_________/
#عشقت_طبيبة_عسكرية
#الحلقة ٣٦ _ Bölüm 36
جات لعشية .. و بعد ما حطت لفلاش ديسك فبلاصتو .. و pلاصات كل شي .. راحت قعدت حداه فسرير .. و حكمت فيدو .. مينداك تهبط و تسلم عليه .. تبوس في خدودو و راسو و تعاود
إلين : عيشك إلياس نوض راني توحشتك بزاف (بدات تبكي) وينتا راح تنوض وينتا راني عييت بلا بيك...
كانت لميس خارج لغرفة .. تراقب فيهم من ورا لكارو .. مكتفة يديها لصدرها .. و الدمعة من عينيها نازلة .. شحال غايضتها عمرها .. على لحالة لي وصلو ليها .. فجأة حست بيد تحطت على كتفها .. كي دارت و شافتو هو .. ما صدقتش .. و بلا تخمام قفزت عليه عنقاتو بكل قوتها .. و بدات تبكي بحرقة
لميس : أشرف
أشرف : يا عيون أشرف .. توحشتك بزاف
لميس : أنا تاني توحشتك .. والله عييت حالتها هي و خويا شفاتني .. مالقيت نحزن عليهم ولا نحزن على موت خويا لكبير
أشرف : أششش شاهين راه يتعذب هكا مالازمش تبكي ياك كلشي مكتوب و فيد ربي
لميس : إن شاء .. أهئ اهئ .. الله
أشرف (مسحلها خدودها) : ههه راكي تقتليني بالمنظر هذا عنبالك
لميس (ضرباتو) : ههههه بركا
أشرف : معليش تدخلي تقوليلها راه لحق لوقت
لميس : بصح مانيش حابتك تروح
فدقيقة هديك خرجت إلين .. و هي تمسح فخدودها .. شافو معاها .. لميس كانت مركزة فعينيها .. كانوا منفوخين و باينة تاعبة على لخر .. حست قلبها تقسم طراف طراف .. صاحبتها فهذي لحالة و ماقدرت دير .. والو .. حكى أشرف معاها
أشرف : شنو وضعو ؟!
إلين : راه في تحسن و القيم تاعو مليحة .. بصح مزالني مافهمتش علاه مازال مافاقش حتى هذا لوقت
لميس : وشنو معناها !
إلين : يكمل هكا يدخل في غيبوبة (تغرغرو عينيها)
أشرف : نن إن شاء الله راح يبرا .. نسيتي بلي جا اليوم الموعود
إلين : لميس كون ينوض ماتنسيش تشعلي tV
ما ستناتش الرد .. خلاتها مافاهمة والو .. و عطاتهم بظهرها .. بعدت عليهم .. فجأة تبسمت .. و دموع هذوك تبخرو قبل حتى ما ينزلو .. مشات .. و لحقها أشرف بعد ما ودع مرتو .. مشا حداها بنفس سرعتها
إلين (فداخلها) : هههه في وقتها قدقد .. راح نتأكد أنو نبرد غلي و لو شوية بهذي اللعبة
أشرف : اصبريييي راني قريب مانلحقكش
إلين : عيطت لبدر الدين ؟!
أشرف : كلشي راه واجد
________________
واقفين قدام مدخل الفندق .. كانوا أبطالنا ضاربين لحطة على اللخر .. إلين انتحلت شخصية على أساس من شخصيات الطبقة الراقية .. أما بدرو و أشرف فزعما حراسها الشخصيين .. هكا باه يقدرو يدخلو .. اتجهوا جهة الإستقبال .. لي ديجا متفاهمين معاها .. كان لغاشي بزاف نهار هذا و الحراسة مشددة على لخر .. في كل شبر كاين واحد من جماعتهم يراقب .. قدمت إلين عندها و لعبت روحها تطلب في غرفة .. ولات عطاتها لمفتاح
YOU ARE READING
♡☆ عشقت_طبيبة_عسكرية ☆♡ ◇مكتملة◇ ♡☆ Bir askeri_doktoru_sevdim ☆♡
Actionرواية جزائرية 🇩🇿🇩🇿🇩🇿 تحكي على أقوى إنتقام عمرك ولا قريت(ي) لي كيفو حرب الحب ☠👻 __________________________________________.......%🔫❗ و لأنني أحبّ الأشياء الراقية ، التي يصعب وصول الآخرين إليها ، أحببتك أنت ❤ Ve güzel şeyleri sevdiğim için , ...
