المملكة المخفية 🖤 (مكتملة)

part 20

تحركنا و انا و سامي غدين كنتقاتلو و كول مرة واحد يجيب ربحة و نتفرشخو عليه بضحك و لي طاح كيدحك حتى على راسو ... حتى تجرحت غرجلي و كلست و رصيت و رجلي بقات ضرني ... زاد عندي اوس و انا غادا كنعكز على سامي
اوس بستفزاز : هدشي باش تعلمي تلبسي سروالك نيشان ...
دار دضاضرو و زاد و خلاني غنتقلا و زيد هدشي على دصبح اما سامي فا حابس ضحكة
سلمى بزعاف : غي طلقها و طلقني نيت خليني نمشي بحالي
سامي كيضحك : واه غي لغيرة هديك مديش عليه ...
كملنا طريقنا و هاكا دازت هد سمانة انا وليت كنتجنب اوس و مكنبغيش نتحاك معاه ... كنتفادا لهدرة معاه و هو حس بهدشي ولا كيبغي يجبدني يعصبني باش نجوبو و مكنجوبش ولا كنهدر كنعطيه نخال و حاسا بلقهرة كنتلف مع خوتي مي كتبقا دقة فلقلب فرحت بزاف لخواتاتي حيت شعلت الحب قوات و قريب نشوفهوم فرحانين و انا فهاد الايام خديت قرار مصيري غتعرفوه من بعد ... اما ليوم وصلنا لافرست و تسلقناه و من بعد هد الوقت كامل كنحقق هلمي فلوقوف فقمت افرست ... كلشي فرحان و كيغوت كانت فرحة لا توصف ... وصلات الهلكبتر و طلعنا نيشان لمطار ... و اخيرا غادي نتهنا من هذ الكبوس وصلنا لمطار و كانو جزج طياير وقفين ... ديانا و ديالهم ...
فارس بتعجب : مغتمشيوش معانا ...
سحر تنهدات : سلمى لي بغات نخلوها برحتها
عمر عقد حواجبو : ولاكين لاش
يسرى بعصبية : سولو خوكوووم
سحر غوتات تحت سنانها : يسرى ... هنينا
يوسف بشك : اش كين مالكوم ...
ياله يسرى غتجاوبو وقفت انا و سامي و اوس جاي مورانا ...
سلمى بابتسامة باهتة : كنشكر جلالتكم على هذ الرحلة حنى خصنا نمشيو ...
فارس بابتسامة : انت لي شكرا و بلا بيك عمرنا كنا نتلاقاو هد الحبان اولا ... و ديك الالقاب مكين لاش راحنا غنوليو عائلة
انا بتاسمت و عيني دمعو اما اوس غي كيشوف تعجبت كيفاش مكيانبوش ضميرو و هو هذ الوقت كامل كيهين فوحدة مدرتلو والو و يجرح فيها ... خرجني من افكاري غي صوت سامي ...
سامي مد يديه : حبيبي مشينا
سلمى شدات يديه : بنات دادا كتسنا ياله ...
درت نضاضر و زدت و عينين اوس غي فيدينا ... طلعنا طيارا و طول طريق عقلي مكينش معايا كنفكر غي واش لهذ الدرجة كيكرهني ... واش كاع دكشي لي عشتو معاه غي كدوب ... نزلات دمعة من عيني و انا متكيا على كتف سامي و خواتاتي كيشوفو فيا باسف ... نعست و معقلتش على راسي حتى حسيت بيد فوق حنكي كتفيقني كان سامي هبطنا و مشينا نيشان ضار ... مع دخلا كانت دادا و عمي احمد كيتسناو فينا ...
حنان كتبوس : حبيبات قلبي احححح شحال توحشتكوم ...
سامي من مورانا : و انا متوحشني حد اا
كان اكتر واحد تصدم بقا كيشوف فبه ... هذا هو ولدو لي كان خرج من دار قبل سنين دار و غادي حتى شديتو
سلمى بترجي : عمي سمعو ولو مرة فحياتك حاول تسمع ولدك دير دكشي لي مقديتيش دير شحال هدا ...
احمد عينيه غرغرو : هو عصاني
سامي و دموع فعينيه : كون الواليد فهمتيني منمشيش ... انت اكتر واحد عارف انا شحال كنحب دكشي لي كندير ... انا هداك شغف ديالي لي كنت ديما كنحلم بيه ... بغيت نعيش دكشي لي بغيت قبل متجي لموت انا راه ولدك فهمتي ا احمد لبركي ... ولدك و حتى حاجا مغتبدل هدشي ....
عمي بقى كيشوف فيه حتى نزلو دموع و عنق ولدو و حنى تعنقنا مع دادا ... سالا و جا عنقها كيحزر فيها زعما حيت غضبانة .. انا ستغليت الفرصة و تسلت وطلع لبيت ... دخلت و فتحت الماء دافي و دخلت تحتو و دموعي سيليل ... محسيتش براسي حتى بديت نبكي بجهد ... لبنات و سامي عودو لعمي و دادا كلشي لي وقع و تافقو يحاولو يخرجوني من حالت الحزن لي انا فيها ... ساليت خرجت لبست بيجامة خفيفة تكيت نعست مفقت حتى ليل شفت فياعا كانت 12 دليل سمعت ضحك فجرضة نضت و هبطت حداهوم كلست حدا سامي مخشيا فيه ... من صغرنا و حنى بحال توام مكنتفارقوش
احمد كيضحك : باندا عاد فايقة ...
سلمى عودات نعسات : امممممم 😴😴😴😴
حنان بقت حيلة : ولات نعسات ... اويلي على طفلة نوضي
سلمى : 😴😴😴😴😴😴
احمد حابس ضحكة : غدا انا وداداك غنتزوجو نتي و يامي غتشهدو على زواز و فليل غتكون حفلة
سلمى ناعسة : واخا واخا مبرو ..... (طلعات معاها و فاقت طفجا) اه نعام غنزوجو ...
الكل : صباح لخييييييير ههههههه ...
كملنا لهضرة و انا كنحاول نتلف معاهم حتى كل واحد ناض شد بيتو ... و انا بحال لعيا ديال هد جوج سيمانات خرجتو هاد نهار كامل ...
اصبحنا و اصبح الملك لله ...
صبح فقت درت روتيني صباحي د مكياج خفيف و لبس جلابة فلون عيني صرعاتني مع فرمتي و حتى لون بشرتي الابيض و شال على كتافي فاسود صباط طالون فاسود و خرجت كانت دادا بجلابة فبيج و صبيبيط طلون بيض مع شال بيض
سلمى صفرات : يختي تيتيز
سامي مورانا صفر : اودي كون لقيت نتقيا ديك لحليب لي شربت معاك ولله منفلتك ازين ...
قلبت عيني و زطمت عليه بطالون و زدت ... هبطنا كان عمي كيساين ... ركبنا لور هو سايك و سامي حداه دزنا من حدا القصر حسيت بعيني دمعو ولاكين دغيا جمعتو ... شويا بنلي بلي دخلين من باب ...
سلمى بتعجب : عمي شكنديرو هنا ...
عمي احمد بتاسم : غنخد شي وراق و نمشير ...
هزيت راسي بتفهم ... وقف عمي فجردة شفت دراري من بفيد كيشربو قهوة مشا عندهوم عمي دوا معاهوم اشار ليهوم شويا من بعد على طوموبيل و شفت عمر ناض جاي جيهتنا و اوس مكانش معاهوم ... عمي دخل لقصر لداخل ...
عمر بغضي مسطنع : سلفتي لعزيزة (خت الزوجة كنقولولها عندنا سليفة) جايا حتى لهنا و معوالاش تسلمي اا
سلمى هبطات : ولو انسيبي هههه لاباس ...
سامي نزل : راه حتى انا نسبكوم متسلموش عليا هههه
تسلمو و جرني عمر من يدي جيهت دراري تزامنا مع خروج اوس مع عمي احمد بقا حال فمو و انا كنسلم و كنبتاسم ... وصلو حدانا
احمد مبتاسم : سامي سلمى مشينا ... جلالتكم نخليكم دابا
فارس بغضب : احمد شقلنا على الالقاب
احمد كيضحك : واخا واخا ولادي هاكا مزيان هههه ... سامي ولدي جر ختك شتها تصدمات ... دار غادي و اوس بقات كتعاود ليه كلمت ختك فودويه ... قبل منوصلو ل لوطو عيط بجهد
اوس بجهد : احماااد اصبار
انا قلبي تنفض و تخلعت على عمي بزاف واش دكشي لي دؤنا غياتر عليه ...
اوس بصرامة : ندويو شويا على انفراد ...
انا زيرت على يد سامي و زدنا و هو عينيه غي فيدينا ...
اوس بحقد : اشمن علاقة كتجمع بين ولدك و سلمى
احمد عقد حواجبو : خوت ... علاش
اوس بعصبية : كيفاش خوت واش كتتدفلا عليا ...
احمد بتاسم : حسنية مرتي لله يرحمها ردعات سلمى منين تولدات حبت ماماها حبلات بختها و مكانش يمكلها ترضعها ...
اوس شاف فيه : يعني هي و سامي خوت
عمي هز ليه راسو و بتاسم منين عرف اوس لحاقيقة ... ستادن و جا كملنل طريقة اما اوس تفكر شنو كان كيقولي و كفاش هني بغا يتسطا طلع هرس بيتو كامل كاع دكشي لي دار رجع عليه بندامة ... اما حنى وصلنا عند لعدول و اخيرا عمي و دادا عقدو القران و مكانتش وسعانا دنيا بالفرحة ...
يتبع /