[ᴄᴏᴍᴘʟᴇᴛᴇ] The blood sweat and tears

fifty-seven

"Яагаад?"

Жимин эргэлзэнгүй асуухад, Жэмин түүн рүү инээмсэглэсээр "Дараачийн бүр том төлөвлөгөөгөө сайн бодох хэрэгтэй байна. Энд байхад цаг үргэлж зэвсгийн наймаа руу анхаарсаар байгаад, төлөвлөгөөндөө анхаарч чадахгүй нь. Тиймээс түр хугацаагаар Жэжү арал дээрх эдлэн дээрээ оччихоод ирье." ийн хэлэв.

Түүний хэлсэн үгэнд залуус бүгд гайхах бөгөөд илүү дэлгэрэнгүй ярихыг нь хүлээх мэт бүгд чимээгүй суулаа.

"Миний хүссэн зүйл анхнаасаа зэвсгийн наймаа, ерөнхийлөгч байгаагүй. Миний хүссэн зүйл эмнэлзүйн эрх мэдэлтэй болох байсан. Яг л Билл Гейтс шиг. "

Сүүлийн өгүүлбэр нь хүн бүрийг эргэлзэхэд хүргэлээ. Тэд техник, технологийн салбар руу орно гэж үү? Болох л юм. Гэхдээ энэ салбарын хамгийн том зүйл бол нийтэд нээлттэй байх. Тэгж байж л, тэд өөрсдийнхөө бараа үйлчилгээг сурталчилна шүү дээ. Гэвч энэ боломжгүйг бүгд мэднэ! Гэмт бүлэглэл техникийн салбарт аа? Үхэл рүүгээ явсан хэрэг байна!

Жимин түүнийг эсэргүүцэн үг хэлэх гэсэн ч, Жэмин түүнээс өрсөн "Тэр хүн маш олон газар туршилт хийсэн бөгөөд ихэнх нь бүтэлгүйтсэн. Гэхдээ бүтэлтэй, бүтэлгүй болсон бүх туршилтын үр дүн нь ундны усыг бохирдуулан өвчлүүлэх явдал юм. Тэр ихэнхдээ усны нөөц багатай орнуудад үүнийгээ явуулдаг. Ингэснээр усгүй газрын хүмүүс аргагүйн эрхэнд бохирдсон усыг ч уудаг. Үүнээс болоод маш олон хүмүүс өвчилнө." гэхэд л бүгд түүний юу ярих гээд байгааг гадарлаж эхлэв.

"Тэр хүн ядуу буурай орнуудад яагаад тэгж их хандив өргөдгийг мэдэх үү? Үнэн хэрэгтээ тэр бол хандив биш. Харин бусдыг мөлжих бодлого юм. Чимээгүй байвал хүмүүс гадарлах учир маш их дуулиан, шуугиан болон зарладаг. Хэрэв тэгвэл хүмүүс гадарлахгүй шүү дээ. Харин түүнийхээ араар асар өндөр үнээр эм, вакцин гэх мэт хөрөнгө оруулсан зүйлсээ зардаг юм. Бодит байдал дээр түүний жил бүр өгөх нэртэй зарж буй эм тарианы үнийн дүнгийн 3-ны 1-р л ундны усыг цэвэрлэж болно. Гэхдээ хэн л мөнгөний уул уурхай болсон газраа тайван орхих вэ дээ? Эцсийн ганц шижир алтыг дуустал нь ухах болно. Тэгээд дараачийн бай руугаа хөдөлнө."