يوم جعل حياتي جحيم

آلحلقه الرابعة

يوم جعل حياتي جحيم

« بقلم حنين الموسوي»

(( البارت 4 ))

مها : ابوس ايدك سيدي عععووفني خليني اروح بطلت حتى زياره ما ازور بس اريد ارجع البيتنه سيدي ولله مامسويه شي ولله اخاف سيدي اخاف من المراكز والسجون ابووووس ايدك.
.. احجي وابجي احس صوتي راح من گد مابچيت،،

حيدر : بابه لاتخافين بس باوعلي ارفعي راسج واهدئي شويه...... تقربت يمهة ماعرف ليش نقهرت عليهة مبين عليهة فقيره وحالتهم تعبانه من ملابسهة العادي وهيه گاعده بالكاع والشرطه هوسه عليهة كلمن يحجي من كتر والناس ملتمه وامهة تملخ بروحهة ولازماتهة النسوان ف حاولت اهدئهة شويه حته ناخذهة للسجن ونستجوبهة هناك

مهاا : سسسسسييدي اني ما اعرف شي اصلاً ذني مو الي والعباس مو الي اني ما اعرف شي والقرءان ماعرف شي وحگ ام البنين بس خلوني اروح

الضابط : كالوو للحرامي احلف كال اجاني الفرج...... سيدي اتعبك هاي خل ناخذهة للمركز وهناك نتفاهم وياهة.

مها : لا لا لا وخرووو عني عوفوني (بصياح بكل علوو صوتهة تصيح وتبجي )
وخررررو اني مامسويه شي الكلنس مو الي ماعليه بي عوفوني ........... اصيح والدموع تجري وازحف بالكاع زحوف والناس ملتمه عليه والشرطه بيهم بالخمسين واحد داير مدايري وكلمن يحجي شكل راح اموت ياربي راااااح اموت احس كلبي شتعلت بي النار من الحرگه والتشحرج والصياح وادك عله راسي وابجي واصيح
وينك ياكاظم الغيض حلهة وطلعني منهة يابوالجوادين يابو الشدايد اجيت ازورك مو اوصل يمك ويتهموني وياخذوني للسجون ..... !

حيدر : ماعجبني الوضع ابد احنه ملازم انخوف المتهم لازم نستدرجه وبعدين نفهم السالفه اذا هيه بالگاع وتصرخ وادك عله راسهة وبس تسمع طاري المراكز تتخبل بالزايد صحت بالضابط........... محممممممد كافي عوفوهة هسه تهدء ونحجي وياهة رحت يمهة كعدت عله رجليه وباوعتلهة كتلهة بابا انتي مو تردين تبررين نفسج كالت بصوت مبحوح ويكسر الخاطر اي سسيدي والدموع تجري كتلهة خلص لعد اسكتي خل نتفاهم

مها : اني بذيج الحضه كلشي ما اعرف بس لاعرفه اباوع للگبه والدموع تجري واشتكيله واكله حلهة حلهة يابو الجوادين لا تفشلني جايتك طلابه عله بابك شويه واتقرب يمي نفس الرجال الضخم اجه تقرب عليه جعد وصل الحدي وكال
انتي مو تردين تبررين نفسج كتله اي بس صوتي انبح من كثر الصياح كال اهدي خل نتفاهم صدك اشويه كلبي أطمن من شفته وحجه وياي بهدوء مو مثل الشرطه والضباط الباقين بصياح وتزمخ ويصيحون اعليه وكأنهوو صدك مجرمه اني
بس هذا لا حباب ويسولف بهدوء وكأنهوو يستدرجني ويباوع بعيوني واني جسمي كله يرجف

حيدر : باوعت للشرطي كوتله انطيني هاي الجنطه انطانيهة اخذتهة وباوعتلهة كتلهة هاي الجنطه المن الج لو لا
... هابابا