يوم جعل حياتي جحيم

آلحلقه آلحآديـه عشـر

يوم جعل حياتي جحيم

« بقلم حنين الموسوي»
   
(( البارت 11 ))

*

حيدر ؛: سمعت صوت بنيه تصيح صوتهة عالي وخابصه الدنيا بالصياح ماهتميت عفتهة وطلعت بس حسيت الصوت مو غريب عليه بس من ارجع اعرف شكو طلعنه توجهنه لكذا منطقه ضليت للعصر اله رجعت دخلت للمكتب جوه فگلت خل اسئل شكوو اليوم طالع هيج صوت من داخل سجن النساء صحت للشرطي

شرطي :  اخذ التحيه نعم سيدي

حيدر : شكو اليوم الصبح من هاي الجانت تصيح حيل وخابصتنه

..... سيدي هاي سجينه بالسجن لانفرادي كامت من الصبح ادك بالباب حيل وتصيح اتريد تشوفك

..... منووووو هاي التريد تشوفني شنوو اسمها ماعرفتوهة شتريد

..... سيدي هاي وحده ساقط.. وادبسز صارلهة تقريبن ثلاث اشهر ونص بالسجن وماترضه تعترف بجريمته الشريكه الوياهة لازمناهة وعترفت ... وعترفت عليهة همات بس هيه ماترضه تعترف اليوم من سمعوهة الحرس اتصيح دخلو انطوهة كتله مرتبه سكتت  اسمه المتهمه  مها قيس

حيدر :: مهاااااااااا (بتفاجأة )
شتريد مهاا بعد يمكن لان عرفت نكشفت كذبتهة ناويه تسويلهة سيناريوو جديد

... ماشي خل تولي طبهة مرض بعد اذا طلع صوتهة بس كللولي واني اتصرف وياهة

الشرطي : حاضر سيدي

مهاا : صيحت حيل اتوسلت بالشرطه بوست احذيتهم بس ردت اشوف العقيد مره وحده واسولفله كل الصار لان هوه الوحيد الي راح يصدكني بس ضلو يدفرون بيه حيل اخر شي واحد ضربني بخاصرتي ضربه شهكت شهكه وصلت لرب السمه الكافر يبجي عله حالي ضليت ارافس بالكاع من الالم ابجي واونن ولازمه خاصرتي وادك براسي بالكاع واصيح

نادی علياً مضهر العجائب تجدهو  عونن لك في النوائب كل همٍ وغمٍ سينجلي بولايتك يامحمد ياعلي ياعلي ،،،

اردد وعيوني بلسكف اباوع الايدي تزلغت الحروك البيهة رجليه همات ويبزلن مي ويحركني عفت خاصرتي ضليت انفخ بايدي جبت شال نضيف ولفيتهن يحركني حيل انفخ اعليهن مايفيد يسعرن بكلبي السعير ضليت اونن محد جابلي اكل للعصر دخلت شرطيه جايبه صمونه وكفت من بعيد شمرتهة عليه  يعني تعاملني مثل الچلب  من يشمروله الخبزه اني من القهر والالم والضيم حته الجوع نسيته عفتهن ما اكلتهن هيه شافتني ما اكل ضحكت وطلعت وهيه وطالعه سحكت رجلي بحذائهة وضحكت وطلعت اني شاغت روحي شوغه لله رجليه جانت كلهة بطبابط مال حرك سحكتهة طكن وكامن يحركني اني الزم راسي ادك عليه حيل بالحايط ضليت ادك حيل لمين انغمه عليه

حيدر :  من سمعتهة اتصيح وتريد تشوفني وكاتليهة ومعذبيهة كلت بس خل اسمع بعد بيهة اتصيح واني اعلمهة بيهة خير وتدلل