راجو لين يعدوا منها 5 اجزاء بعدين احكموا عليها الحكم ع البدايات في رواياتي اكبر غلط...
نذكر في الحسن اللي يقراها من البدايه يقول ممله مافيهاش احداث..
وعاصمتي كذلك قالوا ممله واحداثها بطيئة..
والعشق المتمرد روتينيه ممله ماتشدش..
راهو البدايات زي التعارف بعدين تبدا الأحداث اللي تبين موضوع الروايه كله..
تو هادي قريتوا منها مقدمه بسيطه طول حكمتوا الروايه زي موسم التوليب..
البيئة وشكل الحياة في موسم التوليب تختلف اختلاف جذري..
هيثم مالاش علاقه بنضال ولامعاويه نهائي..
هيثم راجل يحب يعطي للناس وشغله اكثر حتى من نفسه..
اما نضال انسان يحب نفسه اكثر من اي شي..
ومعاويه شخصيه متكبرة تحب السلطه والعلو ومعقد نفسيا..
اسيمه تشبه حنان..
قصدي عادي جدا يكون في من حنان كذا وحده..
بس لو لاحظتوا..
ان اسيمه هني ماتبيش هيثم يهتم بيها هي..اسيمه تبي راجلها يهتم بصغاره وتحاول جاهده تقرب بيناتهم..
ولو لاحظتوا ان هيثم يعشقها ركزتوا كيف توتر وخاف من وزعلها لما اتصل بيها واعتذر منها طول...
اسيمه بالنسبه لهيثم حاجه كبيره وهدا شي نبيكم تركزوا عليه كويس..
فبالله وين الروايه هادي ووين موسم التوليب؟؟!
