عشق الذئب

طبعا مكنتش منتظرة منكم ده أي حد بيكتب رواية مش عشان الفوت لا عشان يعرف رأيكم وهو ف الأحسن ولا الأسوأ انا مش عارفه إن كانت عجباكم ولا لا عشان كده بتأخر ولو فعلا شايفين أنها متستهلش تقولوا رأيكم ف الأحداث يبقي أوقف وخلاص لأن حرفيا أي رواية بتاخد مجهود كبير ومحتاج يتقدر وطبعا هعرف إن كنتم عايزينها تكمل ولا أوقفها وشكر

البارت نزل عشان شخصيتين قريبين من قلبي ولولا كده حرفيا أنا لا كنت هنزل البارت ولا هكمل الرواية لأن أنا مش بكتب لنفسي ولا مفيش حد مبيقرأليش تمام وبجد زعلانه وأي تأخير مش هيبقي مني

في القاهره
كانت تجلس في العيادة الخاصه بطبيبه نفسيه وتفرك يديها بتوتر منتظره دورها فهي قررت هذا القرار حين اخبرتها داليا ونشوي انه وربما تأخر حملها بسبب نفسي لتقرر التوجه الي عيادة نفسيه لمعالجة هذه المشكله حتي تستطع التكمله في حياتها مع دياب

نادت الفتاة التي تجلس علي اسمها لتتجه للداخل وتجلس امام الطبيبه

الطبيبه بإبتسامه : اهلا اتعرف بإسمك

هتفت بتوتر : أ.أروي

الطبيبه بهدوء : اسم جميل ايه مشكلتك

بدأت تقص لها كل شيء بلا تفكير لتستغرب الطبيبه بل وتبتسم لأنها تشعر برغبتها في العلاج

الطبيبه بجديه : تقريبا يا آروي فهمت مشكلتك وللاسف محدش هيقدر يساعدك غير نفسك

آروي بحزن : عارفه بس مش عارفه اساعد نفسي ازاي انا عايزه افتكر عشان اكمل مع دياب وعشان لو فعلا السبب النفسي هو اللي مأخر حملي منه ازيله

الطبيبه بهدوء : طب ملجأتيش لدكتورة نسا ليه مش يمكن المشكله عضويه مش نفسيه

حركت رأسها بحزن لتردف : انتي ليه مش فهماني اوووف اومال انا جايه ليكي ليه المشكله دي اصلا عامله فجوه حتي لو بسيطه بس في بيني وبين دياب

الطبيبه : يعني اللي جايبك حبك لدياب مش الحمل

وقفت آروي بغيظ لتردف : هو انا جايه عشان تقيسي حبي لجوزي ولا تساعديني علي العموم اسفه اني خدت من وقتك وانا غلطانه اني جيت

واتجهت للخارج وهي تشعر بالندم لحضورها هنا لكنها استمعت لما قالته الطبيبه : مدام آروي ساعدي نفسك بأنك تخلي كيانك كله عايز يفتكر الماضي مش قلبك بس

اتجهت آروي مره اخري لمنزلها وهي تفكر ان كان ما فعلته صحيح ام لا لينتهي بها المطاف نائمه علي سريرها لعلها ترحم نفسها من التفكير

********************

كانت تتحدث بالفون مع اختها في احد المواضيع ولا تجرأ علي النزول مره اخري للمنصوره خوفا من بطش آنور وتهديده

بسمه بحزن : ما تيجي يا موده زياره يومين وارجعي تاني

مودة بكراهيه للسبب : مش هقدر يا بسمه