__________/
#عشقت_طبيبة_عسكرية
#الحلقة ٣٢_ Bölüm 32
فطنت .. شافت فريفاي بعينيها الناعسة .. صابتها 5 تع صباح .. آلوغ رقدت إلا 3 ساعات .. استغفرت .. و بقات طارحة روحها فسريرها .. حاطة راسها تحت يديها .. تشوف مع لبلافون .. كان سكات و لكل مزال راقد من التعب .. بصح هي اكتفات منو غير ب 3 سوايع .. هي ديما هك .. كي تعيا بزاف متقدرش تنعس .. ماهيش عارفة بلي راهو حتى هو فاطن .. إلياس تاني فنفس وضعيتها فشومبرتو .. هو ماجهش رقاد أصلا .. بايت يخمم فيها .. و مين يتفكر شنو صرا لبارح يزعف .. حابها تكون ليه وحدو .. واحد مايقيسها ولا يشوف معاها مامبا من غيرو .. و أنها تحط حد بينها و بين رجال لي دايرين بيها .. فاتو سوايع وحدوخرين و هو هكاك .. حتى جا صوت لباب كي تقفل فوذنو .. قفز جهة النافذة .. بعد ريدو شوي .. شاف إلين داخلة .. و لالبسة لا ثوني تاعها تع سبور
إلياس : هذي وينتا خرجت حتى جات دوك !؟
سناها حتى طلعت لشومبرتها .. باه خرج من بيتو .. نزل للكوزينة شمر على ذرعيه .. و بدا يدير فلفطور ليه و لإلين .. بعد مدة كمل ووجد الطابلة كيما يحبلها لخاطر .. و قعد يستنا فيها تنزل .. كانت إلين فبيتها تسلك فشعرها .. ربطتو و نزلت بزربة .. بحكم ريحة لماكلة قتلتها .. لقات إلياس قاعد و كان سارح .. راحت من وراه .. لفت يديها عليه و باستو
إلين : صباح الخير
إلياس : أحم صباح النور
إلين : تبانلي زعفان مني !
إلياس : .......
إلين : آلوغ الإجابة نعم .. و السبب معروف الغيرة الزايدة .. بون هداك الشاب راهو واحد من لحراس تاعنا مي صرا سوء فهم يحسابلو وحدة منهم و حبيت نفسد لخطة تاعنا و عفايس كيما هك المهم دير فحسابك كون ماجيتش تعنيلي والله ما نفسرلك حاجة ههه
بعدت عليه و راحت قعدت فلكرسي لي مقابلو .. و بدات تاكل .. و تستبن بسك تقول راه شاف عالمي قاعد قدامها .. تحب صنعت يديه .. بدا هو فطورو .. و منحاش عينيه منها خلاص .. بعد مدة من الصمت .. نطق
إلياس : جوابك
إلين : ؟؟
إلياس : على عرضي تع لبارح
إلين (حمارت) : هه آآآ
إلياس : هههههه تبانلي نن أنا علاه نسقسي
رجع لكرسي للور و ناض .. كان راح يمشي لوكان ماحبستوش يد إلين لي شابكت يدو .. دار ليها كانت واقفة قدامو و تخزر فيه بكل حب .. ذاب قلبو فيها .. مهما يحاول أما مايقدرش يتغشش منها بزاف و يعملها هدة
إلياس : راني حابك تولي مرتي فأقرب وقت بلا مانضيعو عمرنا كتر يا إلين
إلين : حتى أنا راني قابلة بصح بشرط
إلياس (بفرحة تقول ولد) : ههههه لي هو !
حاوطو بعضهم
إلين : أمم تجي تخطبني من دارنا مدامنا فتركيا و راح يكونو حفلات صغار برك تع الخطبة و لعرس بسك مانحبش لهرج هداك لي بزاف و تاني لخطبة راح تكون على ذوقي دير فحسابك ههههه
إلياس : على لعين و راس غدوة نكون عندكم ههههههه
YOU ARE READING
♡☆ عشقت_طبيبة_عسكرية ☆♡ ◇مكتملة◇ ♡☆ Bir askeri_doktoru_sevdim ☆♡
Actionرواية جزائرية 🇩🇿🇩🇿🇩🇿 تحكي على أقوى إنتقام عمرك ولا قريت(ي) لي كيفو حرب الحب ☠👻 __________________________________________.......%🔫❗ و لأنني أحبّ الأشياء الراقية ، التي يصعب وصول الآخرين إليها ، أحببتك أنت ❤ Ve güzel şeyleri sevdiğim için , ...
