هاكا دازت سيمانا كولها خروج و ضحك و خواتاتي تقربو من رجالهم بزاف و بدات كتيان شعلة داك لحب بناتهم من جديد اما انا و اوس دوزناه فالغيرة بصمت ... قربي من ركان كيحرقو و قربو من نازلي كيقتلني و حد فينا ما قاد يقول ... او بالاحرا هو ماباغيش يعترف اما مع دوك ناس ديال القرية لي كانو دريفين بلا قياس جربنا شحال من حاجة بحال نحلبو لبقر و نصوبو جبن نصيدو لحوت و حتى لحجل فالغابة ركبنا لخيل دوزنا حتفالات و جربنة لجلسة حدا العافية و لغنا بلكطار طبعا بحنجرتي الدهبية ههه و ليوم لخر لينا تماك حيت غدا غدي نرجعو بحالنا او هوما كيرجعو حنى عندنا وجة وحدا اخرة وبالمناسبة كين راحد لعرس دوحدة من لعائلة لي كلسين عندهم حنى ...
كران وقف كيهدر : (بتركية) انا ليوم غنتحدا اي واحد فتصويب لي ربحني نعطيه لي بغا ...
كلشي بدا كيهتف و حتى واحد مقدر يتحداه حيت عرفينو واعر حتى نطقت انا
سلمى بتسمات بشر : انا كنتحداك ... اش بان ليك امم
ركان قرب باس يديها : مرحبا تفضلي معايا
جرني و عطاني سلاح و اوس على اعصابو فارس بغا يعتق لموقف و سول سحر لي كانت كلسا حداه
فارس بتساؤل : لاش عطاها سلاح
سحر بابتسامة : تحدي ديال تصويب
فارس كيضور فعينيه : و ختك كتعرف لسلاح ولا دفعة جبهة
سحر خنزرات فيه : تفرج و شوف
اوس سمعهم و ناض عند سلمى و دوا فودنبها و هي تبسم و شفت فركان دوات معاه بتركية
سلمى بابتسامة : حتى اوس بغا يشارك ...
ركان بضحكة صفرة : سمعوني بما ان حتى الامير ديانا بغا يشارك غيكون تحي عبارة عن تصويب على اهداف متحركة و كل متصابق عندو الحق ف 3 دلمحاولات ولي جبهوم ل 3 غيربح ... (شاف فسلمى و قرب لودنيها) يمكلك تشرحي ليه
انا توترت و حتى من نضرات اوس لي غتحرقني درت عندو و حنحنت و تعمت نحط يدي بجوج على كتفو و نتعلا لودنيه بحال كنقول لدوك لعينين لي غتكلو هدا ديالي ... تحدر عندي شويا حتى تلصق حنكي مع حنكو و بديت نشرح ليه و انفاسو كضرب فعنقي موتراني ... سليت و حولت نبعد مي حكمني و طبع بوسة على خدي خلاتني ندوب ولاكين صرعان كتفكرت التحدي و صحصحت بعدنا على ناس و وقفو جوج من ناس لكبار دالعائلة كيحسبو نقط ... بدا ركان هو لول ... جاب لقرطاسن نيشاف فالهدف ... تسمعو تسفيقات لحضرين ... موراه اوس نفس الشي عاد انا استعداد صوب و اطلاق هههه باق جبتها حساب كلشي حل فمو و بداو يسفقو اما فارس فغراق من نضوات سوسو شيطانية بمعنا شتي ههههه دربة تانية حتى هي خات حساب عندنا بتلاتة ... اما دربة التالتة وكان خطاها و انا و اوس جبناها نيشان و هاكا كان تعادل ... كلشي نعجب كفاش بنت قدرات تخسر ركان و تعدل مع اوس لي كان كيبان عليه محترف ... رجعنا كلسنا و هو ينطق عمر
عمر باقي تحت صدمة : او لهاد درجة انت بارعة شكون علمك ...
انا من بعد هد السؤال سرحت فافكاري لديك نهار ...
فلاش باك
واقفا و مورايا اوس شاد يدي لي فيهوم سلاح و كيعلمني كفاش نخدمو ...
اوس بتاسم : دابا فهمتي
سلمى مركزة : اه ... غادي نقاد هيدي و نصوب مزيان و من بعد غنضرب
اوس بسها فحنكها : اهم حاجة هي تركيز
سلمى ضحكات حتى بانو غمازاتها : واخاااا احبيبي يله كحز نجرب
اوس بابتسامة شيطانية : غي خليني ياله جربي ...
ياله جيت نتيري حتا حسيت بشفايفو فعنقي ... توترت و مشا تركيز و كنت ضغت على زناد و خرجات قرطاسة جات فالهدف نيشان ...
اوس كيضحك و ضورها عندو : كيبالي خصني ديما ندير هاكا باش تصيبي الهدف
انا خدرت راسي و بتسمك بخجل ...
باك ...
سحر كتلوح بيدها حدا عينيها : سلمى ... واااا سلممممممى ... لنت طارت
سلمى قلبت عينيها : لاواه نعست ... موهيم علمني واحد شخص عندي عزيز بزاف ...
نسرين كتحول تقلب الموضوع : اش بان ليكوم نمشيو نعسة راه تبعنا صفر غدا ...
نضنا كملين ودعناهم حيت صبح غنخرجو بكري بزاف و نضنا كلا وقصد بيتو ... دوشنا و بدلنا و كل وحدة شدات فراشها ... نعسنا من كترت لعيا و انا دموع مزالين فرموشي ... فقنا صبح طرفنا و لبسنا خرجنا كانو كيتسناو غينا دراري ... شدينا طريق و كلشي طشضحك و يهدر الى انا و اوس كان صمت سيد المكان ... من الكار ل طوموبيل لمطار ... كانو راقفين جوج ديال طيارات خاصين ... بداو لكارد كيهبطو سكان و دكشي و فبهوم حتى حوايج شرناهم جداد و لي كنا هزين حطيناهم فشنطا غيتصفطو لمغريب كونا كنقادو فكلشي حتى وقف علنا عمر كي قباط لرواح
عمر بستغراب : اش تاديرو ...
يسرى قفزات : اش تسلنا قفزتينا ...
غارس جا موراه : شفت طيارة ديالكم كينا واش مرجعينش لمغريب
نسرين بتسمات : لا غدي نمشيو الهملايا
يوسف بتعجب : شغتمشيو ديرو تماك
نسرين ضحكات : نكملو صفر ديانا ...
سلمى ضحكات حتى بانو غمزاتها : من ديما كنا كنحلمو نزورو الهملاية تقد تقول هي الشغف بالنسبة لينا ... و هاد المرة عاد كتاب ...
اوس عاقد حواجبو شاف فلكارد : هز السكان درهوم فطيارة و علم المطار بلي الوجهة تبدلات و غتقلع غي طيرة وحدة للهملاية ...
انا كونت متفاجأة فنفس الوقت فرحانة ... على الاقل غادي نزيد نشوفو مدة اطول ... طلعو لبنات و دراري فطيرة مشيدين و انا اوس مزيدني قدامو و طلع من مورايا بحال خيفني نهرب ... مهي غير ساعات بعظ اقلاع طائرة و كنا فالهند و بضبط مطار دلهي ... درنا شي اجرات و خدينا هلكبتر مشات بنا على طون دوك الجبال ... و صلنا و هبطنا مع نزلنا كيبان لينا شاب يكون فنفس لعمر ديالي واقف عطينا بضهو حتا نزلنا وقلعات طيارا و من هياتو باين هو لي غيكون لمرافق ديانا حيت خصنا واحد لي يكون كيعرف هذ الجبال مزيان ...
يسرى بصوت شويا مرتافه : هي واش انت لمرافق ...(دارت عند سلمى) واش هادا سمك
سلمى كانت غدي تجوبها حتى غوتات و مشات كتجري : سااااااااميييييييي اعععععع
جريت لعند سامي عنقتو ... هو كبير عليا و 8 اشهر بضبط ... حتا هو زوين و طويا حبوفو قهوين و عينيه مارو مغلوقين و عضالاتو مخدومين شعرو طويل طالع و رطب ... بادلني العناق بجهد
سلمى كتمخشش فيه : توحشتك بزاااااف احبيبي
سامي كيضحك : عليها كتسولي فيا يا بقرة ...
سلمى رخات منو : تفو على بغل متصلاحش معاك رمنسية ...
اوا يلاخوان هدشي كامل طرا قدام ديك لبركان لي بقالو شوية و ينعدفاجر ايه اوس و من غيره ... زير على يديه حتى تحبس فيها دم و كيشوف فينا ... عاد جات كل وحدة من بنات سلمات عليه بلوجه ...
سلمى بتسمات : هذا سامى و هو ولد عمي احمد ... هدو الامراه ... اوس ، فارس ،يوسف و عمر
سلمو عليه كملين و هو كيشوف فيا حيتاش ديجا عارف كلشي ... وصل لوس و زير ليه على يديه مزيان ...
يتبع /
YOU ARE READING
المملكة المخفية 🖤 (مكتملة)
Historical Fictionحصريا💥 على 🎭كرنفال🎭 للقصص بدارجة 🇲🇦 قصة جديدة من تأليف وأفكار الكاتبة المتألقة: Salma_Az بعنوان: #المملكة_المخفية⚔️ قصة كيدورو أحداثها📝 على ربعة دلبنات عايشين فالخير لي خلا ليهوم باهوم و حمدين لله دارت ليهم أقدارهم🌀... يتلاحو فبلاد ماهي بل...
