___________/
#عشقت_طبيبة_عسكرية
#الحلقة ٢٥ _ Bölüm 25
بدر الدين : الشي اللي سمعتو صحيح ؟
علي : .....
بدر الدين (بعياط) : باااااباااا جاوبني
إسماعيل : مراكش تشوف فحالة باباك و إيه لي سمعتو صحيح هذاك راه ولد عمك
خزر فيهم بنظرة مليانة بالغضب .. خرج و بلا ما يغلق لباب .. كان راح يتبعو إسماعيل بصح علي حبسو مين حط يدو على رجلو .. و حرك راسو بعلامة نفي .. ولا رجع سند روحو .. كان بدرو راكب فطوموبيلتو .. شاف انعكاسو فلمرايا ولا يهدر وحدو و يضحك
بدر الدين : ههههه مستحيل هذاك لي كنت راح نفلقلو راسو ظهر ولد عمي يا سبحان الله .. دوك إلياس و هو هههه أنا لازم نروح من أحسنلي مابقاتش قعدة و أنا مانسحقش وحدة يجرو موراها مليار من كلب نعلبوها
زير على لفولون .. و قلع بطوموبيلتو بأقصى فيثاس
________________
كانت إلين تسوق و بحداها شاهين .. عيات تحكي معاه والو مايهدرش و ما يردش .. غير شارد مع برا .. وصلو للبيت العائلي تع شاهين .. نزلت و نزلتو معاها .. شدت فيه و مشات جهة لباب .. طبطبت خرج أشرف
أشرف : إليين وين هذا غيبتيها
إلين : هههه الله لا يغيبك
دفش شاهين أشرف و دخل .. حايب يشوف ختو سيثو .. حوس عليها حتى لقاها فجاردان مريحة .. و بين رجليها ورقة .. كانت حالتها حالة فهم بلي راهي عارفة كلش .. رفد لورقة هذيك و حضن لميس بكل قوة .. و لي هي بدورها بادلاتو و بدات تبكي
لميس : صح لي قالوه !
شاهين : إيه صح و ظهر عندنا عم و أخ واحد خلاف لازم نلقاوه ههههه يا بوخنونة حبسي لبكا هههه
بعدت عليه مين سمعاتو يضحك .. شافت معاه عينيه حمورة و باين فيه شاد لبكية بسيف أما يضحك .. تبسمت لميس بسك هو ديما راه هكا .. يخبي جرحو و مايحبش يبينو قدامها .. لمحبتو و معزتو ليها
لميس : علاه دير هكا !
شاهين : وشنو ندير ؟
لميس : ديما تحسسني بلي نتا موجود و واقف فكتافي مالغري داخلك مجروح
جبدها شاهين حضنها .. و خلا دموعو يهبطو .. بصح تم تم مسحهم قبل ما يبعد عليها
شاهين : إهيه زينة عنبالك شكون جا معايا و نن !
لميس : شكون ؟ هههه
شاهين : هيا ندخلو و شوفي
كانوا إلين و أشرف يحكو .. حتى دخلوا عليهم لميس و خوها .. تخلعت إلين من عياط لميس و كي قفزت عليها جاو فلرض .. و رجال خرجو و هوما يضحكو عليهم
لميس : يا كلبة يا حمارة يا جغلة يا بغلة يا ...
إلين : مزال تاني ؟ هههه
لميس : أواه كون نكمل ما نفضش هههه توحشتك و نتي منعرف وين غبرتي
إلين : حتى أنا
لميس : ديجا منحكيش معاك زعفانة منك
إلين : آآآو علاه
لميس : ماتحكي ماتسقسي و مهملة gاع لغاشي
إلين : ........
لميس : علاه ساكتة
إلين : بسك عندك لحق و نتمنى تسمحيلي
لميس : أمممممم لمهم
إلين : وجهك علاه هكا !
لميس : لمهم .. راني عارفة من دوك غير أهدري مسGم و بلا دوران
إلين : زيدي ضربيني خير
لميس : ههههههه شحال متمنيتها عنبالك
إلين : إيه راني نشوف فيك حابة تبدايها بظهري تكسريها
لميس : هههههه آآ صحا نسيت على روحي sorry
إلين : لميس ماتخميش إن شاء الله راح تتحل و نلقاو خوكم بخير
لميس : إيه و شكون هذا العم لي خرج ماعنباليش
إلين : يكون علي لجنرال تاعنا
لميس : تاعنا ! علاه مش كي طبيبة !
إلين : ههههه راني عميلة تاني و خليه سر بيناتنا
لميس : صحا مي شكون هذا
YOU ARE READING
♡☆ عشقت_طبيبة_عسكرية ☆♡ ◇مكتملة◇ ♡☆ Bir askeri_doktoru_sevdim ☆♡
Actionرواية جزائرية 🇩🇿🇩🇿🇩🇿 تحكي على أقوى إنتقام عمرك ولا قريت(ي) لي كيفو حرب الحب ☠👻 __________________________________________.......%🔫❗ و لأنني أحبّ الأشياء الراقية ، التي يصعب وصول الآخرين إليها ، أحببتك أنت ❤ Ve güzel şeyleri sevdiğim için , ...
