#منقووووووول
#كما تدين_تدان
زمان لما انخطبت مكنتش نعرفه
وجت امه تطلب فيا .. دليلة من خالتي
كان اكبر مني ب 7 سنين
طولت ونا متردده .. هك بدون سبب
لكن امه كثرت الجي وهلي تريحولها وقالولي الحظ لكويس ميجيش ديما
ووافقت
لاني نبي الفرح والزيطه وجو العروس وهك
كان هو وحيد امه .. عندها بنتين وهو
مات بوهم وهم اصغار قعدت عليهم وربتهم
اجوزت وسكنت معاهم ف نفس الحوش .. في دار
ورغم اني نعرف نطيب عمتي مخلتنش نحط طنجره ع نار
لدرجة قلت متبش شغلي ومتشقره مني 📷
لكن مع الوقت عرفت انها تبي تريحني
والبنات اجوزن
ونا تعودت ع قل الشغل ف الحوش
درجة نوعا بعد الظهر ونفطر ونمشي لهلي ونجي ف الليل نلقا غداي وعشاي معقب
بعد فتره جبت ولد
وعمتي مرضت
وبناتها وحده تسكن بعيد ووحده راجلها ميحبهش تطلع واجد
ونا خفت مالكيد ينزل علي
قعدت نمشي لهلي واجد
نساعد ف امي لانها قعدت بروحها ف الحوش بعد خوي حول واختي اجوزت
و عمتي لما نقولها نساعدك ف شي .. تقولي لا
وبعدها عمتي تعبت وقعد راجلي يخدم فيها بروحه
ومعش فضي عشان يطلع بينا للسوق وحتى لما نقوله نبي هلي يقولي منقدرش نخلي امي مريضة بروحها
ودزيت ع باتي اكثر مرة ياخذ في
وبعدها هلي قالولي خليه يجيب خدامه لامه
لانك دوبك دوب اعيالك
وقتله جيب خدامه لامك
قالي ماتحتاج لحد ونا حي
وحسيته مش راضي على وضعي مع امه لكن معمرش حكا
هك اليوم لقيته جايب كسكسو من مطعم وهو ميحبهنش
قتله عليش
قالي امي غالي عليها وشكله ف خاطرها
قتله عليش مقتلي
قالي امي متبش تعبك
وصراحة انا تعبت من تلصيقاه ف امه لدرجة قتله مش لها درجة ..زعل
وطول ومحكش معاي
تعودت عندهم هك ومعش قدرت نغير روتيني وبعد جبت بنت تعبت اخرا وقعدت وقتي كله ف لعيال
وراجلي ملصق ف امه ونا كبدي زعمت
وشكيت لهلي وقالولي تحملي وخلاص
وكلمه خوي وحكاله
قاله توا نديرلها حوش بروحها
وفرحت
وشرالي شقة بروحي قريب منهم
لكن بعد كم شهر اجوز 📷
وحطها مع امه
طلبت الطلاق قالولي هلي مخسورك
انصدمت ومرضت وقريب انكلبت .. ولقيت روحي راضيه وقاعده
خصوصا هو مخلش يننقصني شي !
ومع الوقت اقتنعت ورضيت .. بس الدنيا مرضتنش
مع الوقت راجلي دار اعيال اخرا
وقعد يلتهى عني .. لاعند ماقعدنا قليل وين انشوفوه وعمتي هي الي تجي تشوف ف احفادها وتجيب لي ناقصهم
لاعند ماتوفت عمتي
غم علينا بكل ولما كثرت معاه الدوة وهددته اني نسيب لعيال
دزلي ورقة الطلاق !
وجيت لهلي
بس لما جيت مفرحوش بيا .. حسيتهم اضايقو مني من اول يوم
توفى باتي
وصبرت ع ظلم خوتي
ومراة خويا لي كانت صاحبتي انقلبت شيطانه !
ولما توفت امي لميت ذهيبات وفلوس كنت داستهن من هنا ومن هنا شريت شقة اصغيرة قعدت فيها ع اعيالي
وبوهم مرة مرة يجيهم بس مانطلعش عليه
يعطيهم مصروف ودبش ويمشي
وعدي يازمان وتعال يازمان وراد ربي اني نشوف هذك الموقف !
كبر ولدي وبنتي وجوزتهم
بنتي جا نصيبها ف مدينه بعيد
وولدي سكن معاي
وقعدت نخدم فيه وفي زوجته
لاعند ماطحت مريضة
ومعش قدرت نصبي
واشتهيت ناكل كسكسو هذك اليوم .. وتحشمت نتعب مراة ولدي ..!
وولدي لي حكيتله ع الكسكسو نسي عليه ومشا هو وزوجته يدهورو !
عرفت أن راجلي كان بار بأمه ... وأني كنت زوجة عاقة !
......
ESTÁS LEYENDO
✍..... لكي انتي سيدتي 🔥🙈🔞"كتاااب نصااايح ي اخوات"
Non-Fictionكتابي نصايح هوا اكثر شي للمتزوجات والمخطوبات وعاادي حتا سنقولات خشوا واقروء وتعلموا وباش تستفيدوا وتكون متعلمين ف حياتكم الزوجيه وتكونوا خبرة... ونضمنلك حبيبتي انه حيعشق هواكي مو بس ينجن...😍 فقط اقروا وحتعرفوا كيف ووين وليش وامتى......❤💋💋 واللهم...
