عشق الذئب

الفصل السادس

بعد وقت
كان في الشقه وهي معه يشتعل غضبا وهي لا تعرف السبب فذهبت وجلس بجانبه

أروي : في ايه يا دياب

دياب بغضب : مفيش

أروي : لا في قولي في ايه

تحدث بكل غضب : هربانه من ايه يا أروي هانم وبتدبسيني فيكي

أروي : بدبسك يا دياب

دياب بعصبيه : ايوه الظابط منين عرف اسمك الا اذا كنتي قولتيه وبتمثلي عليا انك مش فاكره حاجه

ترقرقت الدموع بعيناها وانسابت قائله : فعلا بمثل عن اذنك

ووقفت لتذهب فمسك يدها واجلسها مره اخري : اتكلمي عشان انا علي اخري

أروي : هو قالي امضي علي المحضر وانا مضيت بالإسم من غير ما اخد بالي حسيت انها مش اول مره كأني متعوده انما والله العظيم ما ضحكت عليك انا فعلا مش فاكره حاجه يا دياب

حين لم يجب فوقفت ليمسك معصمها مره اخري فنظرت له ليقول : أروي ..... اسم حلو

ابتسمت بسعاده وهي تجلس قائله : انا جعاانه

دياب : بس كده انت تؤمر يا باشا

اطلقت ضحكه طفوليه الي حد ما عاليه ليبتسم ويقف متجه للمطبخ

بعد وقت
كان في ورشته وهي تجلس تلعب بهاتفه لترفع نظرها له وهو ينظف احد مكونات السياره

أروي : ينفع انزل روايات عندك يا دياب

دياب وهو ينفخ بما في يده : نزلي

وبدأت تنزلها لتجد رساله عبر الواتساب الذي تقريبا هو الشيء الوحيد الذي علي هاتفه من مواقع السوشيال لتفتحها "براء"

براء : حمدلله علي سلامتك يا بشمهندس

أروي بمضض : البشمهندس مشغول والفون معايا انا زينه

براء بغيظ : اممم ازيك

اروي بضيق : الحمد لله

ورفعت نظرها ل دياب قائله بغيره : مين براء دي يا دياب

دياب : بنت العم حسن الصغيره

أروي : بعتتلك واتس وانا رديت

دياب : اممم

أروي : مش عايز تعرف بعتت ايه

دياب : لو حاجه مهمه هتقولي

أروي لنفسها : هو انا لو قومت بوسته هيبقي عليا لوم يا ناس

وكتمت ضحكتها وهي تتأمله حقا كيف لشخص هكذا تظلمه الحياه ان يكون ميكانيكي بدلا من رجل اعمال او ضابط شرطه بطوله الفارع وعضلاته وملامحه الوسيمه

دياب : روحتي فين

أروي : هااا

دياب : بنادي عليكي من ساعه يا أروي