رفيقه دربي 🌻

الحلقه الثامنه عشر

و حين اتي الطبيب قال ماتت هند نعم ماتت و هي بهذا الشكل ماتت و هي تسمع الموسيقي ماتت و هي ترقص و تغني ماتت يوم زفافها ماتت و هي تظن أنها تفرح بهذا الشكل ماتت و سوف تبعث علي ذلك ماتت و لن ينفعها أحد فهي من ستحاسب ( كتير بنفكر أن الموت بعيد عننا و أننا صغيرين و مش معقول هنموت دلوقتي و لكن يأتي الموت بغته فيأخذ الإنسان اما علي طاعه فيكون ربح و كسب و اما علي معصيه فيكون خاب و خسر ) استيقظت هند و هي تتصبب عرقا و تصرخ : لااااااا ثم أخذت تبكي و في هذا الوقت سمعت صوت اذان الفجر فقامت لتصلي و بعد الصلاه اتصلت بجنه
هند و صوتها ملئ بالخوف : السلام عليكم ورحمه الله صباح الخير يا جنه
جنه : و عليكم السلام ورحمه الله حبيبتي ، صباح الورد ، صوتك ماله
هند و اخذت تبكي : ححلمت بكابوس وحش اوي
جنه : اهدي إن شاء الله خير متقلقيش سلمي امرك لله
هند : و نعم بالله ، جنه هو الفرح الاسلامي بيكون ازاي
جنه بفرحه : بيكون يا ستي فرح جميل جدا في اناشيد اسلاميه عشان نفرح و بيكون بنات مع بعض لوحدها و رجال مع بعض مش مختلط و بنغني و نطبل علي الدف و بنلعب و نمرح و بنكون فرحنا و مغضبناش ربنا شوفتي بقا حلو ازاي
هند : الله ، هو بيكون كدا
جنه : ايوه يا قمري
هند : شكرا يا جنه تعبتك معايا و صحيتك
جنه : لا يا حبيبتي مفيش اي تعب و اصلا أنا كنت صاحيه
هند : اسيبك تشوفي اللي وراكي السلام عليكم
جنه : ماشي يا قمر و عليكم السلام ورحمه الله ثم أغلقت هند الخط و اتصلت بمحمد
هند : السلام عليكم ورحمه الله
محمد و صوته ناعس: و عليكم السلام، مين
هند : أنا هند انت لسه نايم
محمد و هو يتطلع الي الهاتف : خير اللهم اجعله خير في حاجه يا حبيبتي حد يتصل علي حد الساعه 6 و تسألي لو نايم
هند : اصل .. اصل
محمد : مصحيه الواحد و تقولي اصل  ، مالك بس في ايه
هند و بدأت تبكي : اصل عايزه اقولك حاجه
محمد : لا اله الا الله بتعيطي ليه طيب ، قولي يا ستي و اديني فوقت
هند : محمد أنا مش عايزه اتجوز
محمد : نعممممم
هند : زي ما بقولك مش عايزه اتجوز و مش عايزه اموت في الفرح و اخذت تبكي بشده
محمد : تموتي ايه بس اهدي و فهميني في ايه
قصت هند عليه كل شيء : انا هعمل فرح اسلامي
محمد : نعمل فرح اسلامي أو منعملش فرح اللي انتي عايزاه اهم حاجه نتجوز قبل ما اموت 😂😂
هند و هي تضحك : لا متقلقش هنتجوز 😅
مرت الايام و تزوجت هند و محمد و قامت بعمل زفاف اسلامي و اخذت الفتيات تضرب بالدف و ترقص و تمرح معا و جاء موعد زفاف جنه و زين و ...
جميله : الف مبارك يا جنتي ، و الله و كبرتي و بقيتي عروسه يا حبيبتي 🤗😢
جنه : بتعيطي ليه دلوقتي طيب ، المفروض تفرحي دا انا هسبلك الاوضه لوحدك 😅
جميله و هي تمسح دموعها : عندك حق ، بس برضو هتوحشيني اوي ، خليكي و انا هديكي الأوضه كلها  بس متسبنيش
جنه و عيونها ملئيه بالدموع : يا قلبي ، خلاص بقا بدل ما هعيط و الغي الجوازه
همس : قلبي ضعيف لا يتحمل هذه المشاهد 😅 و لا مسلسل تركي قديم 😂
جميله : مسلسل تركي قديم 😂 حرام حرام يا اختاه
هند : خدي مني نصيحه بلا جواز بلا سلق بيض 😅 اساليني أنا
جنه : طاقه ايجابيه الله اكبر عليكي 😅
رقيه : ربنا يتمملك بخير يا قمر ❤️
جنه : اتكلمي من ساعتها و انصفيني يا رورو سيباني في وسط ريا و سكينه 😂 ثم ضحكوا جميعاً
انتهت التحضيرات و كانت جنه ترتدي فستان ابيض واسع مطرز باللؤلؤ فضي اللون و ذات اكمام طويله و خمار أبيض جميل فكانت تشبه الملائكة دق الباب و كان جاسر
جاسر : خلصتي يا حبيبتي 💙 زين مستني علي نار
جنه : ايوه يا بابا اتفضل .. دخل جاسر و انبهر بجنه بالرغم من أنها لم تضع أي مساحيق تجميل
جاسر : بسم الله ما شاء الله .. اللهم بارك يا بنتي قمر ربنا يحميكي
جنه : تسلملي يا بابا ثم احتضنته بشده : هتوحشني يا بابا
جاسر و هو يمسح علي حجابها : و انتي كمان هتوحشيني اوي ياروح بابا ، بتعيطي ليه يا حبيبتي 💙 يلا عشان اسلمك بايدي لعريسك ثم اشتعلت الاناشيد و بدأت البنات في الغناء و خرجت جنه مع والدها و كان زين مأثور بجمالها
زين : اللهم بارك الف مبروك يا جنتي
جنه : الله يبارك فيك
زين : متتصوريش انا مبسوط قد ايه انهارده
جنه : ربنا يفرحك دايما يا حبيبي
زين : يا ايه ، دا انا امي دعيالي فعلا " الطيبون للطيبات"
جنه : و دا ايه علاقته بالجواز ، معني قوله تعالي الطيبون للطيبات يعني الأقوال والافعال الطيبه للطيبين أن الطيب ميقولش غير الكلام الطيب و " الخبيثين للخبيثات" يعني الخبيث يبقي قوله و كلامه زيه خبيث و الدليل علي كدا أن سيدنا نوح عليه السلام و هو كان من اولي العزم من الرسل و امرأته كانت كافره و فرعون اللي كان بيقتل بني إسرائيل و بيقول أنا ربكم الاعلي و امرأته كانت آسيا بنت مزاحم و كانت من اطهر النساء
زين و هو ينظر لها : ربنا يبارك لي فيكي كل يوم بتثبتيلي أن اختياري كان صح
جنه : شكرا 🤭
هاله و هي تحتضن جنه : الف مبروك يا بنتي ، ربنا يسعدكوا، حافظي علي زين يا جنه
جنه : الله يبارك في عمرك يا امي ، في عنيا يا ماما
هاله : تسلم عيونك يا حبيبتي 💜
جاسر و هو يرتب علي كتف زين : انت اخدت حته من قلبي مش مجرد بنتي يا زين حافظ عليها و اوعي تزعلها
زين : جنه في عيني يا عمي ، وباذن الله هكون لها خير زوج
جاسر : ربنا يوفقكوا يا ابني و بعد ذلك انتهي الاحتفال الذي كان بمنزل جنه و ذهبوا الي الفوتوسيشن ليلتقطوا الصور و من ثم الي فيلا زين و بالاخص الطابق الثاني منها الذي كان مجهز لاستقبال جنه
زين و هو يصعد بجنه و هو حاملها : مبروك يا جنتي
جنه : الله يبارك فيك يا زيني
زين : من انهارده انتي رفيقه دربي ، و هتكوني معايا الي اخر العمر باذن الله
جنه : من انهارده انت رفيق دربي و زوجي و قره عيني
زين : انزلي وصلنا ، انتي تقيله كدا ليه 😂😂
جنه و هي تقف : مش انا دا الفستان علي فكره 🤭😂 و بعدين مش عجبك طلقني
زين : 😂😂 هو أنا لحقت يا شيخه يعني منشفه ريقي و مطلعه عيني و في الاخر تقولي طلقني ثم أخذ ينظر إلي جنه وهي تضحك بشده : شكلك قمر وانتي بتضحكي
جنه و قد احمرت وجنتيها من الخجل : احم .. يلا نصلي
زين : يلا هتصلي كدا ولا هتلبسي إسدال
جنه :  لا أنا علي وضوء يلا هصلي كدا ثم بدأ زين في قراءه القران وكان صوته جميل و في السجود اخذت جنه تبكي حتي سمع زين صوتها و اخذت تدعو الله أن يجعلها خير زوجه و يوفقها في ما هو قادم و بعد الانتهاء من الصلاه
زين : تقبل الله ، مالك يا جنه في حاجه
جنه : منا ومنكم ، لا ابدا اصل صوتك مؤثر
زين : أنا مش عايز من انهارده اشوف دموعك دي تاني
جنه و هي تحتضنه: ربنا يحفظك ليا
زين : و يحفظك ليا يا جنتي ،  أنا جعان تأكلي معايا
جنه : ثواني هغير و اسخن الاكل
زين :  لا غيري براحتك و انا هجيب الاكل واجي
جنه : لا مش هتاخر
زين : اسمعي الكلام ، أنا هسخن الاكل و اجيبه مفيهاش حاجه لو ساعدك ذهب زين لتسخين الطعام بينما جنه ابدلت فستانها بفستان وردي و رفعت شعرها علي شكل كعكه و وضعت بعض الميكب الخفيف ثم ذهبت الي المطبخ
جنه : اجي اسعدك
زين و هو يلتفت إليها : لا أنا ثم صدم من شكلها
جنه بخجل : مالك بتبصلي كدا ليه ولكنه لا يتكلم
جنه : زينننننن
زين : انتي مين
جنه : يا نهار ابيض نسيتني  يا متولي 😂
زين : 😂 بس عرفتك جنه ، انتي مش جنه انتي ملاك من السما، بقا مخبيه كل الجمال دا عليا
جنه بخجل : مش هناكل بقا
زين : اكل مين و بتاع مين مش جعان
جنه : لا والله 😅 بس انا جعانه
زين : و انا هحضرلك الاكل من عيوني
*مرت الايام و كانت جنه و زين يعيشون حياه هادئه ، اما عن هند و محمد فسيصبحوا أبوين قريبا ، همس و جميله أنهوا عامهم الدراسي و أصبحوا مقربتين للغايه ، أما آسر فنجح في عمله كثيرا و قرر الذهاب لخطبه جميله
# استغفروا 💛
# بقلمي_ دعاء_ سمير 💎