طلع برا..
وقف في الباب وقال:نعم؟!
تهاني:الدكتور هيثم هني..
هو قعد يشوف للحاجه الوحيده الباينه من وجهها عيونها اللي ديما يفقدوا فيه القدرة ع النطق..
تهاني:سمعتني!؟
هو استاقظ وهز راسه بإيجاب...
تهاني اشرتله وقالت؛هويناه..
تمعن بنظرات اخيره فعيونها بعدين شبح وين ماهي تأشر شافه..
لقاه واقف يشوفله بإبتسامه وحواجبه مرفوعات وياشر بيده يحي فيه..
ضحك ومشاله ووقف عليه وقال:امتى جيت؟!
هيثم:من الاول..
زياد بإندهاش:حضرت قصدك..
هيثم؛طبببعاا..
زياد؛باهي شن رايك..
هيثم رفع راسه فوق شويه وحط سبابته ع انفه بعدين رفع فوق..
ابتسم زياد بفرح وقال:الحمد لله..
غير هيثم عيونه لتهاني اللي واقفه بعيد شويه بعدين شبح لولده وقال؛باهي لامتى ياخايب..
زياد بإستغراب:شنو؟!
هيثم اشر بحواجبه ع تهاني وقال:بلا استغباء..
زياد التفت وشبحلها لقاه واقفه ع بنات تكلم فيهم..
تنهد ورجع شاف لبوه..
هيثم:لالا اني بروحي نتصرف..
ومشي من حداه..
وزياد يشوفله بصدمه بعدين لحقه وهو يقول بإرتباك:بوي يابوي غير راجي..
