جذبني فمك البني

البارت الخامس والخمسون

لا أحد يُشبه أحد .
حتى في الإحساس ...
فــهنـآآآك مَـن يُسلّـم باليد ...
و هنـآآآك مَـن يُسلّـم بالـرووووووح ...
أما أنتَى لا تَحتاج سَلام .. فأنتِ السَلامُ لروحـي

ادهم

مالذي وضعته في قلبي حين أصبح جميع الخلق لا يملئون فراغك عندما تغيب؟؟

سيلي
_______________

كاعدين نتريك وايفين مجرد خلت لكمه بحلكها لعبت نفسها وكمزت للحمام كمت رحت وراها اريد اشوف شبيها ساده باب الحمام وتتقيء تكطعت عليها دكيت الباب على كيفي.

سيلين : افونه حبيبتي ايفين افتحي الباب...

متجاوب مستمره رحت للمطبخ لكيت فهد مستمر ياكل ولا داير بال عصبت منه على البرود العنده..

سيلين : صدك تحجي ؟

مدنك ياكل وجاوبني برود استفزني بعد اكثر..

فهد : انه شكايل حتى صدك احجي ساكت وكاعد اكل...

سيلين : ياااا شبيك انت..

فهد : شبيه كاعد اكل مسوي شي غلط شفتي بيه شي غريب مثلا ؟؟؟

سيلين : شبيها ايفين.

فهد : شمدريني حالي حالج..

سيلين : شو عادي عندك متأثرت عليها..

فهد : تلكيها مستبرده وبعدين احسن ما واكفه فوك راسي روحي شوفيها شبيها خلي بالج يمها افضل ما تجاكريني..

سيلين : كلشي ماكول غير الله يساعد ايفين عليك.

فهد : ففتي هاي الضلعه هي راضيه بكلشي طلعي من الحمره..

سيلين : الحجي وياك ضايع فعلا ..

فهد : عود دوريه..

صدك ضحكني من شافني اضحك ابتسم ...

سيلين : استغفر ربي واتوب اليه..

عفته ورجعت للحمام اول ما وصلت فتحت الباب ايفين وجها احمر عيونها مدمعه رحت يمها حضنتها من كتفها ومشينه للهول نيمتها على القنفه مسحت وجها بالخاولي وكعدت يمها..

سيلين : شبيج حبيبتي ؟

جاوبتني بتعب..

ايفين : ماعرف شو نفسي لعبت من ريحه البيض.

سيلين : خاف حامل يولي..

مجرد حجيت الكلمه هيه رفعت عينها باوعت ورايه التفتت لكيت فهد واكف خال ايده بجيوبه وخازرها من شافني التفتت غمزلي وراح صعد فوك..

سيلين : شبيه هذا تره موطبيعي.

ايفين : عفيه سكتي لتحجين شي الله يخليج.

سيلين : انتي شدعوه هيج خايفه منه وترجفين.

ايفين : سيلين التهي بحياتج وعوفيني بحياتي لا ضارتج بشي ولا انتي ضارتني الحمد لله استقرت حياتج كفي عني.