✍..... لكي انتي سيدتي 🔥🙈🔞"كتاااب نصااايح ي اخوات"

❤24

نبدوو

موضوع نمشي لبيت اهلي ( حرجانة )هذا
فاشل .جدا جدا جدا
❌
وخاصة اذا كان على شي بسيط المرة الاولى بيمشي ويرجعك ويفقدك المرة الثانية نفس الشي والمره 3 خلاص زعلك بيبدأ معش مهم عنده لأنه تعود
ماتمشيش لبيت اهلك الا اذا الموضوع كان كبير او مد يده عليك (وان شاء الله ماعمرها تصير معاكم

اذا كنتي عروسة

حتى اذا مَش عروسة أبدي عروس من جديد وجددي حياتكم
وقولي شن رايك بكرا نطلعو ونغيرو جو مع الصغار

،،،عودي راجلك مرة في اسبوع او مرتين تتغذو برا اطلبي بكل ذوق قولي اليوم طيبت الي تحبه انت وشن رأيك غدوة نطلعو نتغدو برا اطلبي بكل نعومة ماتحسسيشي انك قاعدة تتأمري عليه قولي شن رايك نطلعو نتغدو واذا قال لا او مشغول قولي اوكي حبيبي نأجلوها لبعد ماتفضى مرتين في الأسبوع مَش حـ ضر

خلي اليوم ليه أهمية حتى لو راجلك مايطلعش فيك و و و انتي عوديه اشري شي بسيط ليه وقولي كل عام وانت ليا كل عام واحنى مع بعض ساعة ١٢ في ليل ابعتي رسالة
اكتبي كلام من نفسك انتي مَش لازم يكون شعر او شي ،، حتى لو ماطلعتيش عيشي جوك البسي شي راقي وكعب وميك اب خفيف
مَش كان ماطلعتيش تنكدي
لا.. والمرات الجاية هو حيذكر شن درتي ويطلعك

اذا مشيتي لبيت اهلك عادي حبيبتي اشتغلي
معاهم
لكن مافيش داعي تقولي لراجلك تعبت ودرت ودرت ..
قولي غيرنا جو وضحكنا عمرك ماتقللي من قيمة اهلك أبدا حتى في تفاصيل الصغيرة زي هادي ماتستخفيش منها .. هكي حتعيشي مكرمة ماتسمحي لحد مهما كان يوصل فيك او في اهلك

ماتعوديش راجلك انك تخليه وترقدي في بيت
وهو في بيت
هكي حيتعود على غيابك

اذا رجع من شغل حاولي تكوني مكملة الغداء ومرتبة نفسك واضحكي في وجهه اول مايرجع بخري دولاب عشان اذا جي بياخذ ملابسه يشم الريحة خليها عادة فيك انك تبخري الدولاب ،،طبعآ تفاصيل صغيرة

ماتقارنيش نفسك ب احد
ردي بالك ماعمرك تقولي هادي عندها ومسافره وانا ماعندي وانا وانا وانا ... عيشي على عندك

اذا كان عندك عرس او نايمة في بيت اهلك ابعتي رسالة في ليل وقولي شين النوم بعيد عليك ،، او مَش متعودة نرقد بدونك ...
هكي بيحس حتى وانتي في فرحك ومع عيلتك مَش ناسياته
وهو في الشغل ابعتي رسالة فيها استاحشتك (اشتقتلك)

المنشور علي خاطر عوينات لي يتفاعلو وقايمين القدر والباقي خليكم مصدرين باهيي
......