My Only Exception

Chapter 3

Chapter 3

"Nasan na ba 'yun? Sabi niya dito kami sa labas ng gate magkikita eh." Sabi ko sa kasama ko.

"Baka nakalimutan?" Sambit niya pa.

"Hindi 'yon. Baka nalate lang." Tugon ko.

Nandito ako ngayon sa labas ng gate ng University namin. Hinihintay ko yung bestfriend ko dahil ipapakilala ko sa kaniya ang boyfriend ko, kaso mag gagabi na hindi padin siya dumadating.

Oo, may boyfriend na ako kahit first year college palang ako.

"Baba, ihatid na kaya kita sa inyo?" Sabi ni Chandler, boyfriend ko.

"Hindi pwede... Alam mo namang magagalit si daddy diba?" Sambit ko.

"Hindi mo naman sasabihin na boyfriend mo ako." Aniya.

So, wala siyang balak na ipakilala ko siya bilang boyfriend ko? Well, wala rin naman akong balak na ipakilala na siya... Pero baka magbago isip ko kung pipilitin niya ako?

"Ayaw mo?" Tanong ko.

"Ha? Anong ayaw ko?" Nagtatakang sagot niya.

"Ipakilala kita?" Sagot ko.

"Ahh... Ayaw mo din naman e, wag na lang." Aniya. Tumango nalang ako. I shouldn't be bothered with his answer and I shouldn't feel disappointed, right?

Ilang segundo lang ang dumaan, nakita ko na rin si Jazlyn na patungo sa direksiyon namin. I checked my watch and realized that it's already 5:30 pm.

"Omg, bakla! Sorry, nalate ako may pinagmeeting-an lang. Eto kasing mga walang hiya kong kaklase binoto ba naman akong president? Mukha bang magiging matinong presidente ako?" Aniya sa naiiritang boses. Umirap pa nga ang babaita.

"I-iimpeach kadin nila, huwag kang mag-alala." Suporta ko sa kaibigan.

"Tseh!" Tugon niya saka hinampas ako sa braso.

Narinig kong umismid si Chandler dahilan para mapalingon kami ni Jazlyn sa kaniya.

"Oh, by the way... Here's Chandler." Pakilala ko sa boyfriend ko.

Napalingon naman agad si Jazlyn sa kaniya. Napatingala siya dahil medyo matangkad itong boyfriend ko.

"Hi, you must be Valerie's bestfriend?" Tanong sa kaniya ni Chandler.

"Yes, ako nga. And you are?"

"My boyfriend." Sagot ko. Napabilog ang bibig ni Jazlyn.

"Talaga?" Tanong niya pa na parang ayaw maniwala. "Pano ka nabingwit neto?" Tanong niya kay Chandler.

Kumunot ang noo ko. "Hoy!" Sigaw ko sa kaibigan.

"Joke lang.... Bakla, dito ka muna." Sabi niya sa akin at hinila ako patungo sa direksiyon palayo kay Chandler.

"Napano ka?" Tanong ko.

"Chandler usap lang kami saglit ah!" Sigaw niya sa boyfriend ko. Nakita kong tumango lang si Chandler nang marinig ang sinabi ni Jaz.

"Ano?" Tanong ko muli sa kaniya.

"Saan mo nakilala yon?" Usisa ni Jazlyn.

"Nakita ko sa labas ng room namin, bakit?" Sagot ko.

"Gaga! Malay mo magnanakaw yan? Ilang araw na ba kayo?" Ani Jazlyn.

Napaisip ako. Nakita ko kasi si Chandler sa labas ng room namin last week, nung nahulog ko yung libro ko tinulungan niya ako. From then, I found him attractive especially when I heard his manly voice. Not to mention, I am really attracted to a guy with manly voice and happened to be taller than me. Especially to someone that is older than me.