ဇာတ်လိုက်က ငါ့ကို နေ့တိုင်း သိမ်းပိုက်ချင်နေတယ်{ဘာသာပြန်} [Completed]

[ 3 ] Cheap Master

[Unicode]

ချူယွီရဲ့ ဆိုးယုတ်ပြီး ခြိမ်းခြောက်မှုဆန်တဲ့စကားတွေကို နားထောင်ပြီးတဲ့နောက်မှာတော့ ရှဲ့ရှီးက စိတ်သက်သာရာရပြီး ကြက်သီး‌တွေကို တိတ်ဆိတ်စွာ ပွတ်သပ်လိုက်တယ်။

သူက သူ့ဆရာသခင်ကို ဘာတစ်ခုမှ ပြန်ပြောဖို့ မရည်ရွယ်ထားတဲ့အတွက် ခေါင်းညိတ်ပြလိုက်ပြီး ချူယွီပြောတာကို လက်ခံလိုက်တယ်။

ဒီလို နာခံတတ်ပြီး နှင်းဆီ‌ရောင် အသားအရေလေးနဲ့ မျက်ရည်တွေ ဝဲတဲတဲ မျက်လုံးလေးနဲ့ ကောင်ငယ်လေးကို ကြည့်ရင်း သူ့ရဲ့ မကောင်းဆိုးဝါးဆန်တဲ့ လက်တွေက ကောင်လေးကို ထိကိုင်ဖို့ တွန်းအားပေးမှုကို ချုပ်တည်းနေရတယ်။

အဲတာဇာတ်လိုက်..ဇာတ်လိုက်..ဇာတ်လိုက်..

အနာဂတ် ညီအစ်ကိုလေး..အနာဂတ်ရွှေပေါင်ကြီး..အနာဂတ် အာမခံလမ်းကြောင်းလေး...

သူက သူ့နှလုံးသားထဲက အဲဒီအတွေးတွေကို နှိုင်းဆချင့်ချိန်ပြီး မြူးထူးတက်ကြွစွာ အပြင်ထွက်သွားခဲ့တယ်။

ရှဲ့ရှီးက အခုမှ စိတ်သက်သာရာရသွားတယ်။ သူ့ရဲ့ စိုးရိမ်သောကတွေ တစ်ဖြည်းဖြည်းလုံးပါးသွားပြီးနောက် သူ့ခန္ဓာကိုယ်နဲ့ ပတ်သက်ပြီး တစ်ခုခု ကွဲပြားနေသလို ခံစားရတယ်။သူ့ရဲ့
စိတ်ပျက်ဖွယ် ခန္ဓာကိုယ်ကြီးက အနှစ်သာရမဲ့ပြီး အခွံဖြစ်နေခဲ့တာ ကြာပြီ။ အခုတော့ သူ့ခန္ဓာကိုယ်ထဲမှာ မမျှော်လင့်ထားတဲ့ ဝိညာဉ်စွမ်းအားတစ်ခု လှည့်ပတ်နေတယ်။

သူက အချိန်‌အတော်ကြာ စိတ်လွင့်နေခဲ့တယ်။
သူရဲ့ စိတ်တွေကို ပြန်စုစည်းလိုက်တဲ့အခါမှာ သူ့ရဲ့ အရင်က ထုံနေတဲ့ လက်တွေ ခြေထောက်တွေက အိပ်ပျော်ပြီးတဲ့နောက်မှာ ရုတ်တရက် ခေတ္တလောက် စူးအောင့်လာခဲ့တယ်။ သူ ချက်ချင်းပဲ တရားထိုင်လိုက်‌‌ပြီး သူ အလွတ်ရပေမဲ့ ဘယ်တော့မှ အသုံးမပြုရသေးတဲ့ ချီစွမ်းအင် လှည့်ပတ်ခြင်းကို စတင် ကျင့်ကြံလိုက်တယ်။

သူက သူ့ရဲ့ ခန္ဓာကိုယ်က ချီတွေကို ခုနစ်ကြိမ်ခုနစ်ခါ လှည့်ပတ်စေလိုက်တယ်။ သူ့ရဲ့ ခန္ဓာကိုယ်တစ်ခုလုံး ရေပူစမ်း‌ထဲမှာ စိမ်နေသလို ‌အတော်ကို သက်တောင့်သက်သာ ရှိလာတယ်။
ရှဲ့ရှီးက လေပူတွေကို မှုတ်ထုတ်ရင်း စိတ်ကျေနပ်စွာနဲ့ သက်ပြင်းချလိုက်တယ်။ ထို့နောက် သူက သူ့ရဲ့ လက်တွေကို ငုံ့ကြည့်လိုက်တယ်။