفه الجواب
ذهبت جميله إلي كوثر للاطمئنان عليها و الجلوس معها حتي تهرب من التفكير في الأمر
جميله: عامله ايه يا تيته
كوثر : الحمد لله يا قلب تيته، مالك شكلك مش عاجبني ، انتي مش بتنامي و لا ايه باين عليك الإرهاق
جميله : اه والله ، ادعيلي يا تيته بالله عليك ، انا محتاجه دعائك اوي
كوثر : في ايه يا جميله
جميله و هي تنظر بعيدا و بتنهيده: متحيره اوي و مش عارفه اعمل ايه
كوثر : سلمي امرك لله و ربنا مش هيخذلك ابدا
جميله : و نعم بالله ، أنا متقدملي عريس و مش عارفه ارفض ولا اوافق
كوثر بفرحه : الف مبارك يا حبيبتي ، هو العريس وحش أو حد غصبك عليه
جميله : ابدا هو مفيهوش حاجه وحشه و بابا مديني مطلق الحريه
كوثر : اومال ايه بقا
جميله : أنا كل الحكايه بابا و تيته ، جنه اتجوزت و مفيش حد معاهم غيري
كوثر : غلط ، اومال ربنا فين ، صلي استخاره و اللي فيه الخير يقدمه ربنا
جميله : يا رب ، عن اذنك همشي أنا بقا ثم انصرفت و ذهبت الي البيت و في المساء
جاسر : ايه يا جميله ، فكرتي
جميله: ايوه يا بابا
جاسر : و ايه رايك
جميله : مش موافقه
جاسر : ليه يا بنتي
جميله : مش عايزه اتجوز دلوقتي لما اخلص السنه دي و بعدين ابقي افكر في الجواز
مرت الايام و آسر لم ييأس بل ظل يدعو الله كثيرا ، اما جميله و همس لم تتأثر العلاقه بينهم ، اما جنه فكانت خير زوجه تعين زوجها علي أمور دينه كما أنها كانت تساعده في عمله كثيرا ، رقيه تزوجت من ادهم
و ذات يوم ...
رقيه و هي تبكي : أنا عملتلك ايه طيب عشان كل يوم و التاني تضرب فيا بالشكل دا ، حرام عليك
ادهم بصوت عالي  : حرمت عليكي عيشتك ، علي طول معيشاني في نكد من اول ما اتجوزنا
رقيه : انت طلبت مني حاجه و انا معملتهاش، دا كله عشان بقول رأي و بشاركك في حياتك
ادهم بغضب : وانا علي اخر الزمن اسمع كلام واحده ست ، ليه مش راجل ، انتي ملكيش اي لزمه اصلا ، أنا متجوزك خدامه بس زيك زي الكرسي ، مش كفايه باكلك و اشربك كمان ، مش عاجبك العيشه معايا روحي بيت أهلك
رقيه بذهول و دموع حسره علي نفسها : بقا عشان بشاركك تبقي مش راجل ، دا النبي صل الله عليه وسلم كان بيشاور زوجاته و لو كان رأيهم صحيح كان بياخد بيه ، و مدام متجوزني خدامه جبتني ليه من بيت اهلي فهمني ، و بقيت تعايرني بالاكل و الشرب ما أنا في بيت اهلي كنت باكل و اشرب و اعمل اللي عايزاه ، بقيت دلوقتي عاله عليك ، أنا تقيله علي قلبك اوي كدا ، اتجوزتني ليه هه ثم بصوت عالي و دموعها تنساب علي وجهها : مش بترد ليه ، دا وعدك ليا قبل الجواز دا اللي مش هتخليني زعلانه ، دا احنا مكملناش سنه  مع بعض و بقيت معيشاك في نكد ، اتغيرت ليه بس اقولك انت معاك حق انا رايحه بيت اهلي ثم نهضت و دلفت الي الغرفه و ارتدت عبائتها و خمارها و هي تبكي بشده و كادت أن ترحل و لكن سقطت مغشيا عليها ذهب ادهم إليها مسرعا و التقطها قبل أن تسقط علي الارض
ادهم : رقيه .. رقيه فوقي ، و الله مش هزعلك تاني انا غلطان فوقي ثم اخذها الي المشفي و بعد مرور ساعه و هو بالمشفي خرج الطبيب من حجرتها
ادهم مسرعا : طمني يا دكتور
الدكتور  : المدام اتعرضت لضغط نفسي شديد اثر عليها و حصلها نزيف شديد بس الحمد لله قدرنا نوقفه بس للاسف مقدرناش ننقذ الجنين
ادهم بصدمه : هي كانت حامل
الدكتور : ايوه ، كانت حامل في شهرين ثم انصرف الطبيب أما ادهم فجلس علي اقرب كرسي و اخذ يتذكر كلام صديقه في العمل
★ رأيكوا يا حلوين ☺️
# استغفروا 💛
# بقلمي_ دعاء _ سمير 🍥
بارت طويل
لان احتمال معرفش انزل اليومين اللي جايين 🥺
رأيكوا يهمني