💙💜💛وخياتي عزيزتي المؤنسات الغاليات 💛💜💙نصائح هدية من اختكم مروه نتمنى تلقى استحسانكم 💜💛💚
للاسف فيه نساء ترمي في القطن النسائي زي ماهو في القمامه في الجامعات والأماكن العامة🚺 وحتى في الحياش🚫 تعلمي وعلمي بنتك ينغسل ونحطوه في كيس او شيء يخفيه وما يتخلط مع باقي القمامة 🚮لان فيه ناس ترمي في الاكل ربي يهديهم 🛐ولو في مكان وخايفه حد يلقاه افتحيه وفتفتي القطن في المرحاض والنايلو ومشي بالميه🚾 علمي بنتك تحط خيط ويبرا في شنطتها 👜 واحتياط قطعة قطن وكيس حتى لما تتزوج ✔..بالنسبة للريحه لو ريحه من تحت للمدامات♀️ لازم تداومي على اكل الثوم النيء كمضاد وتنظيف بماء وملح وتغيير الملابس الداخليه وتجفيف المنطقه 👙واللي مخطوبه من الطبيعي انك نظيفه مازال مافيش ريحه ولا شيء ما توسوسيش إلا إذا كان عندك التهابات وبرضو علاجها الثووومه تتقطع طريفات وتبلع بالماء ع الريق 🥛المتزوجه واللي مقبله على زواج كثري من عصير الليمون بالنعناع يحسن من ريحة جسمك 🌿🍋واللي فمها ريحته مش تمام ♨️اول شيء تتأكد ماعندهاش بلغم او جيوب انفيه او مشاكل ف اللثة واتداوم على حبات قرنفل في فمها 🏵ولما تتزوج تحت مخدتها شرايح الرائحة او لبان مش مستكه لان نسبة السكر أكثر ومع المضغ تمشي الريحه والسكر يزيد ريحه فمك بسبب البكتريا 🤢 او نوضي قبله فرشي سنانك ومضمضمي فمك بميه وملح وحطي قرنقله وبري ارجعي مكانك.🛌. فيه اللي ريحة شعرهم مش تمام🙆♀️ وهذا سببه عدم تهويته وتجفيفه ولان افرازات دهني مرات اووجود قشرة او فطريات لو قشور تتصاير صدفيه ولو قشرة كريميه اكزيما لازم من شامبو قشرة ❄ولكن لتخفيف الريحه اغلي ميه وحطي اكليل 🌱واطفي وواغسلي شعرك وحتى القهوة☕ كويسه وحتى قطرة خل ف الميه🍶.الابطين لو عروسه خوذي كريم دو بلا ريحه ويمنع العرق بلا اثر ولا شيء ماتديريشي ديما 👰.لو انت عراقه كل ما تدوشي حطي ليمون🍋 ع الابطين ما تحكي الابطين هلبا لان كثرت الحك تزيد افرازات الغدد➡️ ولما اتمي دوش مرتين ف الاسبوع خلطي خل مع اميه واشطفي بيه مش هلبا طبعا بعدين جففي ورطبي بالبدي لوشن💯 وادعي دعاء اللهم لا تجعله يرى بي او مني اي شيء قبيح ولا يشتم مني ولا يجد إلا أطيب ريح .🤗.ومش شرط العطر المهم النظافه 👌حتى لما اتطيبي مش تبدي مبهدلة البسي حلو👩🍳وشعرك لو كيف غاسله ومجففتيه غطيه لان الشعر النظيف طول تمسك فيه اي ريحه المطبخ فيه ربطات زي ربطات يعطوا الشعر منظر حلو مش تقولي عمامه👳♀️ شعرك بخريه لان البخور يعلق فيه مش فاسوخ وجاوي😒 فيه خلطات اماراتيه تجنن😍 ولما يخش الحوش لازم تنسي كلام زي انا تاعبه وانا وانا....😩 لو مرة عادي مش لما يتصل تاعبه وانضم و و الرجل مايحبش هكي يتصل شن اتديري نستنى فيك استاحشتك حتى لو غاطسه لراسك في الضم 😂 ههه لان يكره يتصل بيك لما نق وطلبات الاتصال خلي هو يحب يكلمك عوديه بيك حتى مسج حلو هو ف العمل ماتخليش ينساك لين يروح اول فترة بعدين يتعود بيك 😻مش تتصليى يقول ان شاء الله خير 😅 . ولما يقعد جنبك اسمعيه هاذي وسيلة ممتازة للي راجلها كتوم ديريله💏 بعد الغذي أو عشيه يافواكه يا قهوة وحلو او ليل مكسرات وقعمزي جنبه رقديه علي حجرك او انتي ارقدي ع رجليه💕 وخلي يهذرز شاركي لكن ما تقاطعيشي باش يتعود يحكيلك كل شيء وما تستعنليش اسلوب التحقيق 🤦♀️لما يتغير راجلك مش تقعدي توسوسي تقولي كرهني ويتهرب🏃♂️ الرجال بطبعهم يملوا ماتدوريشي وما تساليش يرجع بروحه لان اللي ما يحجموش عندهم اعصاب ولخبطه احنا نتخلصوا من الحديد الزايد بالدورة هما لازم يحجموا في ايام الحجامه 👥 لما يحجم ح تلاحظي ينشط النوم يقل واعراض زي الصداع والقلق والأرق والثقل تقل👍لو تغير وحسيتي فيه شيء ما تتجسسي ربي نهانا عن التجسس لان بتلقي أمور مرات تمرضي او تأثر عليك وحوشك✋ لو حسيتي حاولي ما تدوريش وراه احكيلي قصص متع فلانه راجلها خانها وصارله كده لو ماعنداش ضمير بيخاف🙅♀️ وردي بالك تسمحي لوحده تفسد حياتك بمعنى ما تدوريش مشاكل يولي حوشك نار 🔥يهرب برا لا خلي راحته في حوش الهجمة المرتدة لما يلقى اسباب يخليك يلقى سبب واحد☝️ ما يستغناش عنك لان التعود أعمق واصعب من الحب 💑 ادعي لان مرات نزوة وتنتهي وأخطر حركه تهاجمي الرجل وتحصريه في زاويه🤼♂️ لان ما تتوقعيش ردة فعله كوني ذكيه اختاري الوقت المناسب في طرح اي سؤال او اقتراح.🕟. وخليك رزينه واثقه ف نفسك الراجل ما يحب اللي مستهينه بروحها وما تقولي انا سمنت انا شعري ولا ريحتي ردي بالك مرات هو مش ملاحظ اساسا وتوقضيه🤤.فيه شيء اسمه السحر الحلال قال عليه الرسول صلوات ربي وسلامه عليه.💖.سحر البيان كلاااامك فوتي التدمر... السلبيه..كلامك اعرفي زوجك شن يطربه حتى لو متزوجه وليك وقت غيري 🔃وما تخليش الحوش هدوء لان يتعود على قلتك لما تطلعي مافيش فرق بالعكس اتطيبي غني🎼🎶🎵 ناشبيه💃 تفرجي معاه حسسيه بوجودك خلي لما تغيبي يفقدك 😹.ارقصي والعبي العاب معاه فيه العاب للمتزوجين ع النت💏🤳 خلي يحس بجوك حلو مش نكددد 😍.المراة الضحوكة نعمه 💎بتقولي ندير هكي علي خاطر راجل وتقولي خيره هو...هذا زوجك حلالك بتعطيه يعطيك 👫 انتي لما تدير هكي طلباتك مجابه تبني في سعادتك معاه ويتغير معاك 💑وحتى لو مش كريم تقعمزي معاه لما جوه حلو خاطري في كده ياريت لما تخلص نشريها🛍. وتعويده من اول الزواج عندي حاجات كل شهر ناخذها لازم.كريم مثلا حاجات خاصه 👙💄لان الاغلب يتعود اللي ماتطلبش خلاص ينساها 😌حتى لو مش غني كريمه ولا بودرة قداش حقها هذا يخليك ديما من اولويات اهتماماته وكل قدير وقدره🤗 مرة مرة طلعي صور عرسكم والافضل هو مروح او خاش الحوش خلي يقولك شن اتديري قوليه كان يوم حلو يحس انك فاقدتيه😳 لما يدير غلط كلام معاد تهذرزي معاه دير واجباتك بس هو ح يراضيك لان لو دايرتيله جو مستحيل يطيق ما تكلميه😉ولما تزعلي ازعلي في حوووشك تعلموها يا بنات ازعللللي ف حوشك🏠 ماتطلعيش من دارك 🤛هو بيرقد برا يرقد ردي بالك تمشي حوش اهلك 👌هذا سررررر يعرفوه نساوين زمان 💪.وما تحكي على اهلك قدامه بسوء مهما داروا لان بيحسب عليهم ويهابهم🆗️ لو طيحتي صورة بوك وخوتك معاد يحترمك 🔽وما تدخليشي ف العيله هلبا باش يقعد القدر والهيبه🙏 حوش اهلك ما تمشيلاش فاضيه 🍰وعوديه ف العيد ضوقي اهلك لحمكم.🍖وعيد الام هديه بسيطه لامي🎁كل حد وجهده وقدره 💱حلوة لما تقولي لامك هاذي من راجلي😶 هكي يزيد الود ولما تروحي بشي من حوش اهلك قوليله امي قالت لفلان حصته😇.هكي يزيد الود احسبي امه مش امك بس تهادوا تحابوا الود يخلي عدوك👿 يحبك واتصلي📞 ودوري بدل النت ديري يوم بنكلم حماتي.👧.يوم ماما 👵وهكذا..ما تشهديش راجلك علي كل شيء 🕵️♂️لو اكله طلعت غلط 🙈 ماتتكلش تصرفي ديري شي سريع ما تخليش يعرف او تحصلي كلام مش حلو 🙊 ديما لو صغيرة ماتعرفيش تديري حاجات ارفعي معاك لحوش اهلك شنطه كبيرة متع يد مرات امك تعطيك نعناع يابس او فازو قديد شيء ماعلماتك تديريه لين تتعلمي مش عيب😏 هي امك وانستري مع راجلك.😜مرة مرة بري للكوافير ماتعوديشي💇♀️ نعرف ندير كل شي🤷♀️ يوم تتعبي وصغار ومناسبات👩👦👦 يقول مش تعرفي🙄.نظمي حياتك الجيان والمشي للناس بموعد اتصلي☎️ قبل ما تمشي وخليك ضيف خفيف ومحبوب💞. ولما بيجيكك حد طيبي قبل ما يجوا باش تهذرزي وحتى انت يقل عليك الضغط😤لما تعزمي وحده مش واثقه فيها اعزمي معاها حد اختك مثلا جارتك باش لما تديري الواجب وتقديم فيه من يلهى بيها .😌.ماتحطيش في حمامك جو قطن ولوشن وفرشاة او مشطك الا حمامك الخاص لو عندك لان عن تجربه ناس تخش للحمام اكرمكم الله تستخدم حاجاتك الخاصه او تدير شيء😖لازم ف حوشك فيه دار خززززين لان بتحتاجيها هلبا 🔝 ديري شفرة بينك وبين زوجك بذات لما تكوني مع العيله يفهم انك تبيه او بتروحي مش حلو مرات تكلمه قدامهم 🔣.خلي النقاش محور حياتك مافيش مشكلة ما تنحلش الحوار مهم هلبااااا 🗣حتى في تفاصيل بسيطه وحتى في علاقتك الخاصه بيه 🎎يبيعوا في معطرات دواليب من لافندر خزامي خوذيه وخلي ريحه حوشك ولبسك مميزة 🎋🎍 اكوي ملابسك الداخليه الاندر تعودي بيها عادة انت وزوجك♀️♂️حاولي تخليه يحس بيك اطلبي منه يديرلك💆♀️ مساج وانتي ديريله.💆♂️اشتركوا لحظات مع بعض فيلم .🎬كتاب.📚 مع بعض استحموا مع بعض .🚿🛁.لو انتي خجولة ماتقوليلاش اطفي الضيء💡 فهميه ان هذا يخليك تنسجمي وانك تحسي براحه أكثر🕯 دار النوم ديما نظفيها وغيارات السرير شمسيها.🌞واهتمي بروحك قبل كيف شكلك👱♀️ وانطلق بعدين لتنظيف الحوش قبل ما تجيبي 🤰 الصغار وياخذوا وقتك👩👧👧.ديري نظام اكل حلو وحاولي يكون صحي.🥗🥘.تمشوووا مع بعض المشي يريح الأعصاب وجربي وانت معصبه امشي تحسي براااحه👫.الفروض ماتصلييش بروحك لو موجود صلي وراه بعد كل صلاة 🕌تسلموا علي بعض وتدعوا🤝👐ديري يوم لروحك ما تنسيش نفسك حنة ولا اصبغي دللي روحك ..لما تدير شيء ما تحسسي راجلك انه ليه لا لنفسك قبل 💄👗.ولما تتكلمي معاه في موضوع قول احنا 💏مش انا وعوديه هو باحنا باش تحسوا بالشراكه ويزيد الحب 💪لو عصبتي وقلتي شيء غلط وزعل منك 🙍♂️ماتفوتيش فرصه مصالحته 🙇♀️.ما تخليش الزعل يطول💕خليك ااااااانثى بكل معنى الكلمة تكلمي برقه وبصري برقه وتدللي وتغنجي وصوت دلع 💅💋 مش تقول عايش مع بوعجيله صاحبه 😒 الراجل عمرك ماتحكيله ع نساوين متع خيرها بنت خالتي وعمي هاذي حاجتك بذكاء👏👏لما تطلعي للسوق امشي جنبه مش وراه ولا قدامه👫واطلبي رأييه حتى لو ما يفهمش 🤔لما تبي شيء خيره بين حاجات هلبا انت تبيهم حتى لو كان تبي تطلعي نفس الفكرة خيريه📊 لما تبي توصليله شيء ما تطوليش الكلام لان الراجل ينتبه للربع ساعه الاولى🕒 بعدين معاد يركز😪.لما تصير مشكله ما تتسرعيش ☠وتدخلي راجلك ارزني ولين يمشوا الاعصاب تصرفي🤦♀️لو غلطتي او كذبتي وزعل قوليله والكاظمين الغيض والعافين عن الناس والله يحب المحسنين 🌷.ادعيله وهو طالع ولما يروح🤵لما ياكل عوديه يدعيلك اللهم اطعم من أطعمنا واسقي من سقانا🙏.لو ماعجبه اكلك غطي بأمور ثانيه نظافة مرح المهم غطي عيوبك بشيء ثاني ✊اتفقوا لما تسهروا تسكروا النقالات لا نت لا شي🤳 العبوا 🃏🎴♣️واللي يخسر عقاب فيه جو وضحك😂.لو يعجبه جوك يسهر معاك معاد يطلع حتى لو بلا لعب كافي يكون جنبك 😍.فكريه بأيام حلوة بينكم 🙈.والمخطوبه من توا لو صار موقف تديره شفرة تقولهاله بعد الزواج 😜.ارقي نفسك وارقيه لما تطلعوا💯ابتسمي هذا مفتاح🗝 لكل القلوب.🔐 يوم تكوني معصبه ديري حركة معينه يفهم انك مش تمام مثلا قيمي شعرك بطريقه معينه🙍♀️🤦♀️ يفهم.انك لما هكي يخليك لين ترتاحي.✔ متقوليش بعدك انموت وكلام هذا غلط هكي يحس انه محور حياتك عليه❌ ولو معدنه مش كويس يستغل هذا يعذبك ويهنيك ويعرف تتحملي⚠️.قولي انت خوي ابوي واهلي حلوة مش مانقدرش نعيش بلاك 🚫قولي مانفقدك جعل عيني ما تبكيك 💜وانتي عوديه بيك كيف انت لمعي كندرته👞 وتي فوطته ولبسه متع الدوش🛀 حددي لبسه فطوره.🍽 بالعربي خلي وقت تغيبي مابيعرف يدير شي بلاك 😫.ماتقوليش انا متحررة وجو يدير بروحه غلط تبي يتعلق بيك زي امه كوني يده وعينه باش تولي انت الصدر الحنون ليه😉.لما تشوفي غلط عليه فيه أساليب تخليه يحكي بلا جو الاعصاب 😑السكوت والنظرات المبهمه تخليه قلق 🤐ويعاود النظر في تصرفاته.🔙اياك ونظرات الاستهزاء والتقليل من قيمته😒 او رجوليته حتى قدام اهلك احفظي قدره وهو يحفظ قدرك ولازم جلسه اول الزواج فيها بنود أهمها احترمني وما تحبنيش🤝💖 واول ما تبدي بيه حياتك النية الصااافية وكل ما تغسلي او تضمي بروحك سبحي واستغفري💝 واخدمي في حياتك على حلاوة العشرة والروح مع الشكل لان الشباب بيمشي وخلي يوم تموتي يقول نعم الزوجه والعشيرة والرفيقة في الجنة ويقول فعلا خلتني راجل ونص..
لو عجبتكم سطوري ادعولي بالعفو والعافيه والهدايا والرزق الحلال ولو تبوا منشورات زي هاذي صلوا على شفيع الأمة 💖اللهم صل وسلم وبارك على سيدنا محمد وعلى آله وصحبه أجمعين 💚💛💜💙
ESTÁS LEYENDO
✍..... لكي انتي سيدتي 🔥🙈🔞"كتاااب نصااايح ي اخوات"
No Ficciónكتابي نصايح هوا اكثر شي للمتزوجات والمخطوبات وعاادي حتا سنقولات خشوا واقروء وتعلموا وباش تستفيدوا وتكون متعلمين ف حياتكم الزوجيه وتكونوا خبرة... ونضمنلك حبيبتي انه حيعشق هواكي مو بس ينجن...😍 فقط اقروا وحتعرفوا كيف ووين وليش وامتى......❤💋💋 واللهم...
