فقت على ضوء شمس ضارب فوجهي و لقيت راسي وجهي مقابل مع وجهو بقيت كنشوف غيه و سهيت فيه...
سلمى مع راسها : دابا هذ الزين كامل راجلي انا ناري مكيبانش هو ديك لمجعور لي كيكون فايق اححح شحال زوين ... (وعات على راسها) اويلي مالي انا وليت هاكا
جمعت راسي و نضت من حداه جمعت شعري بوحد لخيط و دخلت لحمام دوشت عليا و وجدتو ليه خرجت و بقيت كنقلب على حوايج لبسهوم و جدت معاهو حتى حوايجي من ديك الغرفة صغيرة لي كانت فيها حويجهوم بجوج هو فاق من لحركة لي فلبيت ناض تاجه لغرفت الملابس و وقف حدا لباب كيشوفها كي كنتحرك و نجبد حاجا و رضها و نقارن هذي معا هدي و هو حاضي تفاصيل جسمي فديك لكسوة دنهاس مع عنقي لي بارز مه شعري لي جمعاه لفوق و لما كيقطر منو بقا ساهي فيا حتى حسيت بيه ...
سلمى نطقات بلا متشوففيه : جلالتك لحمام واجد و بنما تسالي غادي نوجد ليك حويجك
اوس ساهي مع قطرات الماء : اوس ... سميتس اوس بلا جلالتك
سلمى ضرت عندو : هذي ولا هذي ا اوس
اوس جامع غباشتو كي ديما : الاسود
زاد و خلاني حيرا حيت بجوج كانو ف الون الاسود رديت وحدة بلاصتها و تانيا حطيتها على سرير و مشيت كنشف شعري ... خرج من لحمام كنت حدا لمرايا كنكحل عيني هز حوايجو و دخل لبسهوم و خرج حتى تسمعنا دقان فلباب كنت لبست قفطاني و ساليت روتيني ... اذن اوس بدخول طارق حتى بنت وحدة من لخدم من مور لباب
... : مولاي طلبتيني
اوس كيسد عقاد قميسو الرجولي الاسود : حبيقة طلبتك باش من ليوم اتكوني مع الاميرة سلمى و تلزمها فكل مكان و و تهتمي بامرها على اكمل وجه
حبيقة مبتاسمة : على راسي و عيني امولاي ...
شفت فجهتها و عودت شفت فيو وخديت اذنو باش نخرج ادنلي و تحركت لجيهت لباب حتى وقفت
سلمى لحبقة : سبقيني لباب هانا جالا
سبقاتني و انا نرجع عندو كملت ليه لعقاد لي بقاو و قديت ليه لباسو و هو ساهي فيا و فحركتي العفوية و هزيت فيه عيني زرقين الدكنين بحال ليلة مضوية بلقمر بقا تواصل البصري دام تواني حتا جمعت عيني منو و دركت لموقف و خرجت بوربا اما هو بقا ساهي حتى نطق
اوس بسهوة : الياقوت الاورق ...
فاق على راسو اش كرقول نفض راسو من ديك الافكار و لاح سلهامو على كتافو و خرج ....
انا كنت وصلت لطبلت لفطور و كلست فمكاني المعتاد جنب كرسي اوس لي ديما متراس الطبلا على ليمن و هي تبالي سحر جاية بحرا كتزيد
سلمى حبسة ضحكة : صافي فركع لجد بوك لبوشونا
سحر بتالم : ضحكي ابنتي نيت قالو لوالا ... لي عطاه لعطي ميحصد ميواطي ...
سلمى كضحك : اوا اختي لي عطا زك..... لهلا يفكو ولا كدبت
شويا و يبانو نسرين و يسرى كيتمايلو على بعضهوم
سلمى كضحك بجهد : ها خوتك فلحرفة وصلو ناري انا غادي نسخف بضحك ليوم
دخل على صوت صحكتهي لي كان هايم فيها... الضحكة لي من نهار حطني القدر فقصرو مسمعها ولا شفها ... فجاة ضهرات على وجهو ابتسامة خفيفة مشفهاش من زمان هذا ... غير شفتهوم جمعت ضحكة و بقيت كنبتاسم كلسو كلا و فبلاستو كنفطرو فجو مليء بالفرفشة و ضحك و اول مرة نضحك من قلبي من نهار حطيت رجلي هنا ... فديك لوقت بضبط كانت ايمان و خوها كيخططو و ينسجو شباك ديك الجطة الشيطانية على اساس يسفقو بينتما معلبلهومش بلي حنى ممجموعينش اصلا ...
ايمان على وجها ضحكة شريرة : كضن هدشي غينجح
ايمن ببرود مخيف : اوا الى كان ماشي راجل مغيدير والو
شافت فيه و تبسمات و رجعات راسها لور و خي كتحلم بيامع مع لاسر قلبها ... و هاكا سالا هذ النهار بلا احدات مهمة و توالاتو ايام ولات فيها سلمى كتقرب من اوس نهار على نهار و بداو ينساو خلافاتهوم ولا علىش تزوجها اصلا و بدا كيقرب ليها و يضحك معاها و مرا مرا يدير شي حركة لي كتزمك وجها و تحشمها و هو مستمتع بهدشي ولات كل صباح كتفيق تلقا رسها فوصط حضنو و هي مستمتعة بهدشي و طتعلق بيه نهار على نهار ايمن كان كيتعض طريقي و بحول يقرب ليا شحال من مرة و انا كل مرة كنعرب منو و مقديتش نقول لاوس خوفا من ردت فعلو على الموضوع ولكين ...
اصبحنا و اصبح الملك لله ... فقت لروتيني كي ديما لقيت اوس خاشيني فحضنو بقيت كنشوف فيه شحال منكدبش بلي وليت هايمة فحبو اه وليت كنبغيه بزاف هذ لبام لي فاتو بدلو بزاف ... تسلت من حضنو بلا منفيقو و نضت غسلت عليا و وجدت ليه لحمام و خرجت نفيقو ...
سلمى بصرت انثوي خافت : اوس فيق خلاص اوس (كتهز كتفو) اوس نوض باراكا من نعاس ...
اوس غفلها و جبها تحتو(ببحة رجولية فيها نعاس) : صباح الخير ياقوتيتي
سلمى تزنكات و طلعت معاها سخنية : صباح النور ... حمامك موجود ...
بقا سكت و هو كيشوف فعيني هبط و طبع بوسة خفيفة جنب فمي زادت طين بلة و انا غرقيت فحويجي من كترت الحشمة
اوس كيتبنن : اممم لديدة لمرا جية غتكون فلوصط
انا مبقيتش كنبان من كترت الحشمة بحال الا طلعت عليا سخانة دفعتو و نضت كنجري دخلت لبيت تبدال و خليتو موراي كيضحك بدلت لكسوة لي كنت لبسة بقفطان خفيف و جبدت ليه حويجو ... خرج من لحمام انا كنت كنصوب لفراش .. هو كان هاز فوطة كينشف شعرو الاسود الكتيف
اوس : ليوم كين احتفال وجدي راسك
سلمى بابتسامة : واخا كون هاني
خرجت و خليتو كيبدل بحال ديمة ... حبقة كانت مجاتش حيت مريضة هذ الايام و انا رفضت نخدم معايا وحدة اخرا حيت ولفتها و منقدش نتيق فغيرها ... غادا فالممر ناحيت طبلة الفطور لي ديرنها فجردة بحكم الجو زوين ... فحاة كنحس بيد جراتني ودفعاتني مع لحيط ...
ايمن باستفزاز : هحنا تلقينا عوتني امرات ولد عمتي ... ولا نقول غي سلمى حيت قريب غتولي من ممتلكاتي
سلمى هزت عينها و دوات بشمازاز : فاحلمك ... انا مزال مقلت لرجلي والو ماشي خوف منك انما مبغيتش يطراو مشاكل بين العالئة لي انت مدير ليها حتى اعتبار ... اتقي شري اولد عمت راجلي
ايمن طول فيها شوفة ونطق : غتكوني ديالي سوا بغيتي سوا كرهتي
سلمى بقرف ودفلات على وجهو : تفووو ... واخا نعرف نقطع لحمي طراف منسلمهاش لشماتة ...
كان يله غدي يز يديه و هو يسمع زطيم غفلتو و دفعتو و هربت ... هذي ماشي اول مرة غيتعرضلي ايمن ولا لموضوع روتيني عندي ... خرجت لطبلا كنلهت ضرو عندي خواتاتي كيشوفو فيا و حمدت لله حيت بوحدهوم لي تماك ...
سحر بخوف : الله يحبيبتي و شكون سبك عليك
نسرين بعصبية : يكما ديك لكلب عوتاني تعرض ليك
سلمى كترض نفس : لحيوان كان عوال يضربني
يسرى نفعلات : لا لا هذا زاد فيه خصبا نوقفوه من زم... الزمر راك مرات ولد خالو
سحر : قوليها رجلك نتي اويلي
سلمى تنهدات : مبغيتش نجبد صداع
نسرين : راه صداع هو لي عيتجبد الى فات حدودو ...
شفنا دراري جين و بدلنا لموضوع و كان معاهوم حتى ايمن خنزرت فيه وحدرت واسي حتى كنحس ببوسة فراسي وتنية فحنكي ... كانت من عند حبيبي اححح شحال حلوا سلمى فيقي راه غي بوسا ... ولكين اول مرة كيبسني فوق طبلة اححح انا غنطير بلفرحا ... متديرش عليا ههه نكملو ... هزيت عيني فيه و هو يجر عندو يدي شد فيها و باسها زاد اودني و همس ...
اوس بهمس : علاش لي لبستيه كيجي معاك اامم
حدرت عيني و مقديتش نجوب او هذ الرمنسبة كلها فين كان مخبيها ... وليت هزيت عيني شفت فيهوم كانو كلهوم كيشوفو جهتنا و ايمن عينيه ولاو حمرين وكيطلقو الشرارة ... يتبع /
YOU ARE READING
المملكة المخفية 🖤 (مكتملة)
Historická beletriaحصريا💥 على 🎭كرنفال🎭 للقصص بدارجة 🇲🇦 قصة جديدة من تأليف وأفكار الكاتبة المتألقة: Salma_Az بعنوان: #المملكة_المخفية⚔️ قصة كيدورو أحداثها📝 على ربعة دلبنات عايشين فالخير لي خلا ليهوم باهوم و حمدين لله دارت ليهم أقدارهم🌀... يتلاحو فبلاد ماهي بل...
