المملكة المخفية 🖤 (مكتملة)

part 19

حسيت بلدعة فرجلي و غوت حتى ضارو كملين اوس تصعق و رجع كيجري عندي هو و سامي ... شاف اوس افعة قدامي و غوت على سامي ... شدها بزربا غتهرب ... اما هو بقو شدلي فيدي و انا كنبكي و كنتوجه ...
اوس بقلق : خصنا نخرجو سم من داتها ...
سامي قرب من بعد مشد ديك لحنش فوحد الخنشة د توب ...
سامي بخوف : سلمى خليك معايا حبيبي متغمضيش عينيك ...
اوس خنزر فيه و قطع طرف ديال تور من تشورت ديالو و حزملي بيه رجلي فيق لعضة و بدا كيمص دم من رجلي و يدفلو ...
اوس بتوتر : العشبة لي شفت فطريق اه ... هي هي ... ضار عند سامي ... اجي كمل انت
ناض كيقلب حتى دقائق و جاب شي عشبا فيديه شاف ضربة
اوس تنهد : صافي مبقاش سم غي حبس ... شد ديك لعشبا و معسها بيديه مزيان ... درها و كب علها بطادين و لولاوي رجلي فطرف من تشورت ديالو ... زول تيشرت و لبس اخور و قرب كيقصلي سخانة ...
اوس تنهو براحة : حمدلله كتنزل ليها لحرارة
سامي كيمسح لسلمى لعرق : شمس غتغرب و لبلاصة هنا متصلاحش لمباتة خصنا نزيدو لقدام
انا كنت شبه مغيبا مي حاسة ... شفت فخوتي كي كيبكيو و طمنتهوم و انا كنمس وجهوم و يديهوم حيت مقديتش ندوي ياله جيت نوض كنحس براسي تهزيت فضهر شي حد حليت عيني لقيتو اوس ... كلشي بتاسم وصط دموعو و انا كتافيت نلوي يدي على عنقو ر نحط راسي على كتفو و انفاسي كضرب فرقبتو من لور ... سامي غادي مورانا هاز ساكي و كيتبسم و كل واحد جار مرتو ... وصلنا لبلاصة فين غنباتو حطني و صيبلي لخيمة دخلني ليها و نعسني و غطاني و انا ما قاداني دنيا ... و دايرا فيها ناعسا ... باسني فراسي وخروج ... و ولاو كيتناوبو كل شويا كيجي واحد يطل عليا ... حتى حسيت بشي حد تكا حدايا ... درت لقيتو سامي خنزرت فيه و هو فهم بدا يضحك
سامي كيضحك : هههه رجعي احبيبي تنعسي بقيتي فيا ولله حساب ليك هو ههههههه
سلمى بصوت تقيل بنعاس : نوض من حدايا حمار كيداير
سامي بتسم و كيلعب ليها فشعرها : اههههههه شحال توحشت ايام كنتي كتنعسي معنقاني و الى نضتي و ملقيتينيش كتبداي تدمعب
سلمى كتغبن : خليني عليك ازمر كونت مراهقة
سامي عنقها : يحفضلي انا لمراهقة ديالي ... يله احبيبي نعسي باش ترتاحي من سخانة ... ولا لوحك فلواد ياله ههههه
اوا يا سيادنا هد الحوار كامل داز على ودينات اوس لي غيتفركع نعسنا ديك ليلة لي دازت طويلة كل مرة نفيق كنترعد من سخانة و تاتير سم فداتي و نرجع نعس ... صباح فقت بكري غي انا بوحدي ... كان سامي مشا خيمتو نعس تكسلت و بديت كتحس براسي شويا عيانا ... خرجت و بنلي لواد عودت دخلت هزيت حوايج جداد و فوطة و خرجت بلا منرض لباب لاوس لي حاضيني ... فسخت رجلي لي بانو فيها اتار نياب الافعى و زولت حوايجي بقيت غي بدوبياس فلكحل طلقت شعري ... دخلت لما بشويا كان بارد والاكين نقي بزاف ... هو حال فمو من ديك لمنضر لي شاف بقا واقف مسمر ... انا غسلت داتي و عمت شويا بحكم كان باقي لحال بزاف مزال مايفيقو ... و غفلا على هداك لي ليل بكملو منعسش و حضيني ... سليت و خرجت لويت علبا فوطة ... درت شنبو لشعري يله غنبدي نكب لما حسيت بشي يد كتحكلي شعري و تكب عليه لما ... اوا اسيادنا انا تسعقت مبقيت عرفا مندير ... سالا و هز شعري لور و انا وقفت شادة فلفوطة لي واصلة لفخاضي ...
سلمى بصدمة : من امتا و انت هنا ...
اوس بابتسامة شيطانية : شنو باليك انت ...
انا تزنكت ولين بحال مطشة هزين حوايجي و بغيت نهرب حتى شدني من يدي و قربني ليه ...
اوس بصوت كيدوب : لبسي و اجي بغيتك تغسليلي شعري ...
سلمى توترات من قربهم : بصفتي اش
اوس زاد ودنيها و همس : ترضيلي غي لي عاد درتة معاك
سلمى تنهدات : انا مطلبتكش ...
اوس بنفس النبرة و لقرب : و انا مكنطلبكش كنامرك
سلمى خنزرات فيه : متعجرف
اوس بشوفات كون كانو عفية كون حرقوها : متعطليش ...
بدا يزول فحوايجو و انا مشيت بجريا لبست و رجعت جمعت حوايجي لي بقاو تماك ... كونت لبسا شورط دجين كحل و تشورط بيض مدخلاه فيه سمطة كوتشي و سبرديلة كحلة و جمعة شعري كعكة و لما كيقطر على عنقي و تيشرط و هو غي حال فمو فديك لمنضر ... حنحنت و وقفت كنتسناه هو بتاسم و خرج من لما لابس غي شورط و لقطرات تاع لما على عضلاتو لمخدومين و جسمو لمتير شعرو فازك هبط على عينيه و كيقطر ... اودي دبت وصافي ... فيقني من سهوتي صوتو ...
اوس بهمس حدا ودنها : انا زوين لهاد الدرجة ... ولا سامي ممقنعكش ... ولا يمكن شفت كتر من داكشي لي شاف ... ولاكين بيني و بنك مكرهتش ولو غي ليلة غنمحنك
مرضيتش منين قالي هكك اكتريا على سامي ... لا و فوق هدشي رضني عاهر ... مكرهتش نغوت فوجهو و نقولو انا مرتك انت و انت راجلي الحيوان و سامي خويا والاكين غي بلاتي ترجع ليك دكرتك ياوليدي يا اوس و نوريك ... بلا منهدر غسلت ليه شعرو ... تهز و بدا راسو كيضرو و مغمض عينسه عرفت شي دكرة رجعات ليه و كانت نهار اول ليلة لينا بجوج فلهمام ... و وجهي طبعا مضبب ... بقيت معاه حيت كما كان لحال عوني بزاف لبارح ... منين ولا مزيان بلا مندوي معاه مشيت جيهت خيمت سامي ... لقيتو بدل و خارج ... تلاحيت فحضنو كنبكي ... هو عرف بلي اوس غيكون درلي شي حاجة فيت شافنا بجوج منين فاق ... مبغاش بحكر ضمني زير عليا و خلاني كنبكي فراحتي حتى رتاحيت ...
سامي بعدني عليه و شد حنوكي : صافا ابب دابا
سلمى كتمسح دموعها و بصوت طوفولي : لا انا فيا جووووووع
اوس سمع ديك صوت جننو و مكرهش يسمعو بوحدو ولاكين ولله حتى ندمو على لي دارلي ... سامي شاف فيه كي كيخنزر و زاد لودني ...
سامي بهمس : شنوما كان قال راه غي لغيرة لي كتهدرو متديش عليه
سلمى تنهدات : زاد فيه بزاف هد المرة ...
يوسف بغوات : واش مجينش قتلنا جوع ...
عمر كيتغبن : واااا عباد لله وا راه جانا لهيمري ... اوس مشا كلس و لحقنا عليهوم انا و سامي ... كنفطرو في صمت حتى دوات فليفة دختي
يسرى تمضغ : سلمى تعقلي فاش عطنا لديك زعرا قتلا و جا سامي يفكنا و هي تلسق فيه ... ههههه ناري قتلتي لبنت مسكينة
نسرين كضحك : لا هدي انا لي خاص نعودها
سلمى خنزرات فيهوم : هنيوناااا
فارس حابس ضحكة : لا غي عودونا دويو
نسرين تقدات فجلسة : اوا نعودها ليكوم كي لخرافة ... واحد النهار كونا جلسين فلمطعم دلمدراسة حتى جات واحد لبرهوشة كتعلا قليك بغات تبان علينا و بحكم ان يسرى جبادت لبلا ... ناضت كتراد معاها ... لبنت جات بغات ضربها يله غنحطو فيها يدينا و هو يوقف سامي لي كان كيقرا هو و سلمى فلباك ديك ساعا ... شدنا بعدنا عليها و هي لبنت تزعط و بدات تحلون عليه ... سلمى تعصبات و ناضت ليها ... سلخاتها سليخ لهيضورة لبنت كولها منتوفة و مقموشة و فاش جات ماما و بابا لله يرحمهوم لمودير زاد مع سلمى حيت عارف لوخرا ديما كدير مشكيل اما كون مشات فيها بمجلس تاديبي ...
دراري بقاة غي حالين فمهوم و يشوفو فنسرين و يعودو يشوفو فيا ..
يوسف مصدوم : وا كتباني سكوتية طلعتي مسويهلاش ...
سامي عنقها جنب : راه غي لغيرة هديك ... ياك الحب ...
سلمى ضرباتو بمرفقها لكرشو : يعطيك لحبوب انت و هذ رباعا دشيخات
سحر كتهكم : تربيت يديك احبيبة
فارس عنق سحر : متقوليش على حبيبتي شيخة
سلمى عينيها دمعو : ياكو ضرتو فيا كملين
عمر كيقليلها سم : اااايه متقوليش لحياتي هكك
انا بداو يهبطولي دموع و نتنخسس و سامي يسكت فيا و اوس بقا كيشوف فيا نضرات بحال كبقولي متبكيش ...
اوس بعصبيا : رخفا على لبنت هنتوما بكيتوها ...
الكل بصدمة : اااااااه
اوس توتر : احم نوضو باش نمشيو ...
يتبع /