جذبني فمك البني

دردشة

مساء الخير والعافية

اولا اني منايمه سوى ٣ ساعات كعدت على خبر كلش ضوجني وانقهرت حسيت تعبي راح يضيع مني بسبب كم تعليق سلبي وتجريح وتجاوز بحق الابطال ،سيلين طلبت اوقف القصه لهنا....

كل يوم اسكت واكول ما انزل توضيح انتظر للبارت الجاي اوضح جزء من الحقيقة وراح يعذرون سيلين باللي صار ...

البارحه وحده كاتبه انتي لعبتي لعب ويه ولد عمج وتصنعتي البرائة من يم ادهم وعلاقتكم اساسها حرام واشمئزيت منها ، طيب وين تروح وشلون شفتي الحرام وضحيلنه يرحم اهلج ؟؟؟

لو انتي ابدالها حضره المثقفه وتعليقاتج كلها ذم بنيه امهن لا علمتهن الحرام ولا الحلال وجانت نموذج سيء مو مال بنيه تقتدي بيه وحتى صلاه جانت متصلي بعمر ١٨ سنه يلا بلشت تصلي لاول مره بحياتها بتوجيه من ادهم...

صار الهم اب وسند بمعنى الكلمه تعلقت بيه وحبته حب ابوي ليش تخلين بالحليب دم انتي وتأذين البنيه بحجيج الماصخ وتفكيرج الضحل هيج اريد اكتب لان زودتيها ...

٢_ ليش تعاطفتو ويه فهد المجرم وسيلين رغم كل الصار وياها تذموها وحل وتستاهل وووو الخ

تعرفون لشنو تعرضت ومن شنو عانت تتصورون لو لا لو هيه سوالف وعاطفه واطلع كبل ...

ادمااااااااان اكبرها لو بعد روحو اقرو مخلفات الادمان شنو يسوي عدا العذاب النفسي العاقبها بيه زوجها المريض نفسيا واكو شغلات سواها وياها اكبر بس ما اكدر اكتبها احترام للفئات العمريه التقره القصه لان بيها كلمات مبتذله ما احب اكتبها ولا احب تقروها...

٣_ لو قابله بحبه من البدايه جان كلتو ملعبه وما صانت عمتها وغدرتها ، رفضت كلتو مغرورة وحجي هواي ما اله معنى...

شوكت نخلي نفسنه بمكان الاخرين ونجرب الكلمه علينه قبل لا نكتبها اله او نسمعه ونجرحه...

يعني هيه من طرحت قصتها علمود تحصل مسبه وتجريح والله كلام استحي اكتبه مكتوب بلتعليقات احذف وارجع ليوره بس تعبت يعني فوك الالف تعليق شلحك اني واشعارات مال ٣ قصص وتاهت عليه.

اخر شي البارحه كتلها يابه هذا رمز حسابي افتحي يمج والتعليق الميعجبج حضريه علمود راسي يبرد وهيه قصتها وبراحتها تسوي التريده لان فعلا تعبت اني....

وحده كاتبه على دكتور ادهم اناني لو ضعيف الشخصيه لو منافق لو يتبجبج وانتي متوصلين ربع لاخلاقه على الاقل ميتنمر على الناس ومامأذي احد مثل مكاعد تسوين هسه...

يابنات احنه بسنه ٢٠٢١ المفروض تكون سنه تطور وثقافه وتغيييييير بالنفس ونحاول نتقبل الاخرين بكل عيوبهم قبل مميزاتهم احنه منو حتى نحكم عليهم ونجلدهم بسياط الذم ....

كافي انتقاد كافي تنمر كافي تجريح هذا كله محاسبين عليه امام الله....

من بعد الصار لسيلين لو كاتبه تعالجت ورجعت طبيعيه وقبلت بعرض ادهم بدون مشاكل جان كلكم كلتو شنو هالكذب والفلم الهندي وين اكو وحده يصيرلها كل هالشي وترجع تعيش طبيعي ....

اذن التصرفات مو بيدها وشخصيتها تغيرت ...

الف مره كلت انتظرو يلا حكمو حتى على ايفين ..

بس ماعدكم صبر......وراح تضيعون عليه القصه وتضيع متعتها عليكم ...

تعديل ////////

مساء العافيه..

شكرا لكلامكم ولكل كلمه كتبتوها...

المهم حبايبي باجر استراحه مثل ما بلغتكم وهم وقت تفكر بيه سيلين وترجعلي خبر اعتبروه استراحه اليه وللبطله والكم 🤎