يوم جعل حياتي جحيم

♡البارت 23

# يوم جعل حياتي جحيم
# حنين الموسوي
# بارت *  23 *

*

* يله نبلش ***

مهاا // وينك حيدر اريدك يمي ماعندي غيرك لا تعوفني وحدي ولله راح اموت
ياريتك مانسيتني اتمنه اطلع منا واجي يمك
....بس خاف هوه مو بحالي ولاحته هوه يمي اني خريجت سجون عله گولت سماح وبناتهة واني وحده فقيره واهلهة فقره وموحلوه بشعه حيل وهوه حلوو وغني وعنده رتبه عاليه معقوله يخليني عله باله

اكيد من طلع مناا بعد مايدري بيه نساني وعاش حياته هوه مجرد شي انساني سواه وياي
كافي مهاا اصحي من اوهامج

بقيت النص اليل ابچي وافكر صرت مثل الخبله اسئل واجاوب نفسي افكر بأهلي العافوني وبعد حته ما اتئمل ايرجعون واشوفهم لو مره وحده
وباحيدر الي تندمت مارحت وياا لو ابقه خدامه عنده ولا هالتعذيب والاحلام التخوف وكل ساعه متخيله شي يمي 

كوه نمت فزيت الصبح روحي تلعب كبل اتقيئت ومعدتي توجعني تعصر بيه عصر وحس بطني سجاجين وتكطع بيهه لزمت بطني وكمت ابجي ولكم بعد ما اتحمل راح اموت ولله زحفت اخذت البطل الماي يجوي حار صاير شربت اشويه والمخزن اظلم يطب ضوه شويه من الرازونه صافنه عله روحي شسوي
رجعت تمددت الدود يكرص يجسمي دابي عليه ( ملتم عليه )
انكث بي مشبعني كرصات وجسمي منغير كلشي مورم من الدك والبك ماكلني اكل ورجلي تحركني حيل لان الشك البيهة جبير يرادله خياط بقيت ابجي واشكي حالي لله اريد اموت واخلص نمت من البجي نتهيت

غيث /// شلون يارب راح اتموت هاي المسكينه  مهاا صارلهة يومين محبوسه بالمخزن بدون اكل وشرب وهسه اكيد الخبز الجبته الهة عفن لان احنه بتموز الحر يسمط سمط
شسوي ابوي قافل المخزن والمفتاح بجيبه والرازونه عاليه وهسه دنيه اليل شسوي ياالاهي
شلون اساعدهة

مهاا // بده الظلام يقوه بالمخزن عرفته صار اليل انتهيت من الجوع والعطش والحر والدود الاكلاني اكل الجوع كتلني رحت للعلاكه لكيت العفن تارس الخبزه ذبيتهة لان بعد ماتنوكل
اخذت الطماطه لكيتهة خايسه كوه اكلت شويه منهة بعد ما اتحمل من الجوع شربت مي
حطيت راسي بالكاع ابچي واونن
ماكدرت انام الخوف كاتلني الدنيه ظلمه كل ساعه اتخيل شي يمي متت من الخوف بس اغفه اشويه اظل اتفزز احلم كوابيس تخوف

..... شويه نمت ومن نمت حلمت لان حاطيني بغرفه العذبوني بيهة بالسجن ويذبحون بيه
ويظحكون بصوت عالي
فزيت مرعوبه وعركانه وارجف
عبالي بعدني بالسجن
اذكرت هوه اني هم بسجن

ماكدرت انام من الظلمه تخوف حيل ضليت اقره ايات وابجي
نمت من السهر والتعب ما ادري بروحي

فزيت الصبح معدتي موتتني من الالم اتقيئت اله ارتاحيت لان اكلت خبز معفن وطمامه خايسه
بطني تكطعني تكطع  توجعني حيل