يوم جعل حياتي جحيم

♡البارت 27

# يوم جعل حياتي جحيم
# حنين الموسوي
# بارت * 27 *

*

*

يله نبلش ****

مهاا // لا خيتي عادي شريد منهة الله شاهد شتحجي خل تحجي  اتحمل لخاطركم  انتم ماقصرتوو وياي ولله وكفتكم وياي شتسوه عندي
وابد ماحسستوني غريبه عليكم

هاجر // لا يكلبي تدللين احنه ماسوينه شي
بس لعد يله احنه مو اخوات كومي خل نكربج ويانه بالعشه
ههههه

نور // اي ولله يله كومي ههههه
اني الدولمه كملتهة لفيتهة رايحه اسبح غزوله وابدل الصادق

مهاا // كمنه اني وهاجر للمطبخ لكيت نور لافه جدر دولمه
وهاجر كالت راح الف الكبه وموصين عله دجاج شوي من بره
واني علمتني شلون اسوي مقبلات
لان اني صح جنت اطبخ يم اهلي بس جنت اطبخ اكل عادي
فبسرعه تعلمت سويت اربع نوعيات مقبلات
نسرين وفرح وحسام وهاي ام علي بغرفت امهم وسادين الباب يحجون حته البنات هاجر ونور ماطبن اكيد يعرفن طبعهم يمكن مايحبون وحده تدخل
من الجناين بهيج مواضيع كملنه العشه صار المغرب رحنه اني وهاجر بغرفتهة انصلي بس يزن وفطومه يلعبون
رسول جبير غرفته وحده صلينه وكملنه وسمعنه حجي عالي اني
خفت گبل  لزمت ايد هاجر بسرعه اخاف من الصياح ومن الصوت العالي ومن الظلمه

هاجر // شبيج يروحي لاتخافين عادي هاذه صوت حيدر اكيد وصل
وعرف ليش هيج صايره بيج خوفه يكلبي

مهاا // بسرعه نزلت ادموعي وارجف  
اخاف من الصوت العالي ام رسول
من جنت بالسجن والتعذيب والصياح. وعمي عذبني بالمخزن صرت اخاف

هاجر // يابعد كلبي ياخيتي وعلي مردتي كلبي لاتخافين يبعد اختج هسه اصفكلج القرءان وان شاء لله تصيرين زينه

مهاا // خطيه هاجر كامت تقره قرءان بعدين حطيت راسي بحظنهة وتقره عليه كملت انوبه جعدت اباوع الغرفتهة تخبل حيل حلوه وارقيه
ضلينه شويه جاعدين نسولف
ونور بغرفتهة طبت يم بناتهة هيه مو كلش تختلط ويانه بعدين  هاجر كالت خل ننزل نحظر العشه بلكت يتعشون نزلنه اني وياهة وصوت حيدر يرج رج وكلهة ساكته اني كمت ارجف

حيدر( بصياح ) /// شنووو هاذه المسحتل احنه كبرنه راسه ونطيناه مره تسوه راسه وراس الخلفوو
هاالسكير هاذه  ولله يا ام علاوي اني من زمان ردت اطلكج منه بس انتي مجلبه بي
ادري بي  هوه نذل وناقص والله مطيح حظه بس شلون تمدين ايدج عليه احنه هيج مربيجن  ياخويه

ام حيدر // اتعوذ من شيطانك ييمه اخيتك عدهة فروخ لاتجيب طاري الطلاك بعدين اختك غلطانه اكو مره تضرب رجلهة راجدي هاذه مايصير ييمه لا يرضه الله ولا يرضه عباده هاذه رجلهة مفروض تحترمه

حيدر // يمه احنه ماگلنه ام علي السوته صح واني زعلان منهة لان احنه ماعلامناهة تجاوز عله زوجهة 
هيه مرجعهة علينه والغلط التسوي تجي الحجايه علينه احنه
بس ام علاوي مو زغيره حته اعلمهة بالغلط وصح شوفي خويه صح انتي اكبر مني واحترمج وتدرين شكد اعزجن
وجلال طايحظه وزباله ادري بي  بس ياخويه ما ارضه تجاوزين عله زوجج  تعالي ليه وكليلي انتي جنتي تسكتين عنه وتضمين اغلاطه عنه
احنه متعاجزين منج ياخويه شاهد الله اطلكج منه واركعه ميت جلاق واجرجره بالمحاكم وانعل والد والديه بس انتي كل ماتجين زعلانه ماترضين بسالفه الطلاك امچلبه بي عليمن ما ادري