__________/
#عشقت_طبيبة_عسكرية
#الحلقة ٦ _ Bölüm 6
طول الطريق و هي تحاول تفك يدها من يدو .. بصح والو .. كان شادها مليح
إلين : نحي يدك
بدر الدين : أمشي و سكتي
إلين : ما تخلينيش نبدا نهدر معاك بشينوية
بدر الدين : ههههههههه أبداي تشوفي
إلين : أستغفر الله يا ربي
بدر الدين (فتح لباب) : رانا لحقنا دخلي
إلين : علاه جايبني لبيروك ياك ما درتلك والو لحد الساعة باه تبهدلني
بدر الدين : هه مليح كي وليتي تحسبي خطواتك
جبدها باه دخلت .. دخل هو و سكر لباب وراه .. و راح يفركت فلقجر تاع لبيرو
إلين : علاه جبتني مالا و نتا دوك كل ما تنفحلك تشدلي يدي قالولك سايبة عندك ولا
بدر الدين : هههه عندي أسبابي أووه و أخيرا لقيتك
جبد لمرهم .. و رجع قعد فوق لكرسي لي أونفاص ليها .. و طلب منها تريح .. و هذا وش دارت .. قعدت و بلا ما تخمم حتى .. بسك ما زالها مش مستوعبة شنو راه يصرا .. طلعلها بدر الدين حوايجها من على ذراعها .. شاف لبلاصة صابها شوية بنفسجية رايحة لزروقية .. عبس وجهو .. و لاحظتو إلين .. بدا يدهنلها و هي كاتمة وجيعتها .. رفد عينيه معاها لقاها تشوف فيه و علامات الصدمة باينة على وجهها
بدر الدين : سمحيلي على ذراعك
إلين : آه
بدر الدين : لي سمعتي
إلين : هههه نتا ! تطلب فسماح ! و مني ! ياك ما راكش تودع ولا
بدر الدين : مالغري نتي لي طلعي زبل للواحد تخليه يرتكب جريمة فيك بكل دم بارد مي راني نورمال
إلين : ههههه نن حبيبنا موش لدرجة هذيك أمممم علاه درت هكاك مقبيل ما فهمتش
بدر الدين : لمعنى !
إلين : نحكي على لجاست لي درتو مع أشرف
بلا ما يحس بدر الدين ضغط على ذراعها .. خلا آه صغيرة تخرج من بين شفاهها .. توتر من سؤالها .. بسك هو بدات ما عارفش و ما فاهمش علاه يدير هكذا .. ما حبش يجاوبها .. و إلين التزمت الصمت و بقات تفكر بينها و بين روحها .. تحب تفهم علاه تحس أنو عاجبها لحال و هي بحداه و كي طلعلو سكر و لاطونسيو تستحلاها .. مالغري عرفاتو لبارح برك .. بقى هو يدهنلها ذراعها فسكات حتى لفهالها و خلص
بدر الدين : بشفا عليك
إلين : يسلمك مالغري كنت قادرة نديرها وحدي
بدر الدين : إيه على هاذي راكي درتيها
إلين : بفففف تعيي
بدر الدين : كاش ماقلتي !
إلين : إيه حابة نسمع لجواب تع سؤالي
بدر الدين : تقدري تخرجي
إلين : شكرا ليك على تصحيحك لغلطتك
خرجت بلا ما نستنا جوابو .. يا خي أنا علاه لصقت فسؤال هذاك .. بصح صح نحب نفهم لواه ما جاهش أشرف على gوسطوه .. بفففف إلين مشي تخدمي خدمتك مرضاك يستنو فيك و نتي مهتمة بالتفاهات
____________________
شاهين : شكونهم زوج هذوك !
لميس : شنو قصدك ؟
شاهين : نعرف لي هوما أطباء يعني بصح ....
لميس : آآآ تقصد لي كانوا هنا وي طبيبة إلين مساعدة طبيب بدر الدين لي كان معاها هو جراح و يكون أستاذنا و هوما لي دارولك لعملية
شاهين : يعني هي جراحة أمممم مليح
لميس : شنو راك تمتم سمعنا
شاهين : هههههه مكان والو
لميس : المهم نولي لخدمتي بصح راح نجي نتفقدك يعني ما كالاه تهرب
شاهين : هههههه روحي روحي و ركزي على خدمتك برك راني هنا
CITEȘTI
♡☆ عشقت_طبيبة_عسكرية ☆♡ ◇مكتملة◇ ♡☆ Bir askeri_doktoru_sevdim ☆♡
Acţiuneرواية جزائرية 🇩🇿🇩🇿🇩🇿 تحكي على أقوى إنتقام عمرك ولا قريت(ي) لي كيفو حرب الحب ☠👻 __________________________________________.......%🔫❗ و لأنني أحبّ الأشياء الراقية ، التي يصعب وصول الآخرين إليها ، أحببتك أنت ❤ Ve güzel şeyleri sevdiğim için , ...
