[Unicode]
ချူယွီလည်း ပြောလို့ပြီးရော အခြားသူတွေအကုန်လုံးက အလွန်အံ့အားသင့်ခြင်း၊ ရွံရှာခြင်း သို့မဟုတ် လှောင်ပြောင်ချင်တဲ့ အမူအရာတွေနဲ့ လှည့်ကြည့်လာပြီး လူအချို့က တိုးတိုးလေးပြောကြတယ်...
"အို, စုန့်ရှစ်ရှုန်းကို မျက်နှာသာမပေးတာ ဘယ်သူပါလိမ့်? သူက....."
"ငါကြားတာ ချူယွီက အလွန့်အလွန်ကိုမောက်မာတာတဲ့ ကျွတ် ကျွတ်,လူတိုင်းရဲ့မျက်လုံး တွေက ခေါင်းဆောင်တဲ့တပည့်ဆီမှာပဲရှိတာ...ငါထင်တယ် သူတို့က အဆင့်နိမ့်တဲ့ နတ်ဆိုးသားရဲတွေကို ရိုးရိုးတမ်းတမ်း သုတ်သင်ဖို့သွားနေသလိုပဲ။"
စုန့်ကျင်းရီ လည်း သူ့ကိုတောက်ပတဲ့မျက်လုံးတွေနဲ့လှည့်ကြည့်လာတယ် "ချူရှစ်တိပဲ...ချူရှစ်တိလေးက ဆန္ဒမရှိရင် အဲ့တာက မကောင်းလောက်ဘူးနော်....မင်းရဲ့နောက်က ရှစ်တိလေးကတော့ အရမ်းသဘောမတူ ဖြစ်နေပုံပဲနော်??
ဒီခရီးက ချီသန့်စင်မှုအဆင့်သာ ရှိသေးတဲ့ သူတွေအတွက် အလွန်အန္တရာယ်များတယ်နော်..."ချူယွီက သူ့ရဲ့နောက်က ကိုအာလာလေးလို တွယ်ကပ်နေတဲ့ ကောင်လေးကို တစ်ချက်ကြည့်လိုက်တယ်...ဒီကောင်လေးက ပျင်းပြီး မပျံချင်ရုံပဲဆိုတာ ရှင်းနေတာပဲကို။ ရှဲ့ရှီးက သူ့ရဲ့တောက်ပနေတဲ့ မျက်လုံးလေးတွေကို ပင့်လိုက်တယ်။ ချူယွီကို တင်းကြပ်စွာ ဖက်တွယ်ထားရင်း သူညင်သာစွာ ပြောလိုက်တယ် "မင်းရဲ့ကြင်နာမှုအတွက် ကျေးဇူးတင်ပါတယ်။ ဒါပေမဲ့ ငါ သာ့ရှစ်ရှုန်းနဲ့ပဲ လိုက်ချင်တယ်။ သာ့ရှစ်ရှုန်း ဘယ်သွားသွား ငါလည်းလိုက်မှာ..."
စုန့်ကျင်းရီက ပြောင်ပြောင်တင်းတင်း အငြင်းခံလိုက်ရပြီး သူ့မျက်နှာက ရုပ်ဆိုးသွားတယ် "...အဲ့တာဆို မင်းတို့နှစ်ယောက်က ကိုယ့်ဘာသာကိုယ် သွားမှာပေါ့ ဟုတ်လား??"
ချူယွီ ပြုံးလိုက်ပြီး ရှဲ့ရှီးခေါင်းလေးကို ပွတ်ပေးလိုက်တယ်။ သူ ရွှင်ရှန်းကို အသက်သွင်းလိုက်ပြီး ရေပြာရောင် အလင်းတန်းက တောက်ပစွာနဲ့ထွန်းလင်းလာပြီး 'ဝှစ်'ဆိုတဲ့အသံနဲ့ ပျံသွားလေတယ်။ ၎င်းက အခြားဂိုဏ်းတပည့်တွေအပေါ်ကနေ ဖြတ်ပျံသွားတယ်။ သူတို့က မျက်တောင်တစ်ခတ်စာမှာပင် ပျောက်ကွယ်သွားလေပြီ။
YOU ARE READING
ဇာတ်လိုက်က ငါ့ကို နေ့တိုင်း သိမ်းပိုက်ချင်နေတယ်{ဘာသာပြန်} [Completed]
RomanceNovel name နဲ့ information အပြည့်အစုံကို အထဲမှာ ရေးသားပေးထားပါတယ်။ This is just a fun translation. I do not own the novel. All credits go to the original author. Crd Official art Start date-13.3.2021 End date-2.6.2021